Jeremia 20:6 - MUMA MALER 2015

⁶ To in Pashur, nomaki kaachiel gi joodi, mi teri Babulon kuma inithoe kendo yikie but osiepeni ma isebedo ka ihulonigi weche mag miriambo!”

Motingʼo Loko Manyien

⁶ To in, Pashur, kod jogo duto modak e odi noteru e twech Babulon. Kanyo unuthoe kendo noyiku, in kod osiepeni duto mane isekoronegi miriambo.’ ”

Jeremia 20:6 ပူးပေါင်းရင်းမြစ်များ

Isaya 9:15

(Wich en joma oti kod joma ogen, to yip en jonabi mawacho miriambo.)

Jeremia 14:13

An to ne adwoke ni, “A Ruoth Nyasaye, donge ing’eyo ni jonabi wacho ni ji niya, ‘Kech kata lweny biro bedo maonge, nimar nisingori ni kue kende ema nobed e pinywa’?”

Jeremia 14:16

Joma ne giwachonigi gigo bende lweny gi kech biro nego. Ringregi kaachiel gi mag mondgi kod nyithindgi nowiti e yore mag Jerusalem, ma onge ng’ama noyiki, nikech abiro kumogi kuom timbegi maricho.

Jeremia 20:1

Kane Pashur wuod Imer jadolo, kendo jatelo maduong’ e Hekalu owinjo gik mane Jeremia okoro,

Jeremia 20:4

Ruoth Nyasaye osewacho ni obiro miyo ilokri masira ni in iwuon, kendo ni osiepeni, kendo wasigu noneg osiepenigo duto e lweny mana kineno. Abiro keto jo-Juda duto e teko mar ruodh Babulon, kendo enoter moko e tuech Babulon, to moko nogol chik mondo onegi.

Jeremia 23:32

Winjuru gima awacho, an Ruoth Nyasaye! Amon gi jonabi mahulo lek mag miriambo, nimar giwito joga kod sungagi gi lekgigo. Ne ok aorogi, bende ne ok achikogi mondo gidhi gitim kamano, omiyo onge gima gikonyogo jogagi. An Ruoth Nyasaye ema awacho.”

Jeremia 29:32

Nowacho niya, “An Ruoth Nyasaye abiro kumo Shemaya gi nyikwaye duto, nikech ne owuoyo ka gima en janabi, mi omiyo uyie weche mag miriambo, to ne ok aore. Ok nobed gi nyikwayo ma nochung wiye e ogandau, bende obiro tho ka pok oneno gik mabeyo ma abiro timo ni joga, nikech nowachonigi mondo gitamre mako chikena. An Ruoth Nyasaye ema awacho kamano.”

Jeremia 5:31

Jonabi koro weche mag miriambo, jodolo bende chwakogi, to kendo mano e gima joga ohero! To gibiro timo ang’o, chieng’ ma gigo orumo?

Ywagruok 2:14

Fweny mane jonabini oneno, mi onyisi, ne ok adier, to ne gin mana miriambo lilo. Ok ne ginyisi timbeni mamono, mondo ichak idhi maber kendo, to fweny ma gisenyisi gin mana weche manono ma wito ji.

Ezekiel 22:28

Jonabi to umo richogo mana ka joma mwono kor ot gi buru. Gineno fweny mag miriambo, kendo gikoro weche ma ok adier. Giwacho ni wechego gin mag Ruoth Nyasaye, to an Ruoth Nyasaye pok awuoyo kodgi.

Tim jo-Lawi 26:17

Anabed mosin kodu, mi wasiku nonegu. Unubed e bwo loch joma mon kodu, kendo unubwogru gi ng’wech kata ka onge joma lawou.

Mika 2:11

Aneno ni janabi ma ji ohero en mana ng’at ma lworore e kor gweng’, gi weche mag miriambo, kokoro ni ji ni gibiro yudo divai gi kong’o mang’eny.

Zekaria 13:3

Bang’ mano, ka ng’ato pod nodhi adhiya nyime gi koro wach, to wuon gi min nowachne niya, ‘Ok inichak ibed mangima kendo, nimar isewacho miriambo e nying Ruoth Nyasaye.’ Kamano wuon gi min nochwowe gi tong’, mi nege, kokoro wach.

Rapar mar Chik 28:25

Ruoth Nyasaye noketu e lwet wasiku, mi ginilou. Unurad kodgi ka un oganda achiel, to unuringi kuke e sidienje abiriyo, mi unubed joma pinje duto wuoro.