Jeremia 16:17 - MUMA MALER 2015

¹⁷ Aneno gik moko duto ma gitimo, kendo onge gima opondona, bende richogi ok nyal kadhona mak aneno.

Motingʼo Loko Manyien

¹⁷ Wengena ne oneno timbegi duto; ok gipondona, bende richogo ok opondona.

Jeremia 16:17 ပူးပေါင်းရင်းမြစ်များ

2 Weche mag Ndalo 16:9

nikech wang’ Ruoth Nyasaye ng’iyo piny duto koni gi koni mondo onyis tekone mokonyogo joma chunygi odimbore e nyime. Nitimo gima ofuwo kuom wachni, omiyo chakre kawuono ibiro bedo gi lwenje.”

Ayub 10:14

ne irito mondo ine ane ka atimo richo, mana ni mondo itamri weyona richonano!

Ayub 31:4

Nyasaye ong’eyo gik moko duto ma atimo, kendo orango ondamo ka ondamo ma akawo.

Zaburi 109:15

Pile Nyasaye onego par richo ng’atno, to en owuon onego wich wil kode chuth,

Zaburi 139:3

Inena kuonde duto ma adhiyoe, kod kuonde duto ma ayueyoe. Chutho, ing’eyo yorena duto!

Zaburi 33:15

En ema ochueyo chuny ji, kendo ong’eyo gik moko duto ma ji timo.

Zaburi 51:9

Geng’ wang’i ni richona, kendo lwok timbena mamono duto.

Zaburi 90:8

Iketo richowa mopondo e nyimi kamaa inenogie.

Ngeche 15:3

Ruoth Nyasaye neno gik matimore kamoro amora. Orango joma beyo gi joma richo mana machalre.

Ngeche 5:21

Ruoth Nyasaye neno gik moko duto mitimo, kendo orangi kamoro amora midhiye.

Isaya 29:15

Yaye, unune malit, un joma temo pando parogi ni Nyasaye, kendo ma, kosetimo timbegi e mudho, to wacho niya, “Ere ng’ama nenowa, koso ere ng’ama ong’eyo gima watimo?”

Isaya 66:18

An Ruoth Nyasaye, ang’eyo timbegi kaachiel gi parogi, bende abiro choko ogendini duto, gi dhoudi mawacho dhok mopogore opogore, kendo ginibi mi gine duong’na maler,

Jeremia 2:22

Kata da bed ni ulwokoru gi pi kendo kod sabun mang’eny, to pod anyalo neno kuonde ma richou otonie. An Ruoth Nyasaye ema awacho kamano.

Jeremia 23:24

Onge ng’ama nyalo pondo kamoro ma ok anyal nene. Donge ung’eyo ni an, an kuonde duto, e polo kendo e piny.

Jeremia 29:23

Mano e gima biro timorenigi nikech ne gilokore joma ofuwo, ka giterore, kendo giwacho miriambo e nyinga, to ne ok amiyogi wach mondo gihul. Ang’eyo gima gisetimo, kendo asebedo janeno kuom timbegi. An Ruoth Nyasaye ema awacho kamano.’ ”

Jeremia 32:19

In ichano gik malich miwuoro, kendo itimo gik madongo. Bende ineno gik moko duto ma ji timo, kendo itimonigi mana moromo gi timbegi.

Jeremia 7:11

Koso uparo ni Hekalu mara en kama jomecho pondoe? An Ruoth Nyasaye aseneno gik ma utimo!

Ezekiel 8:12

Ruoth Nyasaye nopenja niya, “Wuod dhano, bende ineno gik ma jodong Israel timo kama opondo kae? Ng’ato ka ng’ato lemo mana e od nyasache manono. Giwuondore niya, ‘Ruoth Nyasaye ok newa! Osejwango pinyni.’ ”

Ezekiel 9:9

Nyasaye nodwoka niya, “Jo-Israel kod jo-Juda josetimo richo madongo ahinya. Gisenego ji mathoth e pinyni, mi gipong’o Jerusalem gi timbe maricho. Giwacho niya, ‘Ruoth Nyasaye osejwang’o pinywani. Ok onewa!’

Zefania 1:12

“Chieng’no anamany Jerusalem, kamenye gi taya, mi akum joma osiko katimo atima richo, kendo wacho ni Ruoth Nyasaye ok bi timo gimoro kata matin.

Zekaria 4:10

Adier, kawuono wachako tijni mana marachrach, to en ng’a ma dihedhre chaye, nikech ji nobed mabor koneno Zerubabel koting’o rapim migedogo e lwete.”

1 Jo-Korintho 4:5

Omiyo kik ung’ad ni ng’ato bura ka kinde moketi pok ochopo, to rituru biro mar Ruoth, nikech en ema nogol e lela weche mopandi e mudho, kendo noel paro mag chuny dhano. Eka Nyasaye nomi ng’ato ka ng’ato pak mowinjorego.

Jo-Hibrania 4:13

Onge gimoro amora mochue, manyalo pondo ni Nyasaye, to gik moko duto elore e lela ni Jal ma nyaka wanyis gik ma wasetimo.