Jeremia 18:18 - MUMA MALER 2015

¹⁸ Bang’ mano ji nowacho niya “Wang’aduru rieko mondo wanyal Jeremia. Pod nobedie abeda jodolo manyalo telonwa, gi joma riek manyalo ng’adonwa rieko, kod jonabi manyalo nyisowa wach Nyasaye. Biuru wahangne wach, kendo wawe dewo gima owacho.”

Motingʼo Loko Manyien

¹⁸ Negiwacho, “Biuru, wangʼad rieko mar hinyo Jeremia; nimar puonj mar chik mikelo gi jadolo ok nolal, kata ngʼado rieko moa kuom joma riek, kata weche moa ir jonabi. Omiyo biuru, wahangne wach kendo kik wachik itwa ne gimoro amora mowacho.”

Jeremia 18:18 ပူးပေါင်းရင်းမြစ်များ

2 Samuel 15:31

Nonyis Daudi ni Ahithofel en achiel kuom joma odok ni Absalom, mi nowacho niya, “A Ruoth Nyasaye, asayi, lok rieko mar Ahithofel mondo obed mana fuwo!”

2 Samuel 17:14

Mi Absalom gi jo-Israel duto nowacho niya, “Rieko mar Hushai ja-Arki ber moloyo rieko mar Ahithofel.” To mano notimore nikech Ruoth Nyasaye nosechano mondo okel masira ni Absalom, komiyo rieko mar Ahithofel bedo kayiem nono.

1 Ruodhi 22:24

Eka Zedekia wuod Kenaana nosudo machiegnii, mothalo lemb Mikaya, kapenje niya, “Ere kaka Roho mar Ruoth Nyasaye ne nyalo a kuoma mondo owuo kodi?”

2 Weche mag Ndalo 24:21

To ne giriwore ni Zekaria mi ne gigoye gi kite e laru mar Od Ruoth Nyasaye kaka ruoth nochikogi, mi otho.

Ayub 5:13

kendo omako jorieko gi riekogi giwegi, kamano gimoro amora ma gichano kethore.

Zaburi 21:11

Kata obedo ni giparo yore maricho ma digitiekego, to obiro tamogi.

Zaburi 52:2

Ichano timbe ma idwaro hinyogo ji, kendo lewi mihangogo ji bith ka wembe.

Zaburi 57:4

Anindo e kind sibuoche ma dwaro chamo ji. Lekegi to chalo gi ligangla ma dhoge bith.

Zaburi 64:3

Gipiago lewgi mana ka ligangla, kendo gichielo weche mager mana ka asere.

Ngeche 18:21

Weche ma ng’ato wacho nyalo kelo ngima, to bende ginyalo kelo tho. Kuom mano, rit dhogi maber mondo wecheni okonyi.

Isaya 32:7

Ng’at ma achach yorene richo. Ochano gik maricho e chunye, mondo ohiny joma odhier gi weche mag miriambo, kendo otamo jochan e adiera monego giyudi.

Jeremia 1:19

Ok giniloyi, nikech abiro bet kodi kendo riti. An Ruoth Nyasaye ema awacho kamano.”

Jeremia 11:19

Ne achalo gi nyarombo mogol e abila, ka kia ni idwaro nego, kendo ne ok ang’eyo ni ichano gik marichogo kuoma. Ne giwacho niya, “Wanegeuru mondo nyinge olal nono.”

Jeremia 18:11

Omiyo koro dhi inyis jo-Juda gi jo-Jerusalem ni achano kelonigi masira, kendo abiro kumogi. Kwergi mondo giwe richogi. Kendo ng’ato ka ng’ato olok yorene gi timbene maricho.

Jeremia 18:19

To Jeremia nolemo niya, “A Ruoth Nyasaye, winj gima akwayo, kendo winj gima wasika wacho kuoma.

Jeremia 2:8

Jodolo noweyo penjo kuma Ruoth Nyasaye nitie. Joma ne ong’eyo weche chik bende ne ok odewa, kendo jotelo nobaro moweya. Jonabi bende ne koro wach e nying Baal, kendo ne lamo nyiseche manono.

Jeremia 20:10

Awinjo ka ji kuodha gi nying’ ma gichaka ni ‘Masira ni kuonde duto,’ kendo giwacho niya, ‘Kwedeuru! Ee, wakwede!’ Kata mana osiepena ma ageno bende gombona mana chwanyruok. Giwacho niya, ‘Dipo ka oyondhe, mi omoko, kendo wachulone kuor.’

Jeremia 26:11

Eka jodolo gi jonabi nonyiso jodongo kaachiel gi ji duto niya, “Owinjore ng’ad ni ng’atni buch tho, nikech osewuoyo marach kuom dalawa. Donge usewinje gi itu, kowuoyo?”

Jeremia 37:13

To kane ochopo e dhorangach miluongo ni Ranga Benjamin, jatend jolweny mane tiyo kanyo, ma nyinge Irija wuod Shelemia ma nyakwar Hanania, nochunge, mi owachone niya, “Iringo idok ni jo-Babulon!”

Jeremia 43:2

Azaria wuod Hoshaya kod Johanan wuod Karea, kaachiel gi ji mamoko duto ma wigi tek, ne jowacho ni Jeremia niya, “Iriambo! Ruoth Nyasachwa ok oseori mondo ikwerwa ni kik wadhi wadag Misri.

Jeremia 44:16

“Wadagi winjo gima isewachonwa e nyim Ruoth Nyasaye.

Jeremia 44:17

Wabiro timo gik moko duto ma wasesingore ni watimo. Wabiro timo misengni ni nyasaye madhako miluongo ni Ruodh Polo, kendo wabiro chiwone misengni miolo piny, mana kaka wan gi kwerewa gi ruodhwa kod jotendwa ne watimo e miech Juda kendo e yore mag Jerusalem. E ndalono ne wan gi chiemo mogundho, kendo ne wadhi nyime maber maonge chandruok moro.

Jeremia 8:8

“Ere kaka ginyalo wacho ni giriek kendo ging’eyo chikena, to jopuonj chik mag miriambo osegajo chikena?

Ywagruok 3:62

Isewinjo bende kaka wasika kuodha ling’ling’ pile, odiechieng’ duto.

Ezekiel 7:26

Masiche mathoth nomaku, kendo weche maricho kende ema unuwinji. Unugomb jonabi mondo onyisu gik mabiro timore, to ok unuyudi. Jodolo bende ok nobed gi gima gipuonjo ji.

Tim jo-Lawi 10:11

kendo kupuonjo jo-Israel chike mane Ruoth Nyasaye omiyogi gi dho Musa.”

Mika 3:6

Kuom mano ok ginichak giyud fweny moro gotieno, kendo ok ginichak gibed gi teko mar koro wach. Ler ma gineno nolokre mudho, kendo wang’chieng’ biro podhonigi.

Mika 3:7

Joma koro wach wigi biro kuot, nikech Nyasaye ok dwokgi.”

Malaki 2:7

En tich jodolo mondo opuonj ji wach mar adiera mar Nyasaye, kendo ji onego odhi irgi mondo opuonjre chik Nyasaye, nikech gin jootena, An Ruoth Nyasaye Manyalo Gik Moko Duto.

Luka 11:45

Eka japuonj Chik moro nowacho ni Yesu niya, “Japuonj, ka iwacho kamano, to wan bende iyanyowa!”

Johana 9:40

Jo-Farisai moko mane ni kanyo nowinjo gima owacho, mi openje ni, “Iparo ni wan bende wan muofni koso?”