Jeremia 16:5 - MUMA MALER 2015

⁵ “Kik idonj e ot miywagoe ng’at motho, to bende kik iywag ng’ato, nimar asegolo kue mara gi herana kod ng’wonona kuomgi. An Ruoth Nyasaye ema awacho kamano.

Motingʼo Loko Manyien

⁵ Nimar ma e gima Jehova Nyasaye wacho: “Kik idonj e ot mantiere chiemb liel; kik iywagi bende kik ikechgi, nikech asegolo gwethna, herana kod ngʼwonona kuom jogi.

Jeremia 16:5 ပူးပေါင်းရင်းမြစ်များ

Zaburi 25:6

A Ruoth Nyasaye, par ng’wononi kod herani mosiko, ma isenyiso nyaka nene.

Isaya 27:11

Bende mon mamoto nojak bede yien motwo, ochwakgo mach. Mano notimre nikech ogandano onge gi rieko. Omiyo, Jachuechgi ok nokechgi. Adier, Ng’ama nochueyogi ok nong’wonnigi.

Jeremia 12:12

Ji oseng’ado gode mae thim ka gibiro mondo giyeki. To an ema aoro lweny mondo otiek pinyno, ma onge ng’at manyalo dakie gi kue.

Jeremia 13:14

Bang’e anarwadgi duto, wuone gi nyithindo machalre. Ok nakechgi kendo ok nawegi, bende ok nang’wonnigi ngang’, to naneggi duto.”

Jeremia 16:13

Kuom mano abiro riembou e pinyni, mi ateru e piny ma ok ung’eyo, kata ma kwereu bende ne ok ong’eyo. Kuno unulamie nyiseche mamoko odiechieng’ gotieno, to ok anakechu.’

Ywagruok 3:17

Koro chunya onge gi kue, mi wiya osewil gi mor ma yande an go.

Zekaria 8:10

To kane pok kindeno ochopo, ji kata jamni ne ok ti tich michulo, kendo kane ng’ato owuok dhi e tije, to ok ong’ere kata ka doduogi, nikech wasigu ne ng’eny. Bende ne athuwo ng’ato ka ng’ato gi wadgi.

Rapar mar Chik 31:17

Kuom mano, mirimba mager noliel kuomgi ka mach mi notiekgi. Anawegi, kendo ok nakwan-gi ka joga, mi ginithagre malit, kendo ginine masiche madongo. Eka bang’e giniwach niya, ‘Thagruokgi osebironwa mana nikech Nyasachwa koro ok ni kodwa.’

Fweny 6:4

Eka faras machielo ma silwal nowuok. To ng’at moidhe nomi teko mar kelo lweny e piny, mondo ji onegre, kendo ne omiye ligangla maduong’!