Jeremia 17:18 - MUMA MALER 2015

¹⁸ Kel wichkuot kuom joma sanda, to an mondo iweya, kendo kelnigi kihondko, to an kik ibwoga. Kelnigi masira, kendo kethgi chuth.”

Motingʼo Loko Manyien

¹⁸ Mad jogo masanda ne wichkuot, to an kik wiya kuodi; mad gibed gi bwok maduongʼ to an kik ibwoga. Kel gigi kuomgi e kinde mar masira; kethgi gi kethruok manyadiriyo.

Jeremia 17:18 ပူးပေါင်းရင်းမြစ်များ

Ayub 16:14

Ohinyo denda sa duto, kendo omonja ka jalweny ma chunye okethore.

Zaburi 35:4

kendo mad jogo ma chano timona gik maricho dwok chien, mi ng’eng nono.

Zaburi 35:8

To masira biro jukogi ka ok ging’eyo. Gibiro moko e obathgi giwegi, kendo gin ema gibiro nyumore e bur mane gikunyo.

Zaburi 40:14

We joma dwaro ketho ngimana oyud wichkuot giduto, mi ging’eng nono. Bende jogo ma giyo kamor ni ahinyora onego dwok chien, kendo wigi okuot.

Zaburi 70:2

We joma dwaro ketho ngimana wigi okuodi, mi ng’eng’ nono, bende jogo ma giyo ka mor ni ahinyora, onego dwok chien ka wigi okuot.

Zaburi 71:1

A Ruoth Nyasaye, in ema ageno kuomi. Kik iwe loya, mi wiya kuodi,

Jeremia 1:17

Emomiyo tim atima chir Jeremia, kendo dhi iwachnigi gik moko duto ma asenyisi. Kik iwe gimiyi luoro, nono to abiro miyo ibed maluor moloyo e nyimgi.

Jeremia 11:20

Eka nalemo niya, “Ruoth Nyasaye Manyalo Gik Moko Duto, in e jang’ad bura makare, kendo ma temo chuny ji gi parogi. We aneye ka ichulo ni jogo kuor, nikech aseketo wachna e lweti.”

Jeremia 12:3

To Ruoth Nyasaye, ing’eya, kendo ineno gik ma atimo, bende inono chunya mondo ine kaka aheri. Ywa joma richogi oko ka rombe ma idwaro yang’o, kendo ketgi tenge nyaka chieng’ minegogie chopi.

Jeremia 14:17

“In Jeremia, wach ni ji kama: ‘Pi wang’a mondo omol odiechieng’ gotieno! Onego kik awe ywak nimar joga osego matek, mi ohinyore malit.

Jeremia 16:18

Abiro miyo gichul nyadiriyo kuom richogi gi timbegi mamono. Gisedwanyo pinya gi nyisechegi maonge gi ngima mana ka ringre joma otho, kendo gisepong’o piny gi nyisechegi mamono gogo.”

Jeremia 17:13

Ruoth Nyasaye ema jo-Israel ogeno kuome, omiyo ji duto moweye noyud wichkuot. Ginilal nono mana ka nying mondik e buru, nikech giseweyo Ruoth Nyasaye ma en soko mar pi maliw.

Jeremia 17:16

To Ruoth Nyasaye, bende ne akwayi mondo ikelnigi masira? In Ruoth Nyasaye ing’eyo ni ne ok agomb mondo giyud thagruok, kendo in ing’eyo gima asewacho.

Jeremia 17:19

Ruoth Nyasaye nowachona niya, “Jeremia, dhiyo mondo ichung’ e dhorangach miluongo ni Ranga Ji, kama ruodhi mag Juda donjogo kendo wuokgo Jerusalem. Bang’e idhi e dhorangeye mamoko mag dala.

Jeremia 20:11

To in Ruoth Nyasaye, in koda, itek, kendo iduong’, omiyo joma sanda biro chwanyore, kendo ok ginyal gimoro. Wigi biro kuot malich, nikech ok gibi loyo. Wichkuotgino nosik nyaka chieng’, kendo wich ok nowilgo.

Rapar mar Chik 33:11

A Ruoth Nyasaye, guedh riekogi duto, kendo iyie gi tichgi. Tiek wasikgi duto, mondo wasikgigo kik chak bed gi teko.”

Fweny 18:6

Timneuru kaka osetimo! Medneuru nyadiriyo kuom gik ma osetimo! Kikombe mane omiyo jomoko omadho, ema mondo uolne nyadiriyo!