Jeremia 16:20 - MUMA MALER 2015

²⁰ Dhano bende nyalo loso nyiseche owuon? Ooyo, mago ok dibed nyiseche kata matin!’ ”

Motingʼo Loko Manyien

²⁰ Bende ji loso nyisechegi giwegi? Ee, to ok gin nyiseche!”

Jeremia 16:20 ပူးပေါင်းရင်းမြစ်များ

2 Ruodhi 19:18

mi gibolo nyisechegi e mach, kendo gisekethogi chuth, nimar ne ok gin nyiseche kata matin, to mana tich dhano molos gi yath kata gi kidi.

Isaya 36:19

Nyiseche mag Hamath gi Arpad ni kanye? Koso ere nyiseche mag Sefarvaim? Bende ne gireso Samaria e lweta?

Isaya 37:19

mi gibolo nyisechegi e mach, kendo gisekethogi chuth, nimar ne ok gin nyiseche kata matin, to mana tich dhano molos gi yath kata gi kidi.

Jeremia 2:11

ka oganda moro oseweyo nyisechegi, moluwo nyiseche mamoko, kata obedo ni ok gin nyiseche madieri kamano? To un joga, useweya, an Nyasachu moseting’ou malo, mi ulamo nyiseche ma ok nyal konyou.

Jeremia 5:7

Ruoth Nyasaye nowacho niya, “Ere gima dimi awe ni joga richogi? Yawuotgi oseweya, mokuong’ore gi nying nyiseche manono. Ne amiyo joga gik moko duto mane gidwaro, to pod ne giterore atera ka giketho sechegi gi mon ma jochode.

Daniel 3:1

Ruoth Nebukadnezar noloso kido mar dahabu ma borne mita piero adek, to lachne mita adek, mi ogolo chik mondo ochunge e paw Dura e gweng’ Babulon.

Tich Joote 19:26

To uneno kendo uwinjo uwegi gima jal miluongo ni Pauloni timo! Opuonjo ji ni nyiseche ma dhano ema oloso, ok gin nyiseche kata matin, kendo wechenego oseywayo ji mang’eny mi oyie kode. To mano ok timre mana e Efeso kaeri kende, to ochiegni landore e piny Asia duto.

Jo-Galatia 1:8

To kata ka ng’ato dipuonju Wach Maber machielo ma ok mano mane wapuonjou, bed ni en wan, kata mana malaika mar polo, to Nyasaye mondo okuong’e.

Jo-Galatia 4:8

E kinde machon ne ok ung’eyo Nyasaye, omiyo ne un wasumbini mag gik moko ma ok nyiseche kata matin.