Jeremia 17:24 - MUMA MALER 2015

²⁴ “Nyisgi ni nyaka giluora gi chunygi duto. Kik giting’ misigo moro amora ka gikadho e dhorangeye mag dalani chieng’ Sabato, to girit chieng’ Sabato obed maler, mak gitiyo tich moro.

Motingʼo Loko Manyien

²⁴ To ka inyalo bedo motangʼ kiluora, Jehova Nyasaye owacho, kendo onge misigo mikadhogo dhoranga dala maduongʼni chiengʼ Sabato, to irito chiengʼ Sabato maler ma ok itimo tich moro chiengʼno,

Jeremia 17:24 ပူးပေါင်းရင်းမြစ်များ

Wuok 15:26

Nowachonigi niya, “An Ruoth Nyasaye ma Nyasachu. Ka uwinjo wechena gi chunyu duto, mi utimo mana kaka adwaro, kendo kumako chikena gi buchena, to ok nasandu gi tuoche ma nakelo kuom jo-Misri, nimar an e Ruoth Nyasaye machangou.”

Wuok 20:8

“Paruru chieng’ Sabato, kendo uwale ni Ruoth Nyasaye.

Isaya 21:7

Ka oneno geche lweny ka biro, ma farese ariyo ariyo ywayo, kaachiel gi joma oidho kenje kod ngamia, to mondo orang ane maber gima timore.”

Isaya 55:2

Ere gima omiyo ung’iewo chiemo ma ok konyu, kuketho mwandu kuom gima ok nyal yieng’ou? Ka uchiko itu, mi uwinjo gima awacho, to ubiro chamo chiemo mabeyo, mi uwinj ndhath gima uchamo.

Ezekiel 20:20

Nyaka une ni ndalo mag Sabatona orit maler, mondo obed ranyisi mar singruok manie kinda kodu, mondo oparnu ni an Ruoth Nyasaye e Nyasachu.’

Zekaria 6:15

Ji moa kuonde maboyo nobi mondo okony tich gero Hekalu mar Ruoth Nyasaye. Kamano unung’e ni Ruoth Nyasaye Manyalo Gik Moko Duto ema oseora iru. To mano notimre mana ka uyie winjo wach Ruoth Nyasaye ma Nyasachu.

Rapar mar Chik 11:13

Omiyo kurito chike ma amiyou kawuonogi, mi uhero Ruoth Nyasaye ma Nyasachu, kendo utiyone gi chunyu duto,

Rapar mar Chik 11:22

“Ka urito chike ma amiyougi adimba, mi uhero Ruoth Nyasaye ma Nyasachu, kendo uwuotho e yorene duto, kuketo chunyu kuome,