Jeremia 18:20 - MUMA MALER 2015

²⁰ Richo bende ichulo kuom ber? Gin to gisekunyona bur mondo anyumrae. Par kaka ne abiro iri, mi awuoyo kodi, kakwayi mondo kik mirima maki kodgi.

Motingʼo Loko Manyien

²⁰ Bende ber inyalo chul gi tim marach? To kata kamano gisekunyona bugo. Par nine achungʼ e nyimi kendo awuoyo ka akwayonegi, mondo kik iol mirimbi kuomgi.

Jeremia 18:20 ပူးပေါင်းရင်းမြစ်များ

Ayub 6:27

Un joma digo ombulu nyathi kich mondo obed misumbau, kendo di uho osiepeu mondo uyud mwandu kuomgi!

Zaburi 106:23

Kuom mano Nyasaye nowacho ni obiro tieko joge, to Musa jatichne moyiero nochung’ e kinde gi ji, mondo ogeng’ mirimbe kik tiekgi.

Zaburi 119:95

Joricho kiya mondo onega, to chikeni ema abiro paro matut.

Zaburi 35:12

Kata obedo ni asetimonigi maber, to gin gitimona mana marach. Kuom mano chunya okuyo malit.

Zaburi 35:7

Ne gichikona obadho kayiem nono. Adier, ne gikunyo bur matut mondo anyumrae.

Zaburi 38:20

Joma chulo rach kar ber mon koda nikech atimo gik makare.

Zaburi 57:6

Wasika osechikona obadho mondo omaka, omiyo chunya chandore. Adier, ne gikunyo bur e wang’ yora, to gin giwegi ema ginyumoree.

Zaburi 7:15

Okunyo bur matut e lowo, to bang’e en ema onyumore e burno.

Ngeche 17:13

Kitimo marach ni ng’at mosetimoni maber, to masira ok norum e odi.

Ngeche 26:27

Ka ng’ato okunyo ni wadgi bur, to en ema onyumore e burno. Kata ka ong’ielo kidi mondo ohinygo wadgi, to en ema kidino ng’ielore kuome.

Eklesiastes 10:8

Ka ikunyo bur, to in ema inyumorie, kata ka ipowo kor ot, to in ema thuol kayi.

Jeremia 11:14

Kuom mano, in Jeremia, kik ilam ni jogi, kata kik isaya mondo akonygi nimar kata ka ginie chandruok mi giluonga, to ok nadewgi.”

Jeremia 14:20

A Ruoth Nyasaye, wahulo richowa kaachiel gi richo kwerewa. Adier, waseketho e nyimi.

Jeremia 15:1

Ruoth Nyasaye nowachona niya, “Kata da bed ni Musa gi Samuel ema jochung’ e nyima ka, to ok anyal weyo ni jogi richogi. Wachnigi mondo gia e wang’a.

Jeremia 17:18

Kel wichkuot kuom joma sanda, to an mondo iweya, kendo kelnigi kihondko, to an kik ibwoga. Kelnigi masira, kendo kethgi chuth.”

Jeremia 18:19

To Jeremia nolemo niya, “A Ruoth Nyasaye, winj gima akwayo, kendo winj gima wasika wacho kuoma.

Jeremia 18:22

Kel mony apoya, mondo oyak miechgi, mi giywag ka kihondko omakogi. Gisekunyona bur mondo anyumrae, kendo gisechikona obadho mondo omaka.

Jeremia 27:18

Ka gin jonabi adier, kendo ka gin gi wachna, to onego gikwaya, an Ruoth Nyasaye Manyalo Gik Moko Duto, mondo kik ayie gik lemo modong’ Jerusalem e Hekalu kendo e od ruoth, ter Babulon!

Jeremia 5:26

Joga moko gin joma richo. Gichalo jodwar ma chiko obadho mondo omakgo winy, to ji ema gimako.

Jeremia 7:16

“In Jeremia, kik ulem ni jogi, bende kik ikwaya wach moro nikech gin, kata kik ihomba, nimar ok nawinji!

Ywagruok 3:59

Iseneno gima rach motimna, mi ing’ado bucha kare.

Johana 10:32

Omiyo Yesu nopenjo gi ni, “Asenyisou gik mabeyo mang’eny ma asetimo gi teko mar Wuora. To kuom tijenago duto, ere ma omiyo odwaro goya gi kite?”

Johana 15:25

Mago duto nyaka timre mondo ochop weche mondiki e Chikgi ni, ‘Ne gimon koda kayiem nono.’

1 Samuel 19:4

Jonathan nowuoyo maber gi Saulo wuon mare kuom Daudi, kowachone niya, “Ruoth, kik itim marach ni Daudi jatichni, nikech pok otimoni gimoro marach, to osekonyi ahinya.