Jeremia 2:34 - MUMA MALER 2015

³⁴ Remb joma odhier, kendo maonge ketho, otonie lepu; gin remb joma ne ok oturo uteu ka kweloe. To kata kamano uwacho niya,

Motingʼo Loko Manyien

³⁴ Remb joma odhier ma unego yudore e lepu, kata obedo nine ok umakogi ka gituro uteu.” To kuom magi duto,

Jeremia 2:34 ပူးပေါင်းရင်းမြစ်များ

2 Ruodhi 21:16

To ewi richo duto mane Manase otimo, komiyogo jo-Juda obedo joricho e nyim Ruoth Nyasaye, en ni nomedo chuero remb ji mang’eny maonge ketho, nyaka remo nomol ka ohula e Jerusalem.

2 Ruodhi 24:4

kopong’o Jerusalem gi remb joma onge ketho.

Wuok 22:1

“Ka ng’ato okwalo rwath kata rombo, mi oyang’o kata ong’iewo, to nyaka ochul ruedhi abich kar rwadhno, kata rombe ang’wen kar rombono.

Wuok 22:2

Nyaka ochule te. To ka jakuogno jachan, to nyaka ong’iewe ka misumba, mondo pesa mong’iewego obed chudo kar gima osekwalo. To ka oyude gi chiayono ka pod ngima, kata bed ni en rwath kata kanyna kata mana rombo, to nyaka ochul nyadiriyo. “Ka ojuk jakuo ka turo ot, mi onege, to ok noyal ng’at monegeno e buch nek. To ka gima kamano otimore ka chieng’ osewuok, to nyaka yal ng’at monegeno e buch nek.

Isaya 57:5

Uoworu gi nyiseche manono e tiend yien mang’ich duto, kendo uwang’o nyithindu ka misengni e hohni, kendo e kind lwendni maboyo.

Isaya 59:3

Lwetu omienore gi remo, kendo usemulo richo. Miriambo bende wuok e dhou, kendo lew hango wach.

Isaya 59:7

Tiendgi rikni ka gidhi timo richo, kendo giyot ni chuero remo maonge ketho. Paro mopong’o chunygi en mana paro mamono, kendo kamoro amora ma gidhiyoe, to masira gi chandruok ema dong’ie.

Jeremia 19:4

Abiro timo kamano nikech useweya, mudwanyo dalani, kutimoe lisweche ni nyiseche mamoko ma ok ung’eyo, to kata mana kwereu gi ruodhi mag Juda bende ne ok ong’eyo. Usemiyo remb ji maonge ketho opong’o ka,

Jeremia 2:33

Un ung’eyo yore muyudogo osiepeu machwo, to bende kata mana mon ma jochode bende nyalo puonjore kuomu.

Jeremia 6:15

Bende uparo ni wigi nokuot nikech gik makuero mane gitimogo koso? Ooyo, wigi ne ok okuot kata matin, to bende gionge gi wichkuot! Kuom mano, ginipodhi kaka jomoko osepodho, kendo ka akumogi to ginirum. An Ruoth Nyasaye ema awacho kamano.”

Jeremia 7:31

Gisegero kendo-mar-misango miluongo ni Tofeth e holo Benhinom mondo giwang’ie yawuotgi gi nyigi ka misango. To ne ok achikogi mondo gitim kamano, bende wach ma kamano ne ok aparo kata matin!

Jeremia 7:6

Weuru sando jopinje mamoko modak kuomu, kata nyithi kiye, kata mond liete. Bende kik uchuer remb joma onge ketho kaeri, kendo kik ulam nyiseche mamoko, nimar mano ditieku chuth.

Jeremia 8:12

Bende uparo ni wigi okuot nikech timbe makuero mane gitimogo koso? Ooyo, wigi ok okuot kata matin, bende gionge gi wichkuot. Kuom mano, gibiro podho kaka ji mamoko osepodho, kendo ka akumogi to ginirum. An Ruoth Nyasaye ema awacho kamano.

Ywagruok 1:9

Chilo ma en go omienore e lepe, to ne ok odewo gima biro timore achien. Mano emomiyo podho mosepodhogo lich miwuoro, kendo onge ng’ama nyalo hoyo chunye. Oywagore niya, “A Ruoth Nyasaye, neye chandruok ma an-go, nimar wasika oselocho!”

Ywagruok 4:14

Ne gibayo ka muofni e wang’ yore ka gichadhore gi remo, ma ji ok nyal mulo lepgi.

Ezekiel 20:31

Kata kawuono ka uchiwo mich kendo ka uwang’o yawuotu ka misango, to pod udhogoru mana gi nyiseche manono. To eka un jo-Israel pod uparo mana ni anyalo yie mondo upenja wach! To kaka an Ruoth Nyasaye mangima, ok ayienu mondo upenja gimoro kata matin!

Ezekiel 22:25

Jotendgi chalo gi sibuoche ma ng’ur ka kidho le ma gisemako. Ginego ji, omiyo mond liete doko mang’eny, kendo giyako mwandu kod gik mabeyo.

Ezekiel 23:45

Ji makare to nokwed mon-go kuom timbegi mag terruok kod nek, nimar giterore kendo gichuero remo.

Ezekiel 24:7

Dalano ne otimo remo, to remono ne ok ochwer e lowo, kama buru ne nyalo umee, to ne ochwer mana e lwanda lilo.

Ezekiel 9:9

Nyasaye nodwoka niya, “Jo-Israel kod jo-Juda josetimo richo madongo ahinya. Gisenego ji mathoth e pinyni, mi gipong’o Jerusalem gi timbe maricho. Giwacho niya, ‘Ruoth Nyasaye osejwang’o pinywani. Ok onewa!’