Jeremia 15:8 - MUMA MALER 2015

⁸ Ne anego chwo mang’eny, mi ubedo gi mond liete mathoth ka kuoyo mae dhonam ne anego yawuotu godiechieng’, mi akelo ne minegi kuyo.

Motingʼo Loko Manyien

⁸ Anami mon ma chwogi otho mag-gi bedo mathoth moloyo kwoyo manie dho nam. E odiechiengʼ tir anakel ngʼama nego mana rowere; kendo apoya nono anakelnegi lit kod bwok maduongʼ.

Jeremia 15:8 ပူးပေါင်းရင်းမြစ်များ

Isaya 3:25

Ligangla noneg jou machwo kendo thuondu notho e lweny.

Isaya 3:26

Ywak kod dengo nopong’ dhorangeye mag Sayun, kendo dalano nodong’ nono kokethore.

Isaya 4:1

E kindeno chwo manok kende ema nodong’, kendo mon abiriyo nobed ka laro dichwo achiel, ka wachone niya, “Yie mondo wabed mondi waduto. Chiemo mwachamo gi lewni mwarwako to wabiro yudo wawegi, to yie ayieya oluongwa mana ni mondi, mondo kik wane wichkuot ni waonge gi chwo.”

Jeremia 16:3

Abiro nyisi gima biro timore ni nyithindo monywol ka, kaachiel gi jonywolgi.

Jeremia 18:21

To koro Ruoth Nyasaye, we kech oneg nyithindgi, kendo we githo e lweny. Joma chwo gi nyithindo mondo otho, kendo mon mondo odong’ mond liete, kendo maonge nyithindo. Tuoche mondo oneg jodongo, to yawuowi mondo otho e lweny.

Jeremia 22:7

Abiro oro ji mondo okethe. Giduto gibiro biro gi ledhi, mi ging’ad yiend sida duto mabeyo mogerego, mi giwiti e mach.

Jeremia 4:16

Nyisuru ogendini kendo landuru wach ni, Jerusalem ibiro kethi. Wasigu biro moa e piny mabor, kendo gibiro goyo koko ni joma odak e miech Juda.

Jeremia 5:6

Mano emomiyo sibuor moa e bungu biro negogi. Ee, ondiek moa e thim biro kidhogi, kendo kwach nowuoth e miechgi. Ng’ato ang’ata mowuok oko nokidh matindo tindo. Magi duto notimre nikech richogi thoth, kendo nikech giseweyo Nyasaye nyading’eny.

Jeremia 6:26

To an Ruoth Nyasaye awachonu niya, “Un joga, rwakreuru gi piende gugru, kendo bukreuru gi buru. Ywaguru malit ka ng’ama ywago wuode ma miderma, nimar ng’at ma biro tiekou biro poyou.”

Ywagruok 5:3

Wachalo gi nyithindo makiye, maonge gi wuonegi. Minewa bende chalo mond liete.

Ezekiel 22:25

Jotendgi chalo gi sibuoche ma ng’ur ka kidho le ma gisemako. Ginego ji, omiyo mond liete doko mang’eny, kendo giyako mwandu kod gik mabeyo.

Hosea 4:5

Utimo gik manono odiechieng’ gotieno, kendo jonabi bende timo mana kamano. Kuom mano abiro tieko Israel meru.

Luka 21:35

nimar enopo ji duto modak e piny.