Jeremia 15:7 - MUMA MALER 2015

⁷ Ne akeyou e mier duto, mana ka mihudhi ma yamo keyo. Un joga ne atiekou, mi anego nyithindu, nikech ne udagi weyo timbeu maricho.

Motingʼo Loko Manyien

⁷ Anapiedhgi gi odhech pietho e dhorangeye mag dala maduongʼ mar piny. Anakel lit kod kethruok ne joga, nimar gitamore loko yoregi.

Jeremia 15:7 ပူးပေါင်းရင်းမြစ်များ

Zaburi 1:4

Joricho to ok chal kamano kata matin, to gichalo mihudhi ma yamo tero.

Isaya 41:16

Unupiedhgi mi yamo notergi mabor, kendo kalausi nokegi. To un to unubed mamor, nikech Ruoth Nyasaye ma Ng’ama Ler mar Israel.

Isaya 9:12

Jo-Aram biro kedo kodgi gi yo wuok chieng’, to jo-Filistia biro monjogi gi yo podho chieng’, kendo gibiro mwonyo jo-Israel mana dichiel. To kata kamano, mirimb Ruoth Nyasaye ok norum, kendo pod nosik kokumogi akuma.

Isaya 9:13

To ji ok noduog ir jal ma nobed ka kumogi. Ooyo, ok ginidwar mondo Ruoth Nyasaye Manyalo Gik Moko Duto otelnigi.

Jeremia 18:21

To koro Ruoth Nyasaye, we kech oneg nyithindgi, kendo we githo e lweny. Joma chwo gi nyithindo mondo otho, kendo mon mondo odong’ mond liete, kendo maonge nyithindo. Tuoche mondo oneg jodongo, to yawuowi mondo otho e lweny.

Jeremia 5:3

Donge adiera ema Ruoth Nyasaye dwaro? Ne ogoyou piny, to ne ok udewo. Ne osandou malit, to ne utamoru winjo puonjne. Wiu tek ka lwanda, kendo udagi duogo ire,

Jeremia 51:2

Abiro oro ji moa e pinje mamoko mondo odhi oke Babulon mana ka mihudhi ma yamo keyo. Chieng’ ma masira omake, to ginimonje koni gi koni, mi giwe pinyno nono.

Jeremia 9:21

Tho osedonjo gie dirisewa, koda ka e miech ruodhiwa, kendo osenego nyithindo e pewe oko, kod yawuowi e chirni.”

Ezekiel 24:21

mowachona ni mondo anyisu, un jo-Israel, ni owacho kama: Usungoru ni Hekalu otegno. Kunene, to umor kendo uhero donjoe. To koro an Ruoth Nyasaye abiro loke gima kuero, kendo yawuotu gi nyiu modong’ Jerusalem none e lweny.

Ezekiel 24:25

“Wuod dhano, abiro mayogi Hekalu motegno mane gisungorego kendo ma miyogi mor, mane gihero rango kendo donjoe. Bende anamagi yawuotgi kod nyigi.

Ezekiel 36:12

Un joga Israel, anadwoku mondo uchak uwuoth e pinyu. Enobed pinyu uwegi, kendo nochieg maber, mi kech ok nochak oneg nyithindu.

Zekaria 1:4

Kik ubed machal gi kwereu mane jonabi machon ywaknigi kawacho ni, ‘Ruoth Nyasaye Manyalo Gik Moko Duto wacho niya, “Weuru yoreu maricho kod timbeu mamono mondo uduog ira.” ’ To ne ok gichiko itgi kata dewo wechena ne ok gidewo. An Ruoth Nyasaye ema awacho kamano.

Mathayo 3:12

En gi rapiedhi e lwete, ma obiro piedhogo cham duto maler. Enochok chambe e dero, to mihudhi nowang’ gi mach mak tho!”

Rapar mar Chik 28:18

Nokuong’u kuom nywol kendo kuom cham kod kuom jamni.

Rapar mar Chik 28:32

Yawuotu gi nyiu nokaw, kendo nomi jopinje mamoko ong’iew mana kuneno, mi siso nolou kodgi, to ok nubed gi teko mar timo gimoro.

Rapar mar Chik 28:41

Ununywol yawuowi gi nyiri, to ok ginisik kodu, nikech notergi e tuech.