Jeremia 17:6 - MUMA MALER 2015

⁶ Ochalo kudho manie thim, madongo e piny motwo, mana e lowo motimo chumbi, ma onge gima dongoe maber. Onge gima ber ma ng’atno nyalo yudo.

Motingʼo Loko Manyien

⁶ Enochal ka bungu manie thim; ok enowinj maber ka ber obiro. Enodag kuonde motwo motimo ongoro, kama otimo chumbi maonge ngʼama odakie.

Jeremia 17:6 ပူးပေါင်းရင်းမြစ်များ

2 Ruodhi 7:2

Jaduong’ lweny ma nyagach ruoth nowacho ni ng’at Nyasaye niya, “Bende gini ditimre adier, kata da Ruoth Nyasaye yaw dirise polo?” To nodwoke niya, “Ibiro nene gi wang’i, to ok nichame!”

Ayub 20:17

Ok obi dak mondo one mor zeituni gi chak kod mor kich mamol ka aore,

Ayub 39:6

An ema ne amiyogi piny motwo mondo obed margi, kendo ne aweyo gidak e pewe motimo kado.

Zaburi 1:4

Joricho to ok chal kamano kata matin, to gichalo mihudhi ma yamo tero.

Zaburi 107:34

Piny momew bende omiyo lokore piny motimo kado ma ok nyal pur.

Zaburi 92:7

joma timbegi mono dongo ka buya, kendo joricho dhi nyime maber, to kata kamano, notiekgi duto chuth,

Isaya 1:30

Uchalo gi yath ma pote oner, kata ka puodho ma koth ok chuee!

Jeremia 29:32

Nowacho niya, “An Ruoth Nyasaye abiro kumo Shemaya gi nyikwaye duto, nikech ne owuoyo ka gima en janabi, mi omiyo uyie weche mag miriambo, to ne ok aore. Ok nobed gi nyikwayo ma nochung wiye e ogandau, bende obiro tho ka pok oneno gik mabeyo ma abiro timo ni joga, nikech nowachonigi mondo gitamre mako chikena. An Ruoth Nyasaye ema awacho kamano.”

Jeremia 48:6

Un jo-Moab, ringuru piyo ures ngimau! Ringuru mana ka ayuer ma seso e bungu.

Ezekiel 47:11

To pi man kuonde motimo siany kod degni manie bath namno ok nolokre maliw. Ginisik mana kaka gichalo, mondo gibed kuonde ma ji yudoe bala.

Zefania 2:9

“Kuom mano, an Ruoth Nyasaye ma Nyasach Israel, akuong’ora gi nyinga awuon, ni Moab biro chalo gi Sodom, to Amon nochal gi Gomora, mi gibed kuonde ma aila gi bugni mag pundo ema opong’o, kendo mokethore nyaka chieng’. Joga modong’ noyakgi mi kaw pinygi.”

Rapar mar Chik 29:23

Piny duto nowang’ gi mach kendo notim chumbi, ma ok nyal pidhie gimoro, kata mana lum bende ok notwiye. Nokethre mana ka Sodom gi Gomora, kod Adma gi Zeboim, mane Ruoth Nyasaye otieko gi mirimbe mager.

Jong’ad Bura 9:45

Abimelek nokedo gi joma ne ni e dala odiechieng’no duto, mi nomako dala, kendo nonego ji ma nodakie. Eka noketho dalano, mokworo bala kuome.