Jeremia 17:21 - MUMA MALER 2015

²¹ Nyisgi ni ka ok gidwar tho, to kik giting’ misike chieng’ Sabato. Bende kik giting’ gimoro ka gikadhogo e dhorangeye mag Jerusalem chieng’no.

Motingʼo Loko Manyien

²¹ Ma e gima Jehova Nyasaye wacho: Bed motangʼ ma kik itingʼ misigo chiengʼ Sabato kata ikele kokalo e rangeye mag Jerusalem.

Jeremia 17:21 ပူးပေါင်းရင်းမြစ်များ

Wuok 20:8

“Paruru chieng’ Sabato, kendo uwale ni Ruoth Nyasaye.

Ngeche 4:23

Chunyi e kama ngimani ochakoree, emomiyo rite ka mwanduni migenoe moloyo.

Isaya 56:2

Jal matimo kamano mak oweyo, kendo momako wechego ndalo duto, en jahawi. Adier, ng’at morito Sabato mondo kik kethie, bende ma ok tim gimoro marach, en jahawi.

Isaya 58:13

Ka urito chieng’ Sabato maler, ma ok utiyo tijeu uwegi, kendo ka ok utimo gik ma un ema udwaro chieng’no, to uhulo ni chieng’no en chieng’ mor, kendo chiengg’ mowal ni Ruoth Nyasaye, kendo umiyo Ruoth Nyasaye duong’ kuom weyoo loko ohala, kendo kuweyo weche manono,

Mariko 4:24

Bende nowachonigi niya, “Chikuru itu maber ni gima iwachonu. Rapim ma upimoe ema un bende nopimnue, to bende nomednu moloyo,

Luka 8:18

Emomiyo chikuru itu maber mondo uwinj gima iwachonu, nimar ng’at man-go ema nomedi, to ng’at maongego, noma kata mana mano matin moparo ni en-go!”

Tich Joote 20:28

To tang’uru, kendo rituru kueth duto ma Roho Maler osemiyou mondo uriti. Beduru jokwath mag kanyakla mar joma oyie kuom Nyasaye mane ong’iewo gi remb Wuode owuon.

Rapar mar Chik 11:16

To ritreuru mondo kik ulal, mi uti ni nyiseche mamoko kendo ulamgi.

Rapar mar Chik 4:15

“Chieng’ mane Ruoth Nyasaye owuoyo kodu Horeb gie mach, ne ok uneno kit gimoro amora,

Rapar mar Chik 4:23

Ritreuru mondo une ni wiu ok owil gi singruok mane Ruoth Nyasaye ma Nyasachu osetimo kodu. Kik ulos kido moro amora maket, kukethogo chik mar Ruoth Nyasaye ma Nyasachu,

Rapar mar Chik 4:9

“To beduru kutang’ kendo neuru ni wiu ok owil gi gik museneno gi wang’u. Kik uwe gia e chunyu ka pod ungima, to hulgiuru ni nyithindu kendo ni nyikwau.

Joshua 23:11

Omiyo neuru ni uhero Ruoth Nyasaye ma Nyasachu,