Jeremia 16:18 - MUMA MALER 2015

¹⁸ Abiro miyo gichul nyadiriyo kuom richogi gi timbegi mamono. Gisedwanyo pinya gi nyisechegi maonge gi ngima mana ka ringre joma otho, kendo gisepong’o piny gi nyisechegi mamono gogo.”

Motingʼo Loko Manyien

¹⁸ Anachulgi nyadiriyo kuom timbegi mamono kod richo mag-gi, nikech gisenjawo pinya kod gigi mopa maonge ngima kendo gisepongʼo girkeni mara gi nyisechegi manono maonge tich.”

Jeremia 16:18 ပူးပေါင်းရင်းမြစ်များ

Zaburi 106:38

Adier, ne gichwero remb yawuotgi gi nyigi ma onge ketho ka gichiwonigi ni nyiseche manono mag Kanaan, mi piny nodoko mogak nikech remo ma nochuerno.

Isaya 24:5

Ji modak e piny osedwanyo piny, nikech gidagi rito chike, mi giketho muma mochwere.

Isaya 40:2

Wuouru gi jo-Jerusalem gi muolo, kuwachonigi ni gisetieko ndalogi mag tuech, kendo ni osekumgi moromo. Ruoth Nyasaye osekumogi nyadiriyo kuom richogi duto.”

Isaya 61:7

Kar bedo gi wichkuot, to unuyud pok nyadiriyo, kendo kar yudo achaya, to unubed mamor gi poku. Kamano unuyud pok nyadiriyo e pinyu, mi ubed gi mor mochwere,

Isaya 65:6

Neuru! Wachno osendiki e nyima. Ok abi ling’, to abiro kumou kuom richou, kaachiel gi richo mag wuoneu. An Ruoth Nyasaye ema awacho kamano.

Isaya 65:7

Ne uwang’o ubani e gode duto madongo gi matindo, kukweda, omiyo abiro kwongo pimo pok monego uyudi, eka achulu kaka owinjore!”

Jeremia 17:18

Kel wichkuot kuom joma sanda, to an mondo iweya, kendo kelnigi kihondko, to an kik ibwoga. Kelnigi masira, kendo kethgi chuth.”

Jeremia 2:7

Ne akelou e piny momew, mondo ucham gik monyakie kod gik mabeyo mantie. To kane udonjo e piny mane amiyouno ne udwanye, mi ukethe.

Jeremia 3:9

Ne gidwanyo adwanya piny gi timbegi mag lamo kite kod yien.

Jeremia 44:4

Ne asiko ka aoronu jotichna ma jonabi mondo okweru kik utim gik makuero ma amon-gogo,

Jeremia 7:30

“Jo-Juda osetimo gima rach e nyima. Giseketo nyisechegi makuero e Hekalu mara, mi gidwanyo. An Ruoth Nyasaye ema awacho kamano.

Ezekiel 11:18

Ka gisedwogo to giniwit nyiseche manono ma giyudo kuno, kendo giniwe timbegi makuero.

Ezekiel 11:21

To anakum joma oketo chunygi kuom timbegi makuero, kendo kuom lamo nyiseche manono, mana maromre gi gik ma gisetimo. An Ruoth Nyasaye ema awacho kamano.”

Ezekiel 36:18

Ne akumogi gi mirimba mager, nikech remo mane gichuero e pinygi, kod nyiseche manono mane gidwanyorego.

Ezekiel 5:11

“An Ruoth Nyasaye mangima, akuong’ora kama: Kaka usedwanyo Hekalu mara gi timbeu mamono kendo makuero, omiyo ok nang’wonnu, to anatieku atieka, mak akechou.

Hosea 9:7

Kinde mar kum osechopo ma ng’ato ka ng’ato yudoe gima oromo gi timbene, kendo jo-Israel biro winjo! Uwacho niya, “Jonabi ofuwo! En janeko!” Un uchaya ahinya nikech richou lich.

Tim jo-Lawi 26:30

Anaketh kuonde hembko mau, kendo anamuk kendeu mag ubani. Anadhur ringreu motop kuom kido motop mag nyisecheu manono, kendo najwang’u.

Mika 2:10

Auru malo mondo udhi! Ka eri ok en kama onego uyuee. Ubiro rado gi masira.

Fweny 18:6

Timneuru kaka osetimo! Medneuru nyadiriyo kuom gik ma osetimo! Kikombe mane omiyo jomoko omadho, ema mondo uolne nyadiriyo!