Jeremia 17:27 - MUMA MALER 2015

²⁷ To ka ok giluora, mi gitamore rito chieng’ Sabato obed maler, kendo giting’o misigo moro amora ka gikadho e dhorangeye mag Jerusalem chieng’no, to anamok mach e dhorangeye mag Jerusalem, mi majno nowang’ ut ruodhi mag Jerusalem, kendo onge ng’ama nonege.”

Motingʼo Loko Manyien

²⁷ To ka ok umiya luor mondo urit Sabato maler ma ok utingʼo misigo ka udonjo e rangeye Jerusalem chiengʼ Sabato, to anamok mach ma ok tho e rangeye mag Jerusalem manowangʼ kuondegi mochiel motegno.’ ”

Jeremia 17:27 ပူးပေါင်းရင်းမြစ်များ

2 Ruodhi 22:17

Ne gikwinya gi timbegi ka giweya, kendo ka giwang’o ubani ni nyiseche manono. Emomiyo mirimba nobed mager kuom pinyni, kendo ok norum.’

2 Ruodhi 25:9

Nowang’o Od Ruoth Nyasaye, gi od ruoth, kod udi duto mag Jerusalem,

2 Weche mag Ndalo 36:19

Ne giwang’o Od Nyasaye, mi gimuko ohinga mar Jerusalem. Ne giwang’o ut ruoth duto, kendo ne giketho gik moko duto ma nengogi tek man Jerusalem.

Zaburi 122:7

Kue onego obed e ohinga mari, kendo dongruok maber bende obed e ut jodongi.”

Isaya 1:20

To ka udagi, mi upiem koda, to ligangla notieku. An Ruoth Nyasaye ema awacho kamano.”

Isaya 1:31

Ng’at ma rategoe moloyo nochal oswekle, kendo timbeu mamono ema nodok pilni mach, mi un uwang’ kaachiel gi timbeu, ma onge ng’ama nego majno!”

Jeremia 17:24

“Nyisgi ni nyaka giluora gi chunygi duto. Kik giting’ misigo moro amora ka gikadho e dhorangeye mag dalani chieng’ Sabato, to girit chieng’ Sabato obed maler, mak gitiyo tich moro.

Jeremia 17:4

Ubiro a e piny mane amiyou, kendo abiro miyo utiyo ni wasiku e piny ma ok ung’eyo, nimar mirimba chal gi mach, kendo biro liel nyaka chieng’.”

Jeremia 18:1

Ruoth Nyasaye nowachona niya,

Jeremia 21:12

Timuru gik makare pile. Konyuru ng’at ma ithiro e lwet joma thire, ka ok kamano, to timbeu maricho biro wang’o iya, ka mach ma ok nyal negi.

Jeremia 21:14

To an Ruoth Nyasaye abiro kumou mana maromre gi kethou. Abiro wang’o od ruodhu gi mach ma nowang’ gik moko duto machiegni kode. An Ruoth Nyasaye ema awacho kamano.”

Jeremia 22:5

To ka ok urito wechego, to akuong’oranu ni od ruodhuni biro lokore gunda. An Ruoth Nyasaye ema awacho kamano.

Jeremia 32:29

Jo-Babulon ma koro monjo Jerusalem biro moke mach, mi obiro wang’ pep kaachiel gi udi ma ji osebedo kawang’o ubani ni Baal e tetgi, kendo timoe misengni miolo piny ni nyiseche mamoko, ka gimiyago mirima.

Jeremia 39:8

E kindeno, jo-Babulon nowang’o od ruoth gi ute ji, mi gimuko ohinga mar Jerusalem.

Jeremia 44:16

“Wadagi winjo gima isewachonwa e nyim Ruoth Nyasaye.

Jeremia 49:27

Anamok mach e ohinga mar Damaski, kendo nawang’ ut ruoth Beh-hadad pep.”

