Jeremia 14:4 - MUMA MALER 2015

⁴ Chuny jopur lit, nikech koth onge, kendo piny otwo, omiyo giumo wigi.

Motingʼo Loko Manyien

⁴ Lo nigi okak nikech onge koth e piny; jopur luoro omako kendo giumo wiyegi.

Jeremia 14:4 ပူးပေါင်းရင်းမြစ်များ

Jeremia 2:37

Ubiro a e piny Misri, ka uduto umako wiu nikech wichkuot. An Ruoth Nyasaye asedagi joma ugeno kuomgi, kendo ok ginikonyu ngang’.”

Jeremia 3:3

Mano emomiyo koth ne ok ochue, kata mana kodh opon ne ok oton. To bende uchalo dhako ma jachode, nikech uonge gi wichkuot.

Joel 1:11

Ywaguru un jopur, nikech ngano gi shairi kod cham duto okethore. Un joma rito puothe mzabibu, ywaguru, nikech yiend mzabibu kod yiend ng’owo osener.

Joel 1:17

kodhi top e lowo motwo. Onge cham minyalo kano, omiyo dere man nono kethore.

Tim jo-Lawi 26:18

“Ka pod utamoru winja bang’ gigo duto, to anamed kumou nyadibiriyo kuom richou.

Amos 4:8

Ji ne a e mier moko, kendo wuotho kool kadhi e dala moro dwaro pi, to ne ok giyud moromogi. To kata kamano, ne ok uduogo ira.

Rapar mar Chik 29:23

Piny duto nowang’ gi mach kendo notim chumbi, ma ok nyal pidhie gimoro, