Jeremia 17:11 - MUMA MALER 2015

¹¹ Ng’ato ma yudo pesa e yor miriambo chalo gi winyo matoyo tong’ mane ok otoko. Gibiro lalne kapok obet ng’at moti, kendo bang’e nolokre mana ng’at mofuwo.”

Motingʼo Loko Manyien

¹¹ Kaka winyo ma butno e tongʼ mane ok onywolo, e kaka ngʼatno mayudo mwandu gi yore ma ok kare. Ka nus ngimane oserumo, mwandune noweye, kendo gikone nonere malongʼo ni en ngʼama ofuwo.

Jeremia 17:11 ပူးပေါင်းရင်းမြစ်များ

Ayub 20:21

omiyo kane ochiemo, to gimoro ok dong’ e tape. To koro sani gige oserumo.

Zaburi 49:13

Neyeuru gik matimore ni joma ogeno kuom tekregi giwegi, kendo winjeuru giko mar jogo mogeno kuom mwandugi.

Zaburi 55:23

Jonek gi jomriambo ok nodag aming’a. In Nyasaye ibiro wito jogo e bur matut. An to abiro geno kuomi.

Ngeche 13:11

Mwandu moyudi e yo mayot lal piyopiyo, to mwandu mitiyone matek medore ameda.

Ngeche 15:27

Ng’at ma gombo bedo gi mwandu e yor miganga keto joode e chandruok, to ng’at modagi chamo asoya nodag aming’a.

Ngeche 21:6

Mwandu moyudi e yor miganga lal piyopiyo nono, to bende gitero ji e tho.

Ngeche 23:5

to bed mariek nimar pesani nyalo lal ka diemo wang’, mana ka gima en gi buombene ma ohuyogo ka ongo.

Ngeche 28:16

Ruoth ma onge gi rieko sando joge asanda, to ruoth mamon gi timbe mobam, to nobed gi loch aming’a.

Ngeche 28:20

Ng’at makare dak malong’o e ngima maber, to ng’at ma rikni mondo oyud mwandu nyaka yud kum.

Ngeche 28:22

Ng’at ma iye lit rikni mondo oyud mwandu. Ok ong’eyo ni chieng’ moro dhier nyalo make.

Ngeche 28:8

Ka iholo ji gik moko mondo odwokni gi ohala, to ohala miyudono nodog ni ng’at machielo makonyo jochan.

Jeremia 22:13

“En gima lit manadi kuom ng’at ma gero od gorofa e yor miganga kendo ka miyo jowetene tiyo kayiem, to ok migi misara.

Jeremia 22:17

In to ineno mana gigi iwuon. Inego joma onge ketho, kendo ithiro jogi gi gero. An Ruoth Nyasaye ema awacho kamano.”

Jeremia 6:13

“Ji duto madongo gi matindo temo yudo pesa e yore mag miganga, kata mana jonabi gi jodolo bende migengni.

Jeremia 8:10

Kuom mano mondgi kaachiel gi puothegi abiro miyo jomoko nono. Ji duto, madongo gi matindo, temo yudo pesa e yore mag miriambo, kata mana jonabi gi jodolo duto bende jomriambo,

Amos 3:10

Ruoth Nyasaye owacho kama: “Jogo ok ong’eyo kaka digibed joma obidhore. Gipong’o utgi madongo gi gik moyaki.

Mika 2:9

Uriembo mond joga e mier ma gihero, kendo gueth moa kuoma usemayo nyithindgi nyaka chieng’.

Mika 7:3

Gitimo timbe maricho gi chunygi duto. Jodongo kwayo gik moko mondo omigi, kendo jong’ad bura chamo asoya, bende jotelo golo chik mana kaka gin ema gihero.

Zefania 1:9

Chieng’no abiro kumo jogo duto mamiel e laru mar Hekalu, kendo mapong’o od ruodhgi gi timbe mahundu kod timbe mag wuond.

Zekaria 5:4

Ruoth Nyasaye Manyalo Gik Moko Duto wacho ni, ‘Anaor kuong’no e ut jokuo duto, kende e od ng’ato ang’ata makuong’ore gi miriambo e nyinga. Kuong’no nosik e udigo, mi tiekgi pep, koda ka yien gi kite mogergigo.’ ”

Malaki 3:5

Ruoth Nyasaye Manyalo Gik Moko Duto owacho niya, “Abiro ng’adonu bura, kendo bedo janeno kuomu piyo piyo, ka ayalo ajuoke gi joma terore gi joma kuong’ore kayiem gi joma wuondo jotichgi e yor misara, kod joma ok oluora, ma timo marach ni mond liete gi nyithi kiye kod jopinje mamoko modak kuomu.”

Mathayo 23:13

“Mano kaka unune malit, un jopuonj Chik gi jo-Farisai, ma wuondore ni ohero Nyasaye! Uchiego ni ji dhoranga Piny Ruodh Polo, to un uwegi ok udonjie, to eka joma dwaro donjoe be utamo. [

Luka 12:20

To Nyasaye nowacho ni ng’atno niya, ‘In ng’at mofuwo! Otieno ma kawuononi ang’ nokaw chunyi! To koro gik misekanogo duto biro konyi gang’o?’ ”

1 Timotheo 6:9

Joma dwaro bet jomwandu podho e tem kod gombo mathoth mofuwo kendo mahinyogi. Gombo ma kamago rwako ji e kethruok, kendo miyo ji lal,

Tito 1:11

Nyaka kwergi mondo giling’, nikech giketho mier ka gipuonjo weche ma ok owinjore gipuonji, mana ni mondo giyud pesa.

2 Petro 2:14

Wengegi rango mon mana gi gombo maricho, kendo gombo ma gin-go mar dwaro timo richo ok rum. Giywayo joma yiegi yomyom, gitero e richo, bende chunygi ong’iyo gi gombo gik moko. Gin joma okuong!

2 Petro 2:3

Kuom gombo chamo gik malang’, jopuonj mag miriambo nokaw giu gi weche mag wuond. To jang’ad bura oseng’ado buchgi chon! Kum ema oritogi, kendo ng’ama biro tiekogi ok nindi!