Jeremia 17:8 - MUMA MALER 2015

⁸ nimar ochalo gi yath mopidh but aora, matero tiendene kochomo pi. Onge gima thage, kata ndalo oro, ma chieng’ rienyie mager, nikech pote osiko ka ng’ich ang’icha. Ok odew kata ka koth ok chue, to osiko konyago anyaga olemo.

Motingʼo Loko Manyien

⁸ Enochal gi yien mopidh but pi ma tiende nyaa e tiend aora. Ok obed gi luoro ka liet obiro; ite osiko mana ka ngʼich. Oonge gi parruok e higa mar oro kendo ok owe ma ok onyago olemo.”

Jeremia 17:8 ပူးပေါင်းရင်းမြစ်များ

Ayub 29:19

Ne achalo yath ma opidhi kama ng’ich, kendo mayudo koth pile.

Ayub 8:16

Ji ma timbegi richo chalo gi buya, matwi kendo dongo e ndalo chwiri, kendo landore e puodho duto.

Zaburi 1:3

Ochalo gi yath madongo e bath aora, manyago olemo e kinde mowinjore kendo ma pote ok ner. Gimoro amora motimo dhi maber.

Ngeche 11:28

Joma kare nodhi nyime maber, mana ka oboke maloth ndalo chwiri, to jogo ma ogeno kuom mwandugi nolwar mana ka oboke malwar ndalo oro.

Isaya 58:11

Ruoth Nyasaye ema nobed ka telonu pilepile, kokonyou kuonde motwo. Enomi dendu bed mojing’, mi uchal gi puodho mang’ich maber, kata ka soko ma pige ok duon.

Isaya 61:3

Abiro hoyo chuny ji duto man gi lit, kendo gik ma abiro miyogi e magi: Maua mabeyo, kar buru ma gibukorego; kendo mor, kar lit ma gin go, kod pak, kar bedo gi chuny mool. Enoluonggi ni, yien mag tim makare, ma Ruoth Nyasaye opidho mondo oyudgo duong’.

Jeremia 39:18

Anariti maber, mi ok nonegi, initony nikech isegeno kuoma to kata kamano, inires mana ngimani kende. An Ruoth Nyasaye ema awacho kamano.”

Ezekiel 31:3

Ichalo gi yadh sida man Lebanon, man gi bede mabeyo motimo tipo. Adier, en yath marabora motundo e polo.

Ezekiel 47:12

E bath aora koni gi koni kit yien duto ma olembegi ichamo nodongie. Obokegi ok notwo, bende ok giniwe mak ginyago olemo, to ginibed ka ginyak due ka due, nikech pi ma giyudo mol ka wuok e Hekalu. Olemb yien-go ema ji nocham, to obokegi nothiedhruokgo.”