Jeremia 52:13

Ne owang’o Hekalu mar Ruoth Nyasaye gi od ruoth kod ut joma dongo duto,

Jeremia 6:17

Ruoth Nyasaye noketo jorit mondo ka gigoyo tung’ to ji owinji. To ji nowacho niya, “Ok wanawinji.”

Jeremia 7:20

Emomiyo an Ruoth Nyasaye, abiro olo mirimba mager ka eri. Abiro ologi kuom ji kendo kuom jamni, to bende abiro ole kuom yien gi cham. Mirimba biro chalo gi mach mager, ma ng’ato ok nyal nego.”

Ywagruok 2:6

Osegolo gik moko duto e Hekalu mare, mi odong’ nono mana ka kiru mowe e puodho. Adier, kama ler ma joge chokoree osemuko chuth. Ruoth Nyasaye osemiyo wi ji owil gi sewni madongo kod Sabato e Sayun, kendo osejwang’o ruoth kod jodolo ka iye owang’.

Ywagruok 4:11

Ruoth Nyasaye ne oolo mirimbe mang’eny ka iye owang’, mi omoko mach kuom Sayun mowang’o mise mage duto.

Ezekiel 16:41

Giniwang’ uti, mi gikumi, mana ka mon mang’eny neno. Kamano anatiek timbeni mag chode, mi iwe chiwo gik moko ni osiepeni.

Ezekiel 21:15

Omiyo joga tuomore, kendo chunygi nyosore. Abwogo dalagi gi ligangla ma mil ka polo, kendo moikore mondo oneki.

Ezekiel 21:3

kinyiso jopinyno ni Ruoth Nyasaye owacho kama: Amon kodu, omiyo abiro wuodho liganglana mondo anegugo duto, mi joma kare gi joma timbegi mono notho machalre.

Ezekiel 22:8

Ok uluoro kuonde mowalna, bende ok urit Sabatona.

Ezekiel 23:38

To mago kende ok e gik mane gitimo! Hekalu mara bende ne gidwanyo, mi giketho Sabatona.

Hosea 8:14

Jo-Israel osegero ut ruodhi, to wigi owil gi jachuechgi. Jo-Juda osegero mier mochiel motegno, to abiro oro mach mondo owang’ miego kaachiel gi ut ruodhigo.”

Amos 1:10

Kuom mano abiro oro mach e ohinga mar Turo mondo owang’ kuonde mochiel motegno mag dalano.”

Amos 1:12

Kuom mano abiro oro mach Teman mondo owang’ kuonde mochiel motegno mag Bozra.”

Amos 1:14

Kuom mano abiro moko mach e ohinga mar Raba mondo owang’ kuonde mochiel motegno mag dalano. Ji nogo mahu chieng’ kedo, kendo lweny nobed maliet ka mach.

Amos 1:4

Kuom mano abiro oro mach e dhood Hazael piny Aram, kendo majno biro wang’o miech ruodh Ben-hadad mochiel motegno.

Amos 1:7

Kuom mano abiro oro mach e ohinga mar Gaza mondo owang’ kuonde mochiel motegno mag dalano,

Amos 2:2

Kuom mano abiro oro mach e piny Moab mondo owang’ kuonde mochiel motegno mag Kerioth. Jo-Moab biro tho e chuny mahu mar lweny, ka jolweny giyo sigich lweny, kendo tung’ ywak.

Rapar mar Chik 32:22

Mirimba osemoko mach! Mawang’o piny kaachiel gi gik manyakie, kendo owang’o mise mag gode, bende ochopo kata kar joma otho e liel piny.

Jo-Hibrania 12:25

Ritreuru mondo kik utamru winjo dwond Jal mawuoyo kodu. Joma notamore winjo dwond Musa kane Nyasaye omiyo owuoyo gi ji e piny, ne ok otony. Wan to dwatony nadi ka watamore winjo Jal mawuoyo kodwa gie polo?