Jeremia 2:13 - MUMA MALER 2015

¹³ nikech joga osetimo richo tieng’ ariyo. Gisebaro, mi giweya, an soko mar pi maliw mamol, kendo gisekunyo yewni mabarore, ma ok nyal ting’o pi!

Motingʼo Loko Manyien

¹³ “Joga osetimo richo ariyo: Gisejwangʼa, an thidhna mar pi ngima, kendo gisekunyo degnigi giwegi, degni mobarore kendo ma ok nyal tingʼo pi.

Jeremia 2:13 ပူးပေါင်းရင်းမြစ်များ

2 Ruodhi 22:17

Ne gikwinya gi timbegi ka giweya, kendo ka giwang’o ubani ni nyiseche manono. Emomiyo mirimba nobed mager kuom pinyni, kendo ok norum.’

Zaburi 36:9

In ema ngima wuok kuomi, kendo ler mari emomiyo waneno ler.

Eklesiastes 1:14

Aseneno gik moko duto matimore e piny ka mi afwenyo ni gionge tich, mana ka yamo makadho.

Eklesiastes 1:2

Owacho niya, “Ngima en gima nono. Gik moko duto onge tich. Gin gik manono giduto, kendo onge gima nigi tiende kata achiel!

Eklesiastes 12:8

Emomiyo, an Jayalo, awacho niya, “Gik moko duto onge tich! Gin gik manono giduto, kendo onge gima nigi tiende kata achiel.”

Eklesiastes 2:11

To bang’e ne aparo gik moko duto mane asetimo, kendo kaka ne asetiyo matek katimogi, mi afwenyo ni gin mana gik manono, machalo yamo makadho.

Eklesiastes 2:21

nikech kata obedo ni ng’ato timo gimoro gi riekone gi ng’eyone kod lonyne duto, to nyaka owe gino ni ng’at moro machielo mane luche ok ochuerie. Mano bende en gima nono, kendo ma ok owinjore!

Eklesiastes 2:26

Nyasaye ema miyo joge mohero rieko gi ng’eyo kod mor. Joricho to omiyo tiyo matek ka choko mwandu mana ni mondo mwandugo omi mana ng’ama ohero moloyo. Emomiyo mano bende en mana gima nono ka yamo makadho.

Eklesiastes 4:4

Bende kane aparo gima omiyo ji tiyo matek mondo odhi maber, to ne ayudo ni gitimo kamano nikech gidwaro ni mondo gibed gi gik mang’eny moloyo jowadgi. To mano en gima nono, ka yamo makadho!

Isaya 1:3

Dhiang’ ong’eyo wuon-go, kendo kanyna bende ong’eyo kund wuon. Jo-Israel to ok ong’eya. Adier, joga awuon onge gi paro!

Isaya 1:4

A yaye oganda ma joricho ma opong’ gi timbe mamono, kendo ma joge joketho ma acheje! Useweyo Ruoth Nyasaye, Ng’ama Ler mar Israel kuchaye kendo ulokone ng’eu.

Isaya 12:3

Kuom mano ubiro yudo gik mabeyo gi mor kuom Ruoth Nyasaye ma resou.

Isaya 5:13

Kuom mano, noter joga e tuech e piny mabor kapok gifwenyo ni ginie masira. Kech gi riyo biro nego joma ogen kaachiel gi ji mamoko duto.

Isaya 55:2

Ere gima omiyo ung’iewo chiemo ma ok konyu, kuketho mwandu kuom gima ok nyal yieng’ou? Ka uchiko itu, mi uwinjo gima awacho, to ubiro chamo chiemo mabeyo, mi uwinj ndhath gima uchamo.

Isaya 63:8

Ruoth Nyasaye nowacho niya, “Jogi gin joga adier. Gin yawuota ma ok nyal wuonda.”

Jeremia 1:16

Mano e kaka abiro kumo joma oseketho, moweya kendo owang’o misengni ni nyiseche mamoko, ka gilamo gik ma giloso giwegi.

Jeremia 14:3

Jodongo oro jotichgi mondo oumbnigi, to ka gichopo e sokni, to ok giyud pi, omiyo giduogo gi dapige nono. Giumo wigi nikech gidhier nono, kendo gikia gima ginyalo timo.

Jeremia 15:6

Ne uweya, kendo udagi wachna, omiyo ne abiro, mi atiekou, nikech ne ok anyal geng’o mirimba kendo.

Jeremia 17:13

Ruoth Nyasaye ema jo-Israel ogeno kuome, omiyo ji duto moweye noyud wichkuot. Ginilal nono mana ka nying mondik e buru, nikech giseweyo Ruoth Nyasaye ma en soko mar pi maliw.

Jeremia 18:14

Bende wi got Lebanon motimo lwendni nyalo bet maonge pe adier? Koso aore mag godno nyalo duono? Ooyo, gisiko asika kamano.

Jeremia 19:4

Abiro timo kamano nikech useweya, mudwanyo dalani, kutimoe lisweche ni nyiseche mamoko ma ok ung’eyo, to kata mana kwereu gi ruodhi mag Juda bende ne ok ong’eyo. Usemiyo remb ji maonge ketho opong’o ka,

Jeremia 2:11

ka oganda moro oseweyo nyisechegi, moluwo nyiseche mamoko, kata obedo ni ok gin nyiseche madieri kamano? To un joga, useweya, an Nyasachu moseting’ou malo, mi ulamo nyiseche ma ok nyal konyou.

Jeremia 2:17

Yaye, jo-Israel! Tim ma kamano usekelo mana kuomu uwegi! Ne uweya, an Ruoth Nyasaye ma Nyasachu, kane atelonu e yo.

Jeremia 2:26

To kaka wi jakuo kuot ka omake, e kaka un jo-Israel wiu nokuodi, kaachiel gi ruodhiu gi jodongu gi jodolo mau kod jonabi mau.

Jeremia 4:22

Ruoth Nyasaye wacho niya, “Joga ofuwo, kendo ok ging’eya. Gichalo gi nyithindo momemore, kendo maonge rieko. Richo ema ging’eyo timo, to timo gima ber otamogi.”

Jeremia 5:26

Joga moko gin joma richo. Gichalo jodwar ma chiko obadho mondo omakgo winy, to ji ema gimako.

Jeremia 5:31

Jonabi koro weche mag miriambo, jodolo bende chwakogi, to kendo mano e gima joga ohero! To gibiro timo ang’o, chieng’ ma gigo orumo?

Ezekiel 14:5

Kamano ageno ni kum ma abiro kumogigo biro miyo giduogo ira, kata obedo ni giseweya ka gilamo nyiseche manonogo.

Ezekiel 47:1

Ng’atno nochako odwoka e dho Hekalu mi aneno pi kawuok gie bwo dhoodno, ka mol kochomo yo wuokchieng’, koma Hekalu bende ochomo. Ne omol koridore mwalo, kokadho yo nyandwat mar kendo mar misango.

Mika 2:8

To Ruoth Nyasaye dwoko niya, “To donge un ema uselokoru wasik joga? Joma duogo gi kue kaa e lweny ka paro ni masira orumo, umayo lopegi.

Mika 6:3

Ruoth Nyasaye wacho niya, “Un joga, ere gima asetimonu? Ere kaka asemiyo ubedo mool? Dwokauru!

Zekaria 13:1

Ruoth Nyasaye Manyalo Gik Moko Duto wacho niya, “Ka ndalogo ochopo, to soko noyawre ni nyikwa Daudi kod jo-Jerusalem mondo opwodhgo richogi gi timbegi makuero.

Johana 4:10

Yesu nodwoke niya, “Ka da ing’eye mich mar Nyasaye, kendo ing’e jal makwayi pi mondo omodhini, to in ema da ikwaye pi, mi da omiyi pi mangima.”

Johana 4:11

Dhakono nowacho niya, “Jaduong’, ionge gi gir tuombo, to soko bende tut. Koro pi mangima to diyud kanye?

Johana 4:14

to ng’ama omodho pi ma anamiye, riyo ok nolo nyaka chieng’. Pi ma anamiye nodok soko e iye, ma pige bubni, kendo kelo ngima ma nyaka chieng’.”

Johana 7:37

Chieng’ mogik mar sawo, mane en odiechieng’ maduong’ ahinya, Yesu nochung’ mowacho gi dwol maduong’ niya, “Ng’at ma riyo oloyo mondo obi ira, omodhi.

Rapar mar Chik 31:16

Ruoth Nyasaye nowacho ni Musa niya, “Ka isetho, moyiki, to jogi biro weya mi luw nyiseche mag jomoko ma gidhi yudo ka gidonjo e pinyno, mana kaka dhako weyo chwore, to dwanyore gi chwo mamoko. Giniweya, kendo giniketh singruok ma asetimo kodgi.

2 Petro 2:17

Jogo chalo gi sokni maonge pi, kendo gichalo gi ong’ueng’o ma yamb koth riembo. Gin, gima okannigi en mana mudho mandiwa.

Fweny 21:6

Bang’ mano nowachona niya, “Gik moko duto osetimore! An e Alfa gi Omega, tiende ni Chakruok gi Giko. Ng’at ma riyo oloyo anami pi soko mar ngima nono, ma ok ochulo gimoro.

Fweny 22:1

Bang’ mano, malaikano nonyisa aora mar pi ngima marieny ahinya, kendo mamol kaa e kom duong, mar Nyasaye gi mar Nyarombo.

Fweny 22:17

Roho gi Miaha wacho ni, “Bi!” Ng’ama owinjo, bende mondo owach ni, “Bi!” To ng’ama riyo oloyo, mondo obi oyud pi mar ngima nono, mak ochulo gimoro.

Jong’ad Bura 10:13

To kata kamano, bang’e nuchako uweya, mi udhi lamo nyiseche mamoko. Kuom mano, ok nachak aresu kendo.

1 Samuel 12:10

Ne giywak ni Ruoth Nyasaye ka giwacho niya, ‘Waseketho, nikech waseweyi, kendo waselamo Baal gi Ashtaroth, to koro mondo ireswa e lwet wasikwa, kendo wanatini.’