Jeremia 19:15 - MUMA MALER 2015

¹⁵ “Ruoth Nyasaye Manyalo Gik Moko Duto ma Nyasach Israel owacho ni obiro kelo masiche duto mane osiemogo dalani kaachiel gi mier duto mokiewo kode, nikech un joma tokgi tek, motamore winjo wachne.”

Motingʼo Loko Manyien

¹⁵ “Ma e gima Jehova Nyasaye Maratego, ma Nyasach Israel, wacho: ‘Winjuru! Adhi kelone dala maduongʼni kod gwenge molwore masiche duto mane alando kuomgi, nikech ne tokgi tek ta kendo ne ok ginyal winjo wechena.’ ”

Jeremia 19:15 ပူးပေါင်းရင်းမြစ်များ

Nehemia 9:17

Ne gitamore luwo chikni, kendo ne ok giparo honni ma nitimo e nyimgi. Ne gisiko ka tokgi tek, mi giketo ng’ato otelnigi, mondo gidog gibed wasumbni e piny Misri. To ne ok ijwang’ogi, nikech in Nyasaye mang’won, ma weyoni ji richogi, kendo mohero kecho ji. Iyi ok wang’ piyo, to herani osiko.

Nehemia 9:29

Nikwerogi matek mondo gilokre kendo gimak chikeni, to ne gisungore, mi ok gidewo chikni. Ne giketho chikni, ma ka ng’ato orito, to yudo ngima. Ne gilokore giweyi ka tokgi tek ta, mi gitamore mako chikeni.

Jeremia 11:11

Kuom mano an Ruoth Nyasaye asiemogi ni abiro kelo masira kuomgi kendo onge ng’at ma notony. To kata ka giywak mondo akonygi, to ok nadewgi.

Jeremia 11:17

“An Ruoth Nyasaye Manyalo gik Moko Duto ema napidho jo-Israel gi jo-Juda kaka ng’ato pidho yath, to koro abiro bwogogi gi masira nikech richo ma gisetimo. Gisekelo gima kama kuomgi giwegi, nikech gimiya mirima kuom timo misengni ni Baal.”

Jeremia 13:11

Kaka law atueya mako nungo ng’at morwake matek, e kaka nadwaro ni mondo jo-Isarel gi jo-Juda omaka matek, mondo gibed joga, kendo gikel pak kod duong’ ni nyinga. To kata kamano ne gitamore luora.”

Jeremia 17:23

To kweregi ne ok odewo winjo wachna, kendo wigi ne odoko matek, mi gidagi luora, kata obedo ni asekumogi kamano.

Jeremia 18:11

Omiyo koro dhi inyis jo-Juda gi jo-Jerusalem ni achano kelonigi masira, kendo abiro kumogi. Kwergi mondo giwe richogi. Kendo ng’ato ka ng’ato olok yorene gi timbene maricho.

Jeremia 19:3

Ruoth Nyasaye nokona mondo awach niya, “Winjuru un ruodhi mag Juda kod jo-Jerusalem. An Ruoth Nyasaye Manyalo Gik Moko Duto kendo ma Nyasach Israel, awacho kama: Abiro kelo masira malich kuom dalani, ma ng’ato ka ng’ato mowinjo, to ite nopopni.

Jeremia 22:21

Nawuoyo kodu kapod udhi maber, to ne utamoru winjo. Adier, usiko kutamoru luora chakre tindou.

Jeremia 25:3

“Kuom higni piero ariyo gadek, chakre higa mar apar gadek mar loch Josia wuod Amon ruodh Juda nyaka chil kawuono, Ruoth Nyasaye osebedo kawuoyo koda, kendo asetimo kinda kanyisou gik mowacho, to ok usedewo.

Jeremia 25:4

Ruoth Nyasaye bende osetimo kinda kaoronu jotichne ma jonabi, to ok usewinjo, kendo ok usedewo.

Jeremia 25:7

To Ruoth Nyasaye owuon wacho ni udagi winjo wachne, kendo kar luore to ne umiye mana mirima gi kido manono mane uloso, mi un uwegi ema umiyo okumou.

Jeremia 25:8

“Emomiyo, kaka ne udagi winjo wechene, Ruoth Nyasaye Manyalo Gik Moko Duto wacho niya,

Jeremia 36:31

Anakumi in kod nyikwayi, kaachiel gi jodongi nikech richo ma usetimo. In gi jo-Jerusalem kod jo-Juda, ok usedewo siem mane asiemougo, omiyo abiro kelo kuomu masiche duto ma asewacho.”

Jeremia 5:3

Donge adiera ema Ruoth Nyasaye dwaro? Ne ogoyou piny, to ne ok udewo. Ne osandou malit, to ne utamoru winjo puonjne. Wiu tek ka lwanda, kendo udagi duogo ire,

Jeremia 6:19

Un jo-piny, winjuru! Akelo masira kuom jogi mana moromo gi timbegi, nikech gisedagi wechena, kendo ok giserito puonjna.

Jeremia 7:26

To kata kamano ne ok gidewa, bende ne ok giwinja, to wigi nomedo doko matek moloyo kata mana wi kweregi.

Ywagruok 2:2

Ruoth Nyasaye oseketho mier duto mag joka Jakobo, ka ok okechogi. Nomuko kuonde mochiel motegno e piny Juda ka en gi mirima mager. Ne omukogi nyaka e lowo, mokuodo wi jotelo, kodwoko loch pinyno chien.