Jeremia 2:17 - MUMA MALER 2015

¹⁷ Yaye, jo-Israel! Tim ma kamano usekelo mana kuomu uwegi! Ne uweya, an Ruoth Nyasaye ma Nyasachu, kane atelonu e yo.

Motingʼo Loko Manyien

¹⁷ Donge usekelo ma kuomu uwegi, ka ujwangʼo Jehova Nyasaye ma Nyasachu, kane otelonu e yo?

Jeremia 2:17 ပူးပေါင်းရင်းမြစ်များ

1 Weche mag Ndalo 28:9

“To in Solomon wuoda, par Nyasach wuoru, kendo ichiwri mondo itine gi chunyi duto, nimar Ruoth Nyasaye ng’iyo chuny ji duto, kendo ofwenyo paro mag dhano. Kidware, to iniyude, to kiweye, to enojwang’i nyaka chieng’.

2 Weche mag Ndalo 15:2

modhi romo gi Asa. Nowacho ni Asa gi jo-Juda kod jo-Benjamin niya, “Ruoth Nyasaye ni kodu, to mana ka pod un kode. Kudware, unuyude; to kuweye en bende noweu.

Ayub 34:27

nimar gisebaro, mi giweyo luwe, kendo gijwang’o chikene duto.

Ayub 4:8

Aseneno ni joma puro richo, kendo chwoyo timbe maricho kayo mana gik ma kamago.

Zaburi 107:7

Ne otelonigi e yo mochikore tir, nyaka ne gichopo e dala ma ginyalo dakie.

Zaburi 136:16

Bang’e ne otelo ni joge e thim. Herane mosiko ochwere.

Zaburi 77:20

Ne itayo jogi ka jakwath, ka gin e lwet Musa gi Harun.

Ngeche 15:10

Ng’at mobaro moweyo yo makare biro yudo kum malit, kendo ng’at modagi ni ok kwer biro tho.

Isaya 1:4

A yaye oganda ma joricho ma opong’ gi timbe mamono, kendo ma joge joketho ma acheje! Useweyo Ruoth Nyasaye, Ng’ama Ler mar Israel kuchaye kendo ulokone ng’eu.

Isaya 59:13

Waseng’anyo, mi waketho e nyim Ruoth Nyasaye. Adier, wasedok chien, mi wajwang’o Nyasachwa. Bende waseparo weche mag miriambo e chunywa, kendo mago ema wawuondogo ji.

Jeremia 13:22

To eka upenjo gimomiyo gima kama osetimorenu, kendo gimomiyo oseyiech lepu kuomu, mi odwanyu, to ubiro yudo ni mano otimore nikech richou lich.

Jeremia 19:4

Abiro timo kamano nikech useweya, mudwanyo dalani, kutimoe lisweche ni nyiseche mamoko ma ok ung’eyo, to kata mana kwereu gi ruodhi mag Juda bende ne ok ong’eyo. Usemiyo remb ji maonge ketho opong’o ka,

Jeremia 2:13

nikech joga osetimo richo tieng’ ariyo. Gisebaro, mi giweya, an soko mar pi maliw mamol, kendo gisekunyo yewni mabarore, ma ok nyal ting’o pi!

Jeremia 2:19

Timbeu uwegi maricho ema biro kelonu kum. Ee, timbe mane uweyago ema biro kelonu bura. Kamano ubiro ng’eyo ni weyo Ruoth Nyasaye ma Nyasachu, kendo chaye en gima lit kendo marach moloyo. An Ruoth Nyasaye ema awacho kamano.

Jeremia 4:18

“Un jo-Juda, un ema usekelo masira kuomu uwegi, nikech yoreu gi timbeu maricho. Ee, richou ema okelonu masira kum malitni.”

Jeremia 44:3

Ne atimo kamano nikech joma ne odak kuondego ne otimo timbe maricho ka gimiyago mirima. Ne gilamo nyiseche mamoko, ma gin kata un kata mana kwereu ne pok olamo, mi gitimonigi misengni.

Jeremia 5:25

To timbeu maricho oseketho gigo, kendo richou osemono gik mabeyo ma kamago bironu.

Ezekiel 39:24

Ne atimonigi maromre gi dwanyruokgi kod timbegi mamono, mi alokonigi ng’eya.”

Hosea 13:9

“Un jo-Israel abiro tiekou, to koro ere ng’ama dikonyu?

Mika 1:5

Mago duto biro timore nikech jo-Israel oseketho, mi oweyo Nyasaye. Ere joma omiyo jo-Israel oweyo Nyasaye kamano? Gin mana jo-Samaria! Koso ere joma timo richo mar lamo nyiseche manono e piny Juda? Donge gin mana jo-Jerusalem?

Kwan 32:23

To ng’euru ni ka ok utimo kamano, to unubed joketho e nyim Ruoth Nyasaye, kendo richou nokelnu kum.

Rapar mar Chik 32:10

Noyudo ogandano e thim malich ma ondiegi rutoe, mi nolworogi koni gi koni, moritogi maber.

Rapar mar Chik 32:19

Ruoth Nyasaye noneno gik mane yawuote gi nyige timo, mi nojwang’ogi nikech ne giwang’o iye.