Jeremia 19:9 - MUMA MALER 2015

⁹ Anami ji modak ka cham ringre nyithindgi giwegi. Bende ginicham ringre jowadgi e kinde marach ma wasigu nobed ka lworo dalagi, ka dwaro negogi.”

Motingʼo Loko Manyien

⁹ Anami gicham ringre yawuotgi kod nyigi, kendo ginichamre kendgi e kinde marach ma wasikgi ogengʼonigi ka dwaro ngimagi.’

Jeremia 19:9 ပူးပေါင်းရင်းမြစ်များ

2 Ruodhi 25:3

Koro kech ne lich e dalano, kendo ji ne onge gi chiemo chuth.

Isaya 9:20

Ng’at achiel biro mecho konchiel, to pod nodeny adenya, kendo ng’at machielo biro mwonyo gik moko komachielo, to ok noyieng’ ngang’. Moro ka moro biro chamo ringre nyithinde, bende onge ma nowe owadgi mak ochamo.

Jeremia 13:14

Bang’e anarwadgi duto, wuone gi nyithindo machalre. Ok nakechgi kendo ok nawegi, bende ok nang’wonnigi ngang’, to naneggi duto.”

Jeremia 38:9

“Jaduong’, jogi osetimo gima ok ber. Gisenyumo Jeremia e soko kama kech biro negee nikech chiemo onge e dala duto.”

Ywagruok 2:20

Yaye Ruoth Nyasaye, rang mondo ineye joma isesando malit! Bende mon dicham nyithindgi ma giserito maber? Koso jodolo gi jonabi dineg adier e Hekalu mari?

Ywagruok 4:10

Mon mang’won notedo nyithindgi giwegi. Adier, nyithindgi nolokore chiembgi e ndalo mane masira omakoe joga.

Ezekiel 5:10

Kuom mano, wuone nocham nyithindgi, to nyithindo bende nocham wuonegi Jerusalem.

Tim jo-Lawi 26:29

Kar chamo ring’o, to unucham mana yawuotu gi nyiu.