Jeremia 15:6 - MUMA MALER 2015

⁶ Ne uweya, kendo udagi wachna, omiyo ne abiro, mi atiekou, nikech ne ok anyal geng’o mirimba kendo.

Motingʼo Loko Manyien

⁶ Jehova Nyasaye owacho niya, “Isedaga. Isiko mana kibaro iweyo yo. Omiyo anaket lweta kuomi kendo tieki; ok anatimni ngʼwono kendo.

Jeremia 15:6 ပူးပေါင်းရင်းမြစ်များ

Isaya 1:4

A yaye oganda ma joricho ma opong’ gi timbe mamono, kendo ma joge joketho ma acheje! Useweyo Ruoth Nyasaye, Ng’ama Ler mar Israel kuchaye kendo ulokone ng’eu.

Isaya 28:13

Mano omiyo Ruoth Nyasaye nochak owuo kodgi kadhum gi weche ma onge tiendgi! To ka giwinjo wechego, to ginichwanyre, mi gipodh kendo gitur. Ginimok e obadho, mi makgi, kendo tergi e tuech.

Isaya 31:3

Jo-Misri gin mana ji, to ok gin Nyasaye, bende faresegi gin mana ring’o to ok gin roho. Omiyo ka Ruoth Nyasaye orieyo bade mondo okumgi, to joma ikonyo kaachiel gi joma konyogi, nopodh piny, mi gilal nono giduto.

Jeremia 1:16

Mano e kaka abiro kumo joma oseketho, moweya kendo owang’o misengni ni nyiseche mamoko, ka gilamo gik ma giloso giwegi.

Jeremia 13:14

Bang’e anarwadgi duto, wuone gi nyithindo machalre. Ok nakechgi kendo ok nawegi, bende ok nang’wonnigi ngang’, to naneggi duto.”

Jeremia 2:13

nikech joga osetimo richo tieng’ ariyo. Gisebaro, mi giweya, an soko mar pi maliw mamol, kendo gisekunyo yewni mabarore, ma ok nyal ting’o pi!

Jeremia 2:17

Yaye, jo-Israel! Tim ma kamano usekelo mana kuomu uwegi! Ne uweya, an Ruoth Nyasaye ma Nyasachu, kane atelonu e yo.

Jeremia 2:19

Timbeu uwegi maricho ema biro kelonu kum. Ee, timbe mane uweyago ema biro kelonu bura. Kamano ubiro ng’eyo ni weyo Ruoth Nyasaye ma Nyasachu, kendo chaye en gima lit kendo marach moloyo. An Ruoth Nyasaye ema awacho kamano.

Jeremia 20:9

To ka awacho ni abiro weyi mondo kik achak awuo e nyingi, to wachni wang’o chunya, mana ka mach. Opong’o chokena, kendo ohewa ting’o ma ok anyal siro.

Jeremia 44:22

Kata mana sani, pinyu okethore maonge ng’ama odakie. Oselokore gima bwogo ji, kendo giluongo nyinge ka gima okuong’, nikech Ruoth Nyasaye ne ok nyal weyo mak okumou kuom timbeu maricho.

Jeremia 6:11

Kuom mano, Ruoth Nyasaye, mirimbi opong’a, kendo koro ohewa.” Eka Ruoth Nyasaye nowacho ni Jeremia niya, “Ol mirimba kata mana kuom nyithindo matugo e yore, kendo kuom yawuowi mochokore kanyakla. Mon gi chwo ibiro kawo koda ka joma oti mojwajni.

Jeremia 6:12

Utegi gi puothegi kod mondgi bende nomi jomoko nono, nimar abiro kumo jopinyni. An Ruoth Nyasaye ema awacho kamano.

Jeremia 6:19

Un jo-piny, winjuru! Akelo masira kuom jogi mana moromo gi timbegi, nikech gisedagi wechena, kendo ok giserito puonjna.

Jeremia 7:16

“In Jeremia, kik ulem ni jogi, bende kik ikwaya wach moro nikech gin, kata kik ihomba, nimar ok nawinji!

Jeremia 7:24

To ne ok gidewa, bende ne ok giwinjo wachna. Ne gisiko ka gitimo timbe mag wichkuot, kendo kar dhi nyime, to ne gidok chien.

Jeremia 8:5

Ka kamano, to ere gima omiyo gibaro giweya ma ok ginyal duogo ira ngang’? Gituere kuom nyisechegi manono, kendo gidagi duogo ira.

Jeremia 8:9

Jorieko wigi okuot. Wach ogoyogi nyang’eng’o kendo dhogi omoko. Gisedagi wechena, koro ere rieko ma gin-go?

Ezekiel 14:9

“Ka gimoro owuondo janabi, mi owacho wach ma ok adier, to an Ruorh Nyasaye ema awuonde, omiyo abiro rieyo bada mondo atieke, oa kuom jo-Israel.

Ezekiel 25:7

omiyo abiro ketou e lwet ogendini mamoko mondo oyaku. Abiro tiekou chuth, mi ok unuchak ubed oganda, bende ok nubed gi pinyu uwegi. Eka unung’e ni an e Ruoth Nyasaye.”

Ezekiel 35:3

Nyis jopinyno ni an Ruoth Nyasaye awacho kama: An jasiku un gode mag Seir. Abiro rieyo lweta kuomu, mi akethu ulokru thim.

Hosea 11:7

Giseweya, omiyo ok ginyal tony, kendo gibiro ywak nikech jok motuenigi, to onge ng’ama nogonynigigo.

Hosea 13:14

Uparo ni abiro reso jogi kuom tho, kata konyogi ni kik gidhi e piny joma otho? Ooyo! In tho, bi gi masicheni duto, kendo in piny joma otho, bi gi kethruokni duto, nimar ok abi kecho jogi.

Hosea 4:16

Jo-Israel tokgi tek mana ka tok kanyna. Kuom mano, ere kaka dapidhgi maber ka rombe manie lek momew?

Zefania 1:4

“Abiro kumo jo-Juda kod jo-Jerusalem duto, mondo atiek tich lamo Baal duto mitimo ka, mi kata mana nying jodolo manono ok nowinji.

Zekaria 7:11

To ne gidagi, mi giloko ng’egi ka gidino itgi, mondo mi kik giwinj wachna.