Jeremia 2:20 - MUMA MALER 2015

²⁰ Yaye jo-Israel, chon gi lala ne udagi lochna, kendo ne utamoru rito chikna, kuwacho ni ok unutina. To nulemo alema ewi gode maboyo duto, kendo e tiend yien duto motimo otiep, mi udwanyoru ka dhako ma jachode.

Motingʼo Loko Manyien

²⁰ “Chon gi lala ne ituro jok magi kendo ichodo rateke motweyigo; kiwacho ni, ‘Ok anatini!’ Adier, ewi gode matindo duto kendo e bwo yiende motimo otiep, ninindo piny ka jachode.

Jeremia 2:20 ပူးပေါင်းရင်းမြစ်များ

1 Ruodhi 12:32

Jeroboam nogolo chik mondo otim sawo due apar gabich, due mar aboro, machal gi sawo mane jo-Juda timo, kendo notimo misango ni nyiruedhi mane oloso Bethel. Nogolo jodolo matiyo e hembko mane oseloso, moketo Bethel.

1 Ruodhi 14:23

Ne giloso ut lemo e hembko mane ni kuonde moting’ore, kendo ne gichungo sirni milamo mag kite gi mag yath, e gode maboyo duto, kendo e tiend yien moro amora motimo otiep.

Zaburi 107:14

Ne ogologi oko e mudho, kendo e tipo mar tho, mi ochodo nyororo mane otuegigo.

Zaburi 2:3

Giwacho niya, “Wachoduru nyororo motuewago, kendo wawit lochgi kucho.”

Zaburi 78:58

Ne giwang’o iye ka gilemo e hembko man kuonde moting’ore, kendo ne gimiyo nyiego omake, ka gilamo kido mag nyiseche manono.

Wuok 19:8

Ji duto nodwoke rat niya, “Wayie timo gik moko duto ma Ruoth Nyasaye osewacho.” Mi Musa nodwoko ni Ruoth Nyasaye wach mane ji owacho.

Wuok 24:3

Musa nodhi monyiso ji chike kod buche duto mag Ruoth Nyasaye. Ji duto nodwoke niya, “Wayie timo gik moko duto ma Ruoth Nyasaye osewacho.”

Wuok 3:8

Omiyo aselor mondo aresgi e lwet jo-Misri, kendo agolgi e pinyno mondo atergi e piny maber kendo malach. En piny momew, kendo machiek, ma koro jo-Kanaan gi jo-Hiti gi jo-Amor gi jo-Perizi gi jo-Hivi kod jo-Jebus ema odakie.

Isaya 1:21

Mano kaka dala Jerusalem mane chon oluoro Nyasaye koro chalo mana gi dhako moweyo chwore, to dwanyore gi chwo mamoko! E kinde moko ne en kama adiera nitie, to tinde jonek ema opong’e.

Isaya 10:27

Chieng’no ting’ mapek mane jo-Asuria oketo e goku nogol, kendo nyororo ma osebedo ka gitueyogo ng’utu nochod oko.”

Isaya 14:25

Ananeg jo-Asuria manie piny, kendo nanyon-gi piny gi tienda e godena. Eka nagol jok mane ruodh Asuria oketo kuom joga, kendo nagony ting’ mapek mane omiyogi.

Isaya 9:4

Mano notimre nikech ibiro turo jok ma giting’o, kaachiel gi luth misandogigo, mana kaka nitimo e ndalo mane olo jo-Midian.

Jeremia 13:27

Ruoth Nyasaye oseneno kaka utimo gik ma omon-go. Ulawo nyiseche manono e gode kendo e pewe, mana ka ng’at ma gombo chi wadgi, kendo ka faras ma dichwo ma lawo madhako! Un jo-Jerusalem urumo! Unuben maler karang’o?

Jeremia 17:2

Yawuotu paro kende-mag-liswa kod sirni milamo mane ochung’ e tiend yien duto motimo tiep, kendo e pidhe

Jeremia 2:31

“Chikuru itu maber uduto, mondo uwinj gima awachonu, un jo-Israel. Achalonu thim, koso achalonu piny ma masiche ng’enyie, ma ok unyal dak koda maberni? Ka ok kamano, to marang’o uwacho ni ubiro timo mana kaka uhero, kendo ni ok unyal duogo ira, to un joga?

Jeremia 3:13

Mak mana ni nyaka uyie ni useketho, kendo nyaka uyie ni usepiem gi Ruoth Nyasaye ma Nyasachu. Bende yieuru ni usedwanyoru gi nyiseche mamoko e tiend yien duto motimo otiep, kendo ne ok uwinjo wachna.’ An Ruoth Nyasaye ema awacho kamano.

Jeremia 30:8

Ruoth Nyasaye Manyalo Gik Moko Duto wacho niya, “Chieng’no anang’ad jok manie ng’utgi, kendo anatur ratege motuegigo, mi ok ginichak gibed wasumb jopinje mamoko

Jeremia 5:5

Omiyo koro abiro dhi ir jotelo mondo alosgo, nimar nyaka bed ni gin ema ging’eyo yor Ruoth Nyasaye, kod gima Nyasachgi dwaro.” To kara gin bende gisedagi loch mar Ruoth Nyasaye, kendo gitamore rito chikne.

Ezekiel 16:28

Joma ne isebedo ka idwanyorigo ok oromi, omiyo ne idwanyori gi jo-Asuria, to gin bende ne ok giromi.

Ezekiel 16:31

Ne igero kuonde ma ilamoe nyiseche manono e wang’yore duto to kendo itimoe timbe chode. To in ok ikaw pesa, ka mon mamoko ma jochode!

Ezekiel 16:41

Giniwang’ uti, mi gikumi, mana ka mon mang’eny neno. Kamano anatiek timbeni mag chode, mi iwe chiwo gik moko ni osiepeni.

Ezekiel 20:28

Kane akelogi e piny mane asingora ni namigi, to kamoro amora mane ginenoe got mabor kata yath motimo otiep ne gitimoe misengni. Misengni miwang’o kod mago miolo piny mane gitimo, ne omiya mirima.

Ezekiel 23:5

“To kata obedo ni Ohola ne chiega kamano, to ne odhi adhiya nyime gi timbene mag chode, kendo ne osiko kogombo chodene ma jo-Asuria. Chodenego ne jolweny morwako lep lweny maralige. Moko ne jotelo man gi tije madongodongo, kendo moko ne jotend jolweny maidho farese. Giduto ne gin yawuowi mapod tindo, man gi chia.

Hosea 1:2

Kane Ruoth Nyasaye okwongo miyo Hosea owuoyo ni jo-Israel, ne owachone niya, “Jopinyni oseweya, molamo nyiseche mamoko, mana ka dhako moweyo chwore mondo odwanyre gi chwo mamoko.

Hosea 2:5

ema nonywologi e terruok. Dhako mane onywologino onge gi wichkuot, nimar owacho niya, ‘Adwaro chodena, nikech gin ema ne gimiya chiemo gi pi, gi mo kod divai, kod yie rombe, gi pamba michweyo nanga.’

Hosea 3:3

Eka ne awachone ni obiro dak koda kuom ndalo mathoth, kendo ni ok nochak obed jachode. To bende ng’ato ok nochak onind kode, kata mana an.

Hosea 4:13

Gitimo misengni ewi gode, kendo giwang’o ubani kuonde moting’ore e bwo yien maboyo motimo otiep nikech nitie tipo mang’ich kuondego. Mano emomiyo nyiu tiyo tich chode, to mond yawuotu tiyo tich terruok.

Hosea 9:1

Un jo-Israel, weuru timo sewni ka ogendini mamoko. Useweyo Nyasachu mi udok ni Baal kuonde dino duto mondo uyudie cham, mana ka dhako moweyo chwore to dwanyore gi chwo mamoko mondo oyudie pesa

Tim jo-Lawi 26:13

An e Ruoth Nyasaye ma Nyasachu ma nogolou e piny Misri mondo uwe bedo wasumb jo-Misri. Aseturo lodi ma ne otuenu, mi omiyo koro uwuotho tir.

Nahum 1:13

Koro abiro chodo nyororo motueugo, mi agolu e tich misumba.

Rapar mar Chik 12:2

Nyaka uketh chuth kuonde ma ogendini mubiro riembogo lamoe nyisechegi, kata ka gin ewi gode maboyo kata ewi gode matindo, kata mana ka gin e tiend yath moro amora motimo otiep.

Rapar mar Chik 15:15

Paruru ni ne un wasumbni e piny Misri, to Ruoth Nyasaye ma Nyasachu noresou. Mano emomiyo amiyou chikni.

Rapar mar Chik 26:17

Usehulo tinende ni Ruoth Nyasaye e Nyasachu, kendo ni ubiro luwo yorene, murit chikene gi buchene, kendo uwinj wachne.

Rapar mar Chik 4:20

To un e oganda ma Ruoth Nyasaye nokawo, mogolo Misri e sand mager ka mach makakni, ni mondo ubed joge owuon, kaka pod un nyaka chil kawuono.

Rapar mar Chik 4:34

Koso nitie Nyasaye moro mosetemo golo oganda moro kuom oganda machielo mane oselokogi wasumbni? Bende nyasaye moro osetimo timbe madongo gi ranyisi kod honni, kokedo gi teko maduong’ kendo komiyo ji luoro kod kibaji? To Ruoth Nyasaye ma Nyasachu notimonu gik ma kamago kogolou Misri mana kuneno gi wang’u.

Rapar mar Chik 5:27

In ema inyalo sudo machiegni mondo iwinj weche duto ma Ruoth Nyasaye ma Nyasachwa dhi wacho. Bang’e iduog iwachnwa gigo duto mowachoni, eka wanawinjgi, kendo wanamakgi.’

Joshua 1:16

Ne giduoko Joshua niya, “Wanatim duto michikowa, kendo wanadhi kamoro amora miorowae.

Joshua 24:24

Ne gidwoke niya, “Wanati ni Ruoth Nyasaye ma Nyasachwa, kendo wanarit chikene.”

Joshua 24:26

Nondiko chikego e Kitap Chik mar Ruoth Nyasaye, kendo nochungo kidi maduong’ e tiend yath man but Hema Maler mar Ruoth Nyasaye.

Fweny 17:1

Eka achiel kuom malaika abiriyo man gi tewni abiriyo nobiro ira, mi owachona niya, “Bi mondo anyisi bura mong’adi ni jachode maduong’, ma en dala maduong’ moger e wi pige mang’eny!

Jong’ad Bura 10:6

Timbe jo-Israel nochako odoko maricho e nyim Ruoth Nyasaye. Ne gitiyo ni nyiseche manono kaka Baal gi Ashtaroth gi nyiseche mag jo-Aram gi mag jo-Sidon gi mag jo-Moab gi mag jo-Amon kod mag jo-Filistia. Ne giweyo Ruoth Nyasaye, mi ok gilame.

Jong’ad Bura 2:11

Timbe jo-Israel nodoko maricho e nyim Ruoth Nyasaye, kendo ne gilamo nyiseche manono miluongo ni Baal.

Jong’ad Bura 2:13

Ne giweyo Ruoth Nyasaye mi gilamo Baal kod Ashtaroth.

1 Samuel 12:10

Ne giywak ni Ruoth Nyasaye ka giwacho niya, ‘Waseketho, nikech waseweyi, kendo waselamo Baal gi Ashtaroth, to koro mondo ireswa e lwet wasikwa, kendo wanatini.’