Jeremia 2:37 - MUMA MALER 2015

³⁷ Ubiro a e piny Misri, ka uduto umako wiu nikech wichkuot. An Ruoth Nyasaye asedagi joma ugeno kuomgi, kendo ok ginikonyu ngang’.”

Motingʼo Loko Manyien

³⁷ Bende ubiro aa kanyo gi lweteu ka uketo ewiu, nimar Jehova Nyasaye osedagi joma ugeno kuomgi; ok ginikonyu.”

Jeremia 2:37 ပူးပေါင်းရင်းမြစ်များ

2 Samuel 11:12

Daudi nowacho ni Uria niya, “Ri kawuono bende, to kiny nawe mondo idhi.” Kamano Uria noriyo Jerusalem chieng’no. Kinyne,

2 Samuel 13:19

Tamar nobuko wiye gi buru, moyiecho lawe ma bade boyo ma norwako, kendo nodhi koywak, komako wiye.

2 Weche mag Ndalo 13:12

Neuru kaka Nyasaye ni kodwa, kotelonwa. Neuru kaka jodolone ting’o tungegi mag lweny ma gibiro goyo mondo warad kodu. Un jo-Israel kik uked gi Ruoth Nyasaye ma Nyasach kwereu, nimar ok unyal loye.”

Isaya 10:4

mondo kik gikirni e nyim jotuech, kata kik gipodhi e lwet janek? To kata kamano mirimb Ruoth Nyasaye ok norum, kendo pod nosik kokumou akuma.

Isaya 28:18

mi winjruok mane utimo gi tho, kethre, kendo singruok mane utimo gi Piny Joma Otho, rum. Pi mabubni noywo gik moko, mi unuchal gi piny ma ohula omwomo!

Jeremia 14:3

Jodongo oro jotichgi mondo oumbnigi, to ka gichopo e sokni, to ok giyud pi, omiyo giduogo gi dapige nono. Giumo wigi nikech gidhier nono, kendo gikia gima ginyalo timo.

Jeremia 14:4

Chuny jopur lit, nikech koth onge, kendo piny otwo, omiyo giumo wigi.

Jeremia 17:5

Ruoth Nyasaye wacho niya, “Okuong’ ng’at ma baro weya, to geno mana kuom dhano, ka parone bor koda.

Jeremia 2:36

Ere gima omiyo uloko parou ka ok udewo? Jo-Misri mugeno kuomgi ok nokonyu, mana kaka jo-Asuria bende ne ok okonyou.

Jeremia 22:20

Un jo-Jerusalem, dhiuru e got Lebanon, mondo ukogi, kendo dhiuru e piny Bashan mondo uywagi. Ywaguru gie gode mag Abarim, nikech joma uriworugo oselo.

Jeremia 22:30

Ng’atni okuong’, omiyo enotho maonge nyathi. En ng’at ma ok nyal dhi nyime maber. Nyikwaye ok nobed ruodhi mag Juda ka Daudi. An Ruoth Nyasaye ema awacho kamano.”

Jeremia 32:5

Enotere Babulon kendo nobed kuno nyaka chop otimne gima odwaro. To kata da oked gi jo-Babulon matek manade, to ok nolo. Ruoth Nyasaye ema owacho kamano.”

Ywagruok 4:17

Wengewa ojony ka warango gima dikonywa, to kara mana kayiem. Oganda mane warito kwageno ni biro konyowa, to kara ne ok nyal gimoro.

Kwan 14:41

To Musa nodwokogi niya, “Marang’o umedo ketho chik Ruoth Nyasaye? Tim makamano ok nyal kelo gima ber,