Jeremia 20:5 - MUMA MALER 2015

⁵ Bende anawe wasikgi yak mwandu duto manie Jerusalem kaachiel gi gik moko duto mantie, koda ka gik mabeyo duto mag ruodhi Juda, mi gikaw gidhigo Babulon

Motingʼo Loko Manyien

⁵ Anami wasikgi mwandu duto mar dala maduongʼni gige duto moloso, gige duto ma nengogi tek kod mwandu duto mokan mag ruodhi Juda. Ginikawgi kaka gima opee mi notingʼ-gi ka iterogi Babulon.

Jeremia 20:5 ပူးပေါင်းရင်းမြစ်များ

2 Weche mag Ndalo 36:10

E ndalo oro ruoth Nebukadnezar nooro joote mokelo Jehoyachin Babulon kaachiel gi mwandu mag Od Ruoth Nyasaye, mi Nebukadnezar noketo Zedekia owadgi Jehoyachin ruodh Juda gi Jerusalem.

Isaya 39:6

Ndalo biro ma gik moko duto manie odi, ma kwereni osekano nyaka chil kawuono, noter Babulon. Bende Ruoth Nyasaye omedo wacho ni onge gima nodong’ kata achiel mak oter.

Jeremia 12:12

Ji oseng’ado gode mae thim ka gibiro mondo giyeki. To an ema aoro lweny mondo otiek pinyno, ma onge ng’at manyalo dakie gi kue.

Jeremia 15:13

Ruoth Nyasaye nodwoka niya, “Abiro kelo wasigu oyak mwandu joga, mondo akumgi kuom richo ma gisetimo e pinygi duto.

Jeremia 17:3

kod gode duto manie pewe. Abiro miyo wasiku yak mwanduu duto, nikech richo ma usetimo kuonde duto e pinyu.

Jeremia 3:24

“ ‘Chakre tindowa, gik moko duto ma wuonewa osetiyo moyudo, kaka jamni kod yawuowi gi nyiri, oselalnwa kuom lamo Baal, nyasach wichkuot.

Jeremia 32:24

“Jo-Babulon osedhuro lowo pidhe pidhe e alwora mar dala, kendo gimonje mondo gikawe. Lweny gi kech kod tuo biro miyo gikawe. A Ruoth Nyasaye, ineno kaka gigo mane iwacho timore.

Jeremia 39:2

Kamano chieng’ due ochiko due mar ang’wen e higa mar apar gauchiel mar loch ruoth Zedekia, ne omuk ohinga mar Jerusalem.

Jeremia 39:8

E kindeno, jo-Babulon nowang’o od ruoth gi ute ji, mi gimuko ohinga mar Jerusalem.

Jeremia 4:20

Masira achiel luwo machielo, kendo piny duto okethi, piyopiyo nono hembena omuki, kendo rageng’ni maggi oyiech matindo tindo.

Ywagruok 1:10

Wasigu osekawo mwandune duto. Oseneno joma ok jo-Israel ka donjo e Hekalu mare. Gin ogendini mane Ruoth Nyasaye, ikwero ni kik donji e chokruok maler, nimar en chokruok mari.

Ywagruok 1:7

Jerusalem paro ndalo mane onenoe chandruok kod chuny lit, kane wasigu omako joge, to onge ng’ama nobiro mondo okonye. Wasike ne ogoyone siboyi, koneno ni osepodho.

Ywagruok 4:12

Onge ruoth moro kata mana ng’at achiel modak e piny mane oyie ni jasigu didonj e dhorangeye Jerusalem.

Ezekiel 22:25

Jotendgi chalo gi sibuoche ma ng’ur ka kidho le ma gisemako. Ginego ji, omiyo mond liete doko mang’eny, kendo giyako mwandu kod gik mabeyo.

Daniel 1:2

Ruoth Nyasaye nochiwo Jehoyakim e lwet Nebukadnezar, kaachiel gi gik lemo moko mane pod odong’ ei Hekalu, Jerusalem. Ruoth Nebukadnezar nokawogi, moterogi Babulon ei hekalu mar nyisechene, mi okano gik Hekalu mane oyakogo e od kenone.

Hosea 13:15

Kata obedo ni jo-Israel dhi nyime maber ka buya malandore, to abiro kelonigi jaketh ma notiek gigi mabeyo duto mana kaka yamb oro moa e piny motimo ongoro duono sokni duto.