Jeremia 20:16 - MUMA MALER 2015

¹⁶ Mad ng’atno chal gi mier mane Ruoth Nyasaye oketho mak okecho. Mad owinj ka ji ywagore malit gokinyi, kendo owinj tung’ lweny godiechieng’ tir,

Motingʼo Loko Manyien

¹⁶ Mad ngʼatno chal gi mier mane Jehova Nyasaye owito oko maonge ngʼwono. Mad owinj dengo gokinyi kod ywak mar kedo e dier odiechiengʼ tir.

Jeremia 20:16 ပူးပေါင်းရင်းမြစ်များ

Jeremia 18:22

Kel mony apoya, mondo oyak miechgi, mi giywag ka kihondko omakogi. Gisekunyona bur mondo anyumrae, kendo gisechikona obadho mondo omaka.

Jeremia 18:8

to bang’e ogandano olokore moweyo timbene maricho, to an bende koro aloko parona kuom gima rach mane awacho ni abiro timo.

Jeremia 23:14

To bende aseneno ka jonabi mag Jerusalem timo mana gik mamono. Giterore, to kendo giwacho miriambo, bende gijiwo joma timo richo, omiyo onge ng’ama nyalo weyo timbene maricho. Giduto gichalna gi jo-Sodom gi jo-Gomora.

Jeremia 26:13

Nyaka ulok yoreu gi timbeu, kendo nyaka uluor Ruoth Nyasaye ma Nyasachu. Eka onyalo loko parone kuom masira ma osewacho ni obiro kelo kuomu.

Jeremia 4:19

Iya nyawni! Awinjo rem malit! Yaye chunya! Chunya diko malit! Ok anyal ling’ nikech awinjo tung’ gi mahu mag lweny.

Ywagruok 4:6

Kum ma joga oyudo lich moloyo kum mane okum go Sodom, nikech Sodom nolok gunda mana piyopiyo nono, ma onge ng’ama oywago.

Ezekiel 21:22

Koro oting’o asere mondikie ni Jerusalem, gi lwete ma korachwich. Kamano ong’eyo ni onego odhi Jerusalem mondo ogi sigich lweny, kendo olos lodi mituomogo dhorangeye, bende oging pidhe mag lowo, kendo okuny buche molworo ohinga.

Hosea 10:14

lweny biro buko jou, mi miechu mochiel motegno nokethi. Enochal gi kinde mane ruoth Shalman okethoe dala mar Betharbel gi lweny, monego kata mana mine gi nyithindgi.

Hosea 11:8

“To ere kaka daweu, un jo-Israel? Koso ere kaka dajwang’u? Bende datieku adier, kaka ne atieko jo-Adma? Koso anyalo timonu kaka ne atimo ni jo-Zeboim? Ooyo, ok anyal timonu kamano, nikech aherou ahinya.

Hosea 13:14

Uparo ni abiro reso jogi kuom tho, kata konyogi ni kik gidhi e piny joma otho? Ooyo! In tho, bi gi masicheni duto, kendo in piny joma otho, bi gi kethruokni duto, nimar ok abi kecho jogi.

Amos 1:14

Kuom mano abiro moko mach e ohinga mar Raba mondo owang’ kuonde mochiel motegno mag dalano. Ji nogo mahu chieng’ kedo, kendo lweny nobed maliet ka mach.

Amos 2:2

Kuom mano abiro oro mach e piny Moab mondo owang’ kuonde mochiel motegno mag Kerioth. Jo-Moab biro tho e chuny mahu mar lweny, ka jolweny giyo sigich lweny, kendo tung’ ywak.

Amos 4:11

“Ne atieko jomoko kuomu kaka ne atieko Sodom gi Gomora, kendo ne uchalo gi luth moyudh e mach. Kata kamano ne ok uduogo ira.

Jona 3:4

Jona nodonjo e dala, mowuotho kuom odiechieng’ achiel. Eka nogoyo milome kama: “Bang’ ndalo piero ang’wen, ibiro ketho Nineve!”

Jona 4:2

Omiyo nowacho ni Ruoth Nyasaye niya, “A Ruoth Nyasaye, kane pod an thurwa, donge nawacho ni ibiro timo gima kama? Mano emomiyo ne atemo ringo mondo adhi Tarshish, nikech nang’eyo ni in Nyasaye ma jang’wono, kendo makecho ji. Iyi ok wang’ piyo, kendo inyiso hera mosiko, bende chunyi lor a kuom kelo ni ji masira.

Zefania 1:16

kendo sigich lweny winjoree e mier mochiel motegno, kendo kuonde moger maboyo mag ng’icho.

Zefania 2:9

“Kuom mano, an Ruoth Nyasaye ma Nyasach Israel, akuong’ora gi nyinga awuon, ni Moab biro chalo gi Sodom, to Amon nochal gi Gomora, mi gibed kuonde ma aila gi bugni mag pundo ema opong’o, kendo mokethore nyaka chieng’. Joga modong’ noyakgi mi kaw pinygi.”

Luka 17:29

To chieng’ mane Lut owuokie Sodom, mach kod kite maliel nolwar koa e polo, mi otieko gi pep.

Rapar mar Chik 29:22

“E ndalo mabiro, nyikwau kod joma oa e pinje mamoko maboyo none masiche kod tuoche mane Ruoth Nyasaye osetimo e pinyni.

Rapar mar Chik 29:23

Piny duto nowang’ gi mach kendo notim chumbi, ma ok nyal pidhie gimoro, kata mana lum bende ok notwiye. Nokethre mana ka Sodom gi Gomora, kod Adma gi Zeboim, mane Ruoth Nyasaye otieko gi mirimbe mager.

2 Petro 2:6

Nyasaye nokumo mier mag Sodom gi Gomora, kowang’ogi, mi gilokore buru. Kamano nolokogi ranyisi mar gima biro timore ni joma ok oluoro Nyasaye.

Juda 1:7

Bende paruru Sodom gi Gomora kod mier mokiewo kodgi. Gin bende ne gidonjo e tim terruok kod dwanyruok madhoch, mi giyudo kum mar mach mak tho, mondo obed ranyisi ni ji duto.