Jeremia 20:18 - MUMA MALER 2015

¹⁸ Ere gima omiyo ne onywola mana ni mondo ane lit gi masira, kendo atho mana gi wichkuot?”

Motingʼo Loko Manyien

¹⁸ Angʼo momiyo ne awuok e ich mondo ane thagruok kod lit, kendo atiek odiechiengega e wichkuot?

Jeremia 20:18 ပူးပေါင်းရင်းမြစ်များ

1 Ruodhi 19:4

To en owuon, nodhi e thim moromo wuodh ndalo achiel. Eka nobet e tiend yath moro, mokwayo Ruoth Nyasaye ni mondo otho, kowacho niya, “Oromo! Yaye Ruoth Nyasaye, kaw ngimana, nikech ok aber moloyo kwerena.”

Ayub 14:1

Ndalo dhano nok, kendo oneno thagruok mathoth.

Ayub 14:13

A Nyasaye, mad iyie ipanda e piny joma otho, mondo apond kuno nyaka mirimbi kue. Bang’e iket kinde ma ibiro parae kendo.

Ayub 3:20

Ere gimomiyo jomoko inywolo mana ni mondo one thagruok? Koso ji man gi chuny lit iweyo neno chieng’ nang’o?

Ayub 5:7

to dhano ema kelo ni en owuon chandruok, mana kaka ong’ere ni winy huyo e kor polo.

Zaburi 102:3

Ngimana lal nono mana ka iro, kendo denda wang’ ka mach.

Zaburi 69:19

In ing’eyo kaka ji miya chuny lit, kendo ing’eyo kaka gijara kendo gikuodo wiya, wasika duto bende ineno.

Isaya 1:6

Onge kama ngima e dendu, chakre tiendu nyaka wiu, mak mana kuonde moridhore gi kuonde moriemo kod adhonde, ma pok oketie yath, kata motue, kata mowirie mo ma dimi gichangi.

Isaya 51:7

Winjuru, un joma ong’eyo tim makare kaka obet, kendo ma keto chunygi kuom chikna. Kik uluor achaya mag ji, kendo ayany ma giyanyougo kik gou kibaji,

Jeremia 15:10

Jeremia noywagore niya, “Yaye! Hapa rach! Ere gima omiyo ne mama onywola, nimar ji duto osiko ka dhaw adhawa koda? Pok aholo ng’ato pesana, bende pok aholo pesa kuom ng’ato, to kata kamano, ji duto kuong’a.

Jeremia 15:18

Ere gima omiyo asiko ka an gi rem malit? Ang’o momiyo adhondena ok nyal chango? Koso idwaro bedona ka aora ma duono ndalo oro?”

Jeremia 3:25

Onego wanind piny ka wiwa okuot, kendo ka timbewa maricho oumowa. Wan kaachiel gi kwerewa waseketho e nyim Ruoth Nyasaye ma Nyasachwa, chakre tindowa, kendo ok wasewinjo wachne.’ ”

Jeremia 8:18

“Akuyo ma ok anyal yudo kue, kendo chunya tuo.

Ywagruok 1:12

Un duto mukadho ok dudewie wach malich machal kama? Mad urang uneye ka bende nitie chandruok machalo gi mara, ma Ruoth Nyasaye osesandago malit kokechoni.

Ywagruok 3:1

An ema aseneno masira mane Ruoth Nyasaye okelona kokecho.

Habakuk 1:3

Ere gima omiyo iweyo aneno chandruok machalo kamano? Koso ang’o momiyo iweyo aneno timbe mamonogi? Mecho kod timbe machach ema aneno, kendo miero gi lweny olwora koni gi koni.

Johana 16:20

Adier, adier, awachonu ni, unuywag kendo unuku, to piny nobed abeda mamor. Unuku, to kuyou nolokre mor.

Tich Joote 5:41

Joote noa e od bura kamor ahinya, nimar Nyasaye noseyierogi mondo giyud wichkuot nikech nying Yesu.

2 Timotheo 1:12

Mano ema omiyo aneno masira kama, to wiya ok nyal kuot, nikech ang’eyo Jal mane ayie kuome, kendo aonge gi kiawa ni gima asemiye, onyalo ritona nyaka chop chieng’ Bura.

Jo-Hibrania 10:36

To timuru kinda mondo utim gima Nyasaye dwaro, mi uyud gima osesingore ni nomiu,

Jo-Hibrania 11:36

Jomoko ne oyany kendo ochwadi, to jomoko ne otue mi oketi e jela.

Jo-Hibrania 12:2

Nyaka wachom wang’wa kuom Yesu ma jatendwa e yor yie, a chakruok nyaka giko. Ne oyie tho e msalaba, kochayo wichkuot mar tho ma kamano, nikech mor mane obiro yudo achien. To koro osebet piny e bat korachwich mar komduong’ mar Nyasaye.

Jo-Hibrania 13:13

Omiyo koro wawuoguru wadhi ire oko mar kambi, kwating’o achaye mane en bende oting’o,