Jeremia 16:11 - MUMA MALER 2015

¹¹ To dwokgi ni Ruoth Nyasaye owacho kama: ‘Kwereu noweya, mi otiyo ni nyiseche mamoko kendo olamo. Ne giweya kendo ne ok giwinjo chikena.

Motingʼo Loko Manyien

¹¹ Eka iwachnegi ni Jehova Nyasaye owacho ni, ‘Nikech wuoneu nojwangʼa, mi giluwo bangʼ nyiseche manono mi gitiyonegi kendo lamogi. Ne gikweda kendo ok girito chikna.

Jeremia 16:11 ပူးပေါင်းရင်းမြစ်များ

1 Ruodhi 9:9

Eka nodwokgi niya, ‘Ne giweyo Ruoth Nyasaye ma Nyasachgi, mane ogolo kweregi e piny Misri, mi ne gilamo nyiseche mamoko, kendo gitiyonigi. Emomiyo Ruoth Nyasaye osekelo masichegi duto kuomgi.’ ”

2 Weche mag Ndalo 7:22

Eka nodwokgi niya, ‘Ne giweyo Ruoth Nyasaye ma Nyasach kweregi ma noresogi ka gologi e piny Misri, mi ne gilamo nyiseche ma moko kendo gitiyonigi. Emomiyo Nyasaye osekelo masichegi duto kuomgi.’ ”

Jeremia 13:22

To eka upenjo gimomiyo gima kama osetimorenu, kendo gimomiyo oseyiech lepu kuomu, mi odwanyu, to ubiro yudo ni mano otimore nikech richou lich.

Jeremia 2:8

Jodolo noweyo penjo kuma Ruoth Nyasaye nitie. Joma ne ong’eyo weche chik bende ne ok odewa, kendo jotelo nobaro moweya. Jonabi bende ne koro wach e nying Baal, kendo ne lamo nyiseche manono.

Jeremia 22:9

Eka nodwokgi niya, ‘Mano osetimore nikech jogi oseweyo singruok mane Nyasachgi otimo kodgi, mi gilamo nyiseche mamoko kendo gitiyonigi.’

Jeremia 44:3

Ne atimo kamano nikech joma ne odak kuondego ne otimo timbe maricho ka gimiyago mirima. Ne gilamo nyiseche mamoko, ma gin kata un kata mana kwereu ne pok olamo, mi gitimonigi misengni.

Jeremia 8:2

Chokego nowit oko mondo chieng’ gi due kod sulue, mane gihero kendo gilamo, orieny kuomgi. Kar chokogi mondo oyikgi, to nowegi aweya gitow ewi lowo.

Jeremia 9:14

Gisebedo mana ka wigi tek, ka gitimo dwarogi giwegi, kendo giselamo kido manono mag Baal, kaka ne kweregi opuonjogi.

Ywagruok 5:7

Kwerewa notimo richo mathoth, kendo koro gionge, to wan ema koro ikumowa nikech richogigo.

Ezekiel 11:21

To anakum joma oketo chunygi kuom timbegi makuero, kendo kuom lamo nyiseche manono, mana maromre gi gik ma gisetimo. An Ruoth Nyasaye ema awacho kamano.”

Amos 2:4

Ruoth Nyasaye owacho niya, “Jo-Juda osetimo richo mang’eny, omiyo abiro kumogi mak orem, nikech gisechayo puonjna, kendo gisedagi rito chikena. Nyiseche manono mane kweregi lamo osemiyo gibaro, mi giweya.

Malaki 3:7

Useweyo chikena, mi ok urito, mana kaka kwereu noweyo. To koro ka uduogo ira, to an bende abiro duogo iru. Ka upenjoru niya, ‘Ang’o ma onego watim mondo wadog ire?

1 Petro 4:3

E ndalo mosekadho, ne un gi kinde malach moromou timo gik ma joma ok oyie dwaro. Ne utimo timbe maricho, kaka owruok, gi gombo, gi mer, gi dwanyruok, gi metho mag anjawo, kod lamo nyiseche manono, ma en gima Chik okwero.

Jong’ad Bura 2:11

Timbe jo-Israel nodoko maricho e nyim Ruoth Nyasaye, kendo ne gilamo nyiseche manono miluongo ni Baal.