Jeremia 17:5 - MUMA MALER 2015

⁵ Ruoth Nyasaye wacho niya, “Okuong’ ng’at ma baro weya, to geno mana kuom dhano, ka parone bor koda.

Motingʼo Loko Manyien

⁵ Ma e gima Jehova Nyasaye wacho: “Okwongʼ ngʼatno ma genone ni kuom dhano, ngʼatno mogeno kuom ringruok mondo omiye teko, kendo ma chunye aa kuom Jehova Nyasaye.

Jeremia 17:5 ပူးပေါင်းရင်းမြစ်များ

2 Weche mag Ndalo 16:12

Kane Asa osebedo ruoth kuom higni piero adek gochiko, tuo nomako tiendene. Tuoneno nomedore ahinya, to kata kamano ne ok okwayo Ruoth Nyasaye mondo okonye, to nodhi mana kuom ajuoke.

2 Weche mag Ndalo 32:8

Teko mar dhano ema en go, to wan, Ruoth Nyasaye ma Nyasachwa ema konyowa, kendo kedo lwenjewa.” Kane ji owinjo weche Hezekia ruodh Juda, ne gitimo chir.

Zaburi 18:21

nikechh naluwo yorene, kendo ok asepogora gi Nyasacha, ka adonjo e richo.

Zaburi 62:9

Adier, dhano chalo mana gi muya, kendo onge gima onyalo. Ka ikete e rapim, to ok opek kata matin. Oyot moloyo muya!

Isaya 2:22

Kik iket genoni kuom dhano, nimar onge gima dhano nyalo. En gima nono mana ka muya mawuok e ume!

Isaya 20:5

Ji duto nogore nyang’eng’a ka geno ma gigenogo kuom jo-Ethiopia, kendo sunga ma gisungorego ni jo-Misri dikonygi, nolal nono.

Isaya 36:6

Ang’eyo ni idhialori nikech jo-Misri, to nyaka ing’e ni jo-Misri chalo gi odundu mobarore, ma ka ng’ato oyiengoree, to pilore kendo chwowo lwete. Mano e kaka Farao, ruodh Misri, chalo, ni jogo duto mogeno kuome!’

Isaya 59:15

Kuom mano, adiera olal nono, kendo ka ng’ato obet motang’ ni richo, to ikwane mana ka janeko! Ruoth Nyasaye noneno ni adiera onge, omiyo iye nowang’.

Jeremia 11:3

ni Ruoth Nyasaye ma Nyasach Israel okuong’o ng’ato ang’ata motamore rito wach singruokni.

Ezekiel 6:9

To ginipara kuonde motergie e tuechgo mi ging’e ni ne asekumogi mana ni mondo wigi okuodi, nikech chunygi marach oseweya, mi gihero nyiseche manono moloya. Ginichare kendgi nikech timbe maricho kendo makuodo wich ma gisetimo.

Hosea 1:2

Kane Ruoth Nyasaye okwongo miyo Hosea owuoyo ni jo-Israel, ne owachone niya, “Jopinyni oseweya, molamo nyiseche mamoko, mana ka dhako moweyo chwore mondo odwanyre gi chwo mamoko.