Jeremia 2:25 - MUMA MALER 2015

²⁵ Un jo Israel kik uwe tiendeu dok malit, kata kik uwe dwondu two, kuringo bang’ nyiseche manono. To uwacho niya, ‘Ok wanyal konyo. Wasehero nyiseche mamoko, kendo nyaka waluwgi!’

Motingʼo Loko Manyien

²⁵ Kik iringi nyaka tiendi dongʼ nono kendo dwondi two. To ne iwacho, ‘Onge tiende! Ahero nyiseche mag pinje mamoko, kendo nyaka aluw bangʼ-gi.’ ”

Jeremia 2:25 ပူးပေါင်းရင်းမြစ်များ

2 Weche mag Ndalo 28:22

To Ahaz achielni nomedo ketho ni Ruoth Nyasaye e ndalo mar chandruokne,

2 Weche mag Ndalo 28:23

nikech notimo liswa ni nyiseche mag jo-Damaski mane oyudo oseloye. Nowacho niya, “Abiro golo liswa ni nyiseche mag ruodhi Aram, mondo okonya kaka ne gikonyo ruodh Aram.” To ne gimiyo othirno kaachiel gi jo-Juda duto.

Isaya 2:6

Ruoth Nyasaye osejwang’ou nikech uyie gi jo yo wuok chieng’ ma dhi ajuoga, kendo mawuoyo gi jochiende mana ka jo-Filistia. Bende jopinje mamoko yudore kamoro amora e pinyu.

Isaya 57:10

Kata obedo ni ne iol gi wuoth mabor kamano, to ne ok iwacho niya, “Gima atimoni onge gi tiende.” Ne ineno ka tekoni oduogo, mi ok inyisori.

Jeremia 13:21

Unuwach ni ji ang’o ka joma yande uparo ni osiepeu ema koro oket e wiu ka jotendu? Ubiro bedo gi rem mana ka dhako ma muoch kayo!

Jeremia 13:22

To eka upenjo gimomiyo gima kama osetimorenu, kendo gimomiyo oseyiech lepu kuomu, mi odwanyu, to ubiro yudo ni mano otimore nikech richou lich.

Jeremia 14:10

Ruoth Nyasaye wuoyo kuom jogi niya, “Gihero ringo weya kamano, kendo gibayo kamoro amora ma gihero. Kuom mano, ok amor kodgi, to aparo richo ma gisetimo, kendo abiro kumogi nikech richogigo.”

Jeremia 18:12

To gibiro dwoki niya, ‘Ok wanyal loko timbewa! Wabiro timo mana gima wahero, ka ng’ato ka ng’ato timo mana gima wiye omiye.’

Jeremia 2:31

“Chikuru itu maber uduto, mondo uwinj gima awachonu, un jo-Israel. Achalonu thim, koso achalonu piny ma masiche ng’enyie, ma ok unyal dak koda maberni? Ka ok kamano, to marang’o uwacho ni ubiro timo mana kaka uhero, kendo ni ok unyal duogo ira, to un joga?

Jeremia 22:20

Un jo-Jerusalem, dhiuru e got Lebanon, mondo ukogi, kendo dhiuru e piny Bashan mondo uywagi. Ywaguru gie gode mag Abarim, nikech joma uriworugo oselo.

Jeremia 22:21

Nawuoyo kodu kapod udhi maber, to ne utamoru winjo. Adier, usiko kutamoru luora chakre tindou.

Jeremia 3:13

Mak mana ni nyaka uyie ni useketho, kendo nyaka uyie ni usepiem gi Ruoth Nyasaye ma Nyasachu. Bende yieuru ni usedwanyoru gi nyiseche mamoko e tiend yien duto motimo otiep, kendo ne ok uwinjo wachna.’ An Ruoth Nyasaye ema awacho kamano.

Jeremia 44:17

Wabiro timo gik moko duto ma wasesingore ni watimo. Wabiro timo misengni ni nyasaye madhako miluongo ni Ruodh Polo, kendo wabiro chiwone misengni miolo piny, mana kaka wan gi kwerewa gi ruodhwa kod jotendwa ne watimo e miech Juda kendo e yore mag Jerusalem. E ndalono ne wan gi chiemo mogundho, kendo ne wadhi nyime maber maonge chandruok moro.

Ywagruok 1:2

Oywak malit otieno duto, ka pi wang’e ridore e lembe. Kuom joherane duto, onge ng’ama nyalo kueyo chunye. Osiepene duto osendhoge, mi odoko wasike.

Ywagruok 4:4

Nyathi madhoth riyo oloyo, mi lewe omoko e dande. Nyithindo matindo kwayo chiemo, to onge ng’ama migi kata mana ng’injo.

Ezekiel 20:32

Uparo ni ubiro bedo machal gi ogendini modak e pinje mamoko, malamo yien gi lwendni, to akwerou ni mano ok timre.

Hosea 2:3

Ka ok kamano to abiro gonye, mi odong duk kaka nonywole! Abiro miyo ochal gi piny motwo ma pi ongee, kendo riyo biro nege.

Hosea 2:5

ema nonywologi e terruok. Dhako mane onywologino onge gi wichkuot, nimar owacho niya, ‘Adwaro chodena, nikech gin ema ne gimiya chiemo gi pi, gi mo kod divai, kod yie rombe, gi pamba michweyo nanga.’

Malaki 3:14

Bende usewacho ni, ‘Tiyo ni Nyasaye onge gi tiende. Ere tiend timo gima Ruoth Nyasaye Manyalo Gik Moko Duto owacho, kata ywagruok e nyime, kwanyise ni wayie kethowa?

Luka 15:22

To wuon mare nowacho ni jotichne ni, ‘Goluru law maberie moloyo piyopiyo mondo urwakne, kendo uketne tere e lith lwete. Wuoche bende mondo urwakne e tiende.

Luka 16:24

Eka nokok kowacho niya, ‘Wuonwa Ibrahim, kecha mondo ior Lazaro olut lith lwete e pi, okuego lewa, nikech an gi rem malit e ligegani!’

Jo-Rumi 8:24

Adier genono ema ne oreswago. Ka waseyudo gima wageno yudo, to koro ok wanyal wacho ni wan gi geno, nikech ere kaka ng’ato nyalo geno yudo gima oseyudo?

Rapar mar Chik 28:48

Emomiyo unuti ni wasigu ma Ruoth Nyasaye biri oro mondo omonju. Kech nokau, kendo riyo nolou; unuwuoth duge, kendo nuchand gimoro amora. Ruoth Nyasaye noket jok mar nyinyo e ng’utu nyaka otieku.

Rapar mar Chik 32:16

Ne gimiyo nyiego omake kuom lamo nyiseche mamoko, kendo ne gimiye mirima gi timbegi makuero.