Jeremia 16:13 - MUMA MALER 2015

¹³ Kuom mano abiro riembou e pinyni, mi ateru e piny ma ok ung’eyo, kata ma kwereu bende ne ok ong’eyo. Kuno unulamie nyiseche mamoko odiechieng’ gotieno, to ok anakechu.’

Motingʼo Loko Manyien

¹³ Kuom mano, anawitu oko mar pinyni nyaka e piny ma un kata wuoneu ok osengʼeyo, kendo kanyo unutine nyiseche moko manono odiechiengʼ gi otieno, nimar ok anangʼwon-nu.’ ”

Jeremia 16:13 ပူးပေါင်းရင်းမြစ်များ

2 Ruodhi 25:21

mi ruoth nogolo chik, mi ogogi kendo oneggi kuno e piny Hamath. Kamano e kaka nodar jo-Juda e pinygi, moter e tuech.

2 Weche mag Ndalo 7:20

napudh jo-Israel ka buya, mi nagolgi e piny ma namiyogi, kendo Hekalu ma asegwedho mondo nyinga oyudgo duong’ni, naketh mondo olal e wang’a, mi naloke ka ngero, kendo gima ji duto jaro.

Zaburi 81:12

Kuom mano, ne aweyogi mondo gidhi, ka wigi tek kamano, mondo gitim mana gik ma gin giwegi ema gidwaro.

Jeremia 10:18

nimar Ruoth Nyasaye owacho ni obiro golo ji duto modak e pinyni, kendo obiro sandou nyaka urum pep.”

Jeremia 14:8

To in kendi ema jo-Israel ogeno kuomi, nimar in ema iresowa ka wanie chandruok. Ere gima omiyo ichalo wendo e pinywa ma bworo kuom otieno achiel kende?

Jeremia 15:1

Ruoth Nyasaye nowachona niya, “Kata da bed ni Musa gi Samuel ema jochung’ e nyima ka, to ok anyal weyo ni jogi richogi. Wachnigi mondo gia e wang’a.

Jeremia 15:14

Abiro miyo giti ni wasikgi e piny ma ok ging’eyo, nikech mirimba chalo mach, kendo biro liel nyaka chieng’.”

Jeremia 15:4

Abiro miyo ogendini duto mag piny bwog konenogi, nikech gik maricho mane Manase wuod Hezekia otimo Jerusalem kane en ruodh Juda.

Jeremia 16:5

“Kik idonj e ot miywagoe ng’at motho, to bende kik iywag ng’ato, nimar asegolo kue mara gi herana kod ng’wonona kuomgi. An Ruoth Nyasaye ema awacho kamano.

Jeremia 17:4

Ubiro a e piny mane amiyou, kendo abiro miyo utiyo ni wasiku e piny ma ok ung’eyo, nimar mirimba chal gi mach, kendo biro liel nyaka chieng’.”

Jeremia 22:26

Abiro witi kaachiel gi meru, e piny moro mane ok onywolue, kendo unutho kuno uduto.

Jeremia 22:28

Jeremia nowacho niya, “Uparo ni Jekonia en agulu motho, mowit oko, ma ng’ato ok dwar koso? Ka ok kamano, to ere gima omiyo owite kaachiel gi nyithinde e piny ma ok ong’eyo?

Jeremia 5:19

To kupenja gimomiyo natimonu gigo duto, to anadwoku niya, ‘Kaka nene uweya, mutiyo ni nyiseche mag pinje mamoko e pinyu uwegi, e kaka unuti ni jopinje mamoko e piny ma ok maru!’

Jeremia 6:15

Bende uparo ni wigi nokuot nikech gik makuero mane gitimogo koso? Ooyo, wigi ne ok okuot kata matin, to bende gionge gi wichkuot! Kuom mano, ginipodhi kaka jomoko osepodho, kendo ka akumogi to ginirum. An Ruoth Nyasaye ema awacho kamano.”

Rapar mar Chik 28:36

“Ruoth Nyasaye biro terou, kaachiel gi ruoth mubiro yiero, kuom oganda ma un ok ung’eyo kata kwereu bende ne ok ong’eyo, kendo kuno unulamie nyiseche mamoko mag yien kod mag kite.

Rapar mar Chik 29:28

Osedhuologi gi lop tiendgi e pinygi gi mirimbe mager, mi oterogi e piny machielo ma pod gintie nyaka chil kawuono.’