Jeremia 22:10 - MUMA MALER 2015

¹⁰ “Jo-Juda, kik uywag ruoth Josia, ma koro osethoni, to ywaguru wuode ma Shalum, nikech osetere e piny moro, kendo ok noduogi, bende ok ochak one piny mane onywolee.

Motingʼo Loko Manyien

¹⁰ Kik uywag ruoth motho kata goyo nduru ne lal mare; to onego, uywag malit ne ngʼatno moter e twech, nikech ok enoduogi kata neno piny mane onywole kendo.

Jeremia 22:10 ပူးပေါင်းရင်းမြစ်များ

2 Ruodhi 22:20

Noyiki e liendi gi kue, kiluwo kwereni, ma kata wang’i ok none masira ma abiro kelo kae.’ ”

2 Ruodhi 23:29

E ndalo Josia ema ne Farao-neko, ruodh Misri, odhi kedoe gi ruodh Asuria e dho aora Yufrate. Ruoth Josia nodhi Megido kedo kode, to kane girado, Farao nonege.

2 Weche mag Ndalo 36:4

Eka noketo Eliakim owadgi Jehoahaz ruodh Juda gi Jerusalem, kendo noloko nyinge ni Jehoyakim. Jehoahaz to notero Misri.

Eklesiastes 4:2

Kuom mano akwano joma osetho ka joma johawi moloyo joma pod ngima.

Isaya 57:1

Ji makare tho, to onge ng’ama dewo. Bende joma oyie kuom Nyasaye iwito kucha, to onge ng’ama penjo. Adier, richo ema yueyo joma kare oko,

Jeremia 16:7

Ka ng’ato ng’ate otho, to onge ng’ama nobi ochiem kode kata ometh kode mondo oduog chunye, bed ni wuon kata min ema otho.

Jeremia 22:11

To nikech Ruoth Nyasaye osewuoyo kuom Shalum wuod Josia mane obet ruodh Juda kar wuon mare kowacho niya, ‘Osea ka chuth, kendo ok noduogi.

Jeremia 22:18

Kuom mano, Ruoth Nyasaye wuoyo kuom Jehoyakim wuod Josia, ma ruodh Juda niya, “Onge ng’ama noywage, kawacho ni, ‘Yaye Ruoth! Thoni lit manadi!’

Jeremia 22:27

Ok unuduog e pinyu muheroni.”

Jeremia 25:27

Eka Ruoth Nyasaye nowachona niya, “Nyis ji ni an Ruoth Nyasaye Manyalo Gik Moko Duto kendo Nyasach Israel, achikogi mondo gimethi, mi gimer kendo ging’ogi nyaka gipodh piny ma ok ginyal kata chung’, nikech lweny ma abiro kelonigi.

Jeremia 28:4

Bende abiro duogo Jekonia wuod Jehoyakim ma ruodh Juda kaachiel gi jo-Juda mane odar moter Babulon e tuech. Adier, abiro turo jok mar ruodh Babulon. An Ruoth Nyasaye ema awacho kamano.”

Jeremia 42:18

“Ruoth Nyasaye ma Nyasach Israel wacho niya, ‘Kapo ni udhi e piny Misri, to abiro olo mirimba kuomu, mana kaka ne aolo mirimba kuom jo-Jerusalem. Unulokru gima bwogo ji, kendo ji nobed kajarou, mi giluong nyingu ka gima okuong’. Bende ok nuchak une kaeri kendo.’ ”

Jeremia 44:14

Onge kata ng’at achiel kuom jo-Juda mane odong’ mi tony. Bende onge kata ng’at achiel kuomgi ma nodong’ e piny Juda kuma gigombo mondo gidagie kendo. Onge ng’ama nodogi, mak mana ji moko manok moringo lweny.”

Ywagruok 4:9

Ji mane otho e lweny ne johawi, moloyo joma ne kech oywayo monego, kaonge gima cham.

Ezekiel 24:16

“Wuod dhano, abiro mayi ng’at ma ihero moloyo, apoya. To kik ing’ur, kata kik iywagi, kendo pi wang’i kik chuer.

Luka 23:28

To Yesu nolokore, mowachonigi niya, “Un nyi Jerusalem, weuru ywaga, to ywagreuru mana un uwegi, kendo ywaguru nyithindu,