Jeremia 18:23 - MUMA MALER 2015

²³ To in Ruoth Nyasaye, ing’eyo gik moko duto ma gitimo ka gidwaro nega. Omiyo kik ing’wonngi kuom timbegi maricho, kendo kik iwenigi richogi. Kelgi e nyimi ka gichwanyore, kendo kumgi ka in gi mirima mager.”

Motingʼo Loko Manyien

²³ To in ingʼeyo, yaye Jehova Nyasaye, chenrogi duto mar nega. Kik ingʼwon-negi kuom timbegi mag jendeke, kata rucho richo mag-gi e nyim wangʼi. Mad logi e nyimi; kendo kumgi e kinde mag mirimbi.

Jeremia 18:23 ပူးပေါင်းရင်းမြစ်များ

Zaburi 119:126

A Ruoth Nyasaye, ma e sa monego itimie gimoro, nikech ji otamore winjo chikni.

Zaburi 35:4

kendo mad jogo ma chano timona gik maricho dwok chien, mi ng’eng nono.

Zaburi 56:8

Ing’eyo chandruokna duto, kendo isendikogi e kitapi. Pi wang’a bende isekano.

Zaburi 59:5

Bi iwuon mondo ine gi wang’i, yaye Nyasach Israel! Chiew mondo ikum ogendini ma ok ong’eyi, kendo kik ikech andhoke ma jorichogo.

Isaya 10:3

To unutim ang’o chieng’ mikumou, ka masira moa kuma bor omakou? Ere ng’ama nuring ire mondo okonyu? Koso ere kama un uweye nyithindu

Isaya 2:9

Ji ma ogen gi ji ajia duto nodwok piny. Kuom mano, onego Nyasaye kik wenu!

Jeremia 11:23

Onge kata ng’at achiel kuomgi ma nodong’, chieng’ ma achano ni akelo masira kuom jo-Anathoth.”

Jeremia 15:15

Jeremia nodwoke niya, “Ruoth Nyasaye, in ing’eyo weche duto, omiyo para kendo ikonya. Chul kuor ni joma sanda. Kik iwegi, nono to ginega. Ng’e ni giyanya nikech in.

Jeremia 17:18

Kel wichkuot kuom joma sanda, to an mondo iweya, kendo kelnigi kihondko, to an kik ibwoga. Kelnigi masira, kendo kethgi chuth.”

Jeremia 17:4

Ubiro a e piny mane amiyou, kendo abiro miyo utiyo ni wasiku e piny ma ok ung’eyo, nimar mirimba chal gi mach, kendo biro liel nyaka chieng’.”

Jeremia 18:18

Bang’ mano ji nowacho niya “Wang’aduru rieko mondo wanyal Jeremia. Pod nobedie abeda jodolo manyalo telonwa, gi joma riek manyalo ng’adonwa rieko, kod jonabi manyalo nyisowa wach Nyasaye. Biuru wahangne wach, kendo wawe dewo gima owacho.”

Jeremia 26:11

Eka jodolo gi jonabi nonyiso jodongo kaachiel gi ji duto niya, “Owinjore ng’ad ni ng’atni buch tho, nikech osewuoyo marach kuom dalawa. Donge usewinje gi itu, kowuoyo?”

Jeremia 26:8

kendo kane otieko wacho gik moko duto mane Ruoth Nyasaye ochike mondo owachi, jodolo gi jonabi kod ji duto nomake, ka kok niya, “Owinjore negi kuom wach ma kama!

Jeremia 37:15

Kane jodongogo oneno Jeremia, ne gikecho kode ahinya, mi gigolo chik mondo ochwade, kendo olorne e od Jonathan ma jang’ad ni ruoth rieko. (Od Jonathanno ne koro olok od tuech.)

Jeremia 38:4

Kane jodongogo owinjo wechego, ne ginyiso ruoth niya, “Ng’atni nyaka negi, nikech kowuoyo kama, to onyoso chuny jolweny kaachiel gi jomoko duto modong’ e dala ka. Emomiyo waneno ni ng’atni ok dwar konyo ji, to odwaro mana ni mondo giyud chandruok.”

Jeremia 6:15

Bende uparo ni wigi nokuot nikech gik makuero mane gitimogo koso? Ooyo, wigi ne ok okuot kata matin, to bende gionge gi wichkuot! Kuom mano, ginipodhi kaka jomoko osepodho, kendo ka akumogi to ginirum. An Ruoth Nyasaye ema awacho kamano.”

Jeremia 6:21

Kuom mano, Ruoth Nyasaye owacho kama: “Anami jogi chwanyre, mi podhi. Wuone gi yawuowi biro tho, kaachiel gi osiepegi kod joma odak machiegni kodgi.”

Jeremia 7:20

Emomiyo an Ruoth Nyasaye, abiro olo mirimba mager ka eri. Abiro ologi kuom ji kendo kuom jamni, to bende abiro ole kuom yien gi cham. Mirimba biro chalo gi mach mager, ma ng’ato ok nyal nego.”

Jeremia 8:12

Bende uparo ni wigi okuot nikech timbe makuero mane gitimogo koso? Ooyo, wigi ok okuot kata matin, bende gionge gi wichkuot. Kuom mano, gibiro podho kaka ji mamoko osepodho, kendo ka akumogi to ginirum. An Ruoth Nyasaye ema awacho kamano.

Ywagruok 3:60

Ne ineno kaka ji chulona kuor, kendo niwinjo weche duto mane gihondho kuoma.

Ywagruok 3:61

A Ruoth Nyasaye isewinjo ayany ma giyanyago, kaachiel gi gik maricho mane gichano timona.

Luka 21:22

nimar mago nobed ndalo ma Nyasaye kumoe joge, mondo weche duto mondiki e Muma otimre.

Jo-Rumi 2:5

To in wiyi tek, kendo itamori yie, omiyo ikano kum ni in iwuon ndalo mar mirima, tiende ni chieng’ ma Nyasaye noelie bura mare makare.