Jeremia 2:27 - MUMA MALER 2015

²⁷ Un duto mawacho ni yath ni, ‘In e wuonwa,’ kendo wacho ni kidi ni, ‘In minwa,’ wiu nokuodi. Ne ubaro mi uweya, kendo ne udagi duogo ira, to eka ka masira omakou, to ukwaya mondo abi akonyu!

Motingʼo Loko Manyien

²⁷ Giwachone yien ni, ‘In wuonwa,’ kendo ne kidi ni, ‘In ema ne inywola.’ Giselokona ngʼegi to ok wengegi, to sa ma gin e thagruok, giwacho niya, ‘Bi kendo ireswa!’

Jeremia 2:27 ပူးပေါင်းရင်းမြစ်များ

2 Weche mag Ndalo 29:6

Kwerewa noweyo Ruoth Nyasaye ma Nyasachwa kane gitimo timbe maricho e nyime. Ne giweye, mi gilokone ng’egi, kendo kata mana kar dakne, ne ok gidwar neno.

Isaya 26:16

Ne wamanyi, A Ruoth Nyasaye, ka wan e chandruok, kendo kane ikumowa, to ne walami mos.

Jeremia 10:8

Giduto gifuwo kendo gionge rieko, nikech giyudo riekogi manono mana kuom yien mopa!

Jeremia 18:17

Anake joga e nyim wasikgi, mana ka buru ma yamb ugue keyo. Abiro lokonigi ng’eya, kendo ok nakonygi ka masira omakogi.”

Jeremia 2:24

To uchalo kanj thim ma ok nyal geng’ kadwaro thuondi. Onge thwon manyalo thagore ka dware, nikech yude yot ka kinde miluwee ochopo.

Jeremia 22:23

Un joma odak Lebanon, moloso kuonde dakgi e yiend sida, unuywag manade ka rem malit ka rem mar muoch ochopo kuomu!”

Jeremia 3:9

Ne gidwanyo adwanya piny gi timbegi mag lamo kite kod yien.

Jeremia 30:7

Odiechieng’ marach biro, kendo onge odiechieng’ machal kode. En chieng’ marach ni nyikwa Jakobo. To kata kamano, gibiro tony.”

Jeremia 32:33

Giselokona ng’egi, kendo kata obedo ni ne asesiko kapuonjogi, to gidagi winja, bende ok giyie mako puonjna.

Jeremia 37:3

Ruoth Zedekia nooro Jehukal wuod Shelemia kod Zefania wuod Maaseya ma jodolo ir Jeremia mondo giwachne niya, “Yie ilamnwa Ruoth Nyasachwa.”

Jeremia 42:2

mowachone niya, “Kiyie to timnwa gima wakwayi. Yie ilamnwa Ruoth Nyasachwa, wan ji duto modong’. Chon ne wan ji mathoth, to koro neye kaka wadong’ mana manok kende.

Ezekiel 23:35

“Koro an Ruoth Nyasaye awacho kama: Kaka ne wiyi owil koda, mi ilokona ng’eyi, ibiro yudo sand kuom gombo ma in go kod timbeni mag chode.”

Ezekiel 8:16

Eka ne otera e laru maiye mar Hekalu, kuma ne nitie ji piero ariyo gabich but dhoranga Hekalu, e kind kendo-mar-misango gi kama ikadhoe. Ne giseloko dieng’egi ni Kama Ler, ka gikulore koma ochomo yo wuok chieng’, kendo gilamo chieng’ mawuok gokinyi.

Daniel 9:7

In Ruoth Nyasaye pile isebedo kitimo gik makare, to wan jo-Juda gi jo-Jerusalem gi jo-Israel duto mane ikeyo e pinje machiegni gi maboyo nikech ne waweyi, ema wasebedo ka watimo timbe mag wichkuot.

Hosea 4:12

Gipenjo bao mondo onyisgi gima biro timore, kendo ludhe bende nyisogi wach ma gidwaro ng’eyo! Giseweya, mi gidhi ir nyiseche mamoko, mana ka dhako moweyo chwore to dwanyore gi chwo mamoko.

Hosea 5:15

“Abiro dhi mi adog kar dakna nyaka chop kinde ma giyie ni giseketho, mi giduog ira ka gidwara gi chunygi duto, nikech thagruok malit ma giseyudo.”

Hosea 7:14

Ok giselama gi adiera, to girudhore piny ka giywak, kendo ka gilama mondo amigi cham gi divai, to ging’olo dendgi mana ka joma lamo nyiseche manono. To gisetamore mako chikna.