Jeremia 18:8 - MUMA MALER 2015

⁸ to bang’e ogandano olokore moweyo timbene maricho, to an bende koro aloko parona kuom gima rach mane awacho ni abiro timo.

Motingʼo Loko Manyien

⁸ kendo ka ogandano mane asiemo olokore oweyo timbegi maricho, eka analok pacha mi ok anakelnegi masira mane asechano.

Jeremia 18:8 ပူးပေါင်းရင်းမြစ်များ

2 Weche mag Ndalo 12:6

Eka ruoth gi jodong Israel nobolore kawacho niya, “Ruoth Nyasaye ni kare.”

Zaburi 106:45

Ne oparo singruok mane otimonigi, mi oloko parone nikech herane maduong’,

Zaburi 135:14

Ruoth Nyasaye nong’ad ni joge bura maber, konyiso ni gin kare kendo kong’wononigi.

Zaburi 90:13

Biro bet kinde marom nadi ka pok chunyi olendo, A Ruoth Nyasaye? Yie ikechwa, wan jotichni.

Wuok 32:12

Ang’o momiyo imiyo jo-Misri biro wacho, niya, ‘Ruoth Nyasaye nogolo jo-Israel Misri mana ni mondo otimnigi marach, konegogi e gode, kendo otiekgi chuth’? Yie iwe mirimbi mager, kendo ilok paroni, mondo kik ikel masirani kuom jogi.

Wuok 32:14

Omiyo Ruoth Nyasaye noloko parone, mi koro ne ok okelo ni joge masira mane osewacho.

Jeremia 12:16

Chon ogendinigo ne kuong’ore gi nying Baal, kendo ne gipuonjo joga mondo otim kamano. To ka koro ginyalo yie luwo dini mar joga gi chunygi duto, mi gikuong’re gi nyinga, to gin bende ginibed joga.

Jeremia 15:6

Ne uweya, kendo udagi wachna, omiyo ne abiro, mi atiekou, nikech ne ok anyal geng’o mirimba kendo.

Jeremia 26:13

Nyaka ulok yoreu gi timbeu, kendo nyaka uluor Ruoth Nyasaye ma Nyasachu. Eka onyalo loko parone kuom masira ma osewacho ni obiro kelo kuomu.

Jeremia 26:19

To uparo ni ruoth Hezekia kod joge nonego Mika koso? Ooyo ne ok ginege, to Hezekia noluoro Ruoth Nyasaye, mi otemo kueyo mirimb Nyasaye. Kuom mano Ruoth Nyasaye noloko parone kuom masira mane osewacho ni obiro kelo kuomgi. To wan to koro ere gima omiyo wadwaro kelo masira malich kuomwa?”

Jeremia 26:3

Kamoro dipo ka ji owinjo wechego, mi ng’ato ka ng’ato oweyo timbene maricho. Ka giweyo timbegi maricho kamano, to analok parona kuom masira mane adwaro kelo kuomgi.

Jeremia 36:3

Kamoro ka jo-Juda owinjo masiche duto ma achano kelo kuomgi, to ginyalo weyo yoregi maricho. Bang’e anyaloweyonigi timbegi maricho kod richogi.”

Jeremia 42:10

‘Ka uyie dhi nyime gi dak e pinyni, to abiro gerou, kendo ok abi kethou. Bende abiro pidhou ka ng’ama pidho yien, kendo ok napudhu. Asebedo ka akuyo nikech masira mane akelo kuomu.

Ezekiel 18:21

“Ka ng’at ma timbene mono oweyo richone, mi orito chikena kendo otimo timbe makare kendo malong’o, to ok notho, to nobed mangima.

Ezekiel 33:11

To nyisgi ni an Ruoth Nyasaye akuong’ora ni ok berna ka ng’at ma timbene richo tho, to abedo mamor mana ka oweyo timbene maricho, mobedo mangima. Un jo-Israel, weuru timbeu maricho! Adier, wegiuru! Ere gima omiyo udwaro ni mondo utho!

Ezekiel 33:12

“Wuod dhano, koro nyis jo-Israel ni ka ng’at makare odonjo e richo, to gik mabeyo mosetimo ok nokonye. To bende ka ng’at ma timbene richo oweyo timo richo, to ok noyud kum. Ng’at makare to ka odonjo e richo to timbene mabeyo mosebedo kotimo ok nomi obed mangima.

Ezekiel 33:13

Ka awacho ni ng’at makare ni nobed mangima, to odonjo e richo, kogeno kuom gik mabeyo mosetimo, to ok napar kata mana gimoro achiel kuom gik mabeyo mosetimo, to enotho athoya nikech richone.

Ezekiel 33:14

To bende ka asiemo ng’at marach ni obiro tho, mi oweyo timbene maricho,

Hosea 11:8

“To ere kaka daweu, un jo-Israel? Koso ere kaka dajwang’u? Bende datieku adier, kaka ne atieko jo-Adma? Koso anyalo timonu kaka ne atimo ni jo-Zeboim? Ooyo, ok anyal timonu kamano, nikech aherou ahinya.

Amos 5:15

Beduru mamon gi gik maricho, to heruru gik mabeyo, kendo gururu bura makare e ut bura, nikech dipo ka Ruoth Nyasaye Manyalo Gik Moko Duto otimo ng’wono ni joka Josef modong’.

Jona 4:2

Omiyo nowacho ni Ruoth Nyasaye niya, “A Ruoth Nyasaye, kane pod an thurwa, donge nawacho ni ibiro timo gima kama? Mano emomiyo ne atemo ringo mondo adhi Tarshish, nikech nang’eyo ni in Nyasaye ma jang’wono, kendo makecho ji. Iyi ok wang’ piyo, kendo inyiso hera mosiko, bende chunyi lor a kuom kelo ni ji masira.

Rapar mar Chik 32:36

“Adier, ka Ruoth Nyasaye oneno ni joge ool, kendo ni onge kata ng’at achiel modong’ makonyogi, to obiro ng’adonigi bura maber, kendo obiro kechogi.

Jong’ad Bura 2:18

Kinde ka kinde mane Ruoth Nyasaye oketoe ni jo-Israel jatelo, nokonyo jatelono, kendo norito jo-Israel e lwet wasikgi kuom ndalo duto mane jatelono pod ngima. Ruoth Nyasaye ne kecho jo-Israel nikech ne giywak ka wasikgi sandogi kendo thirogi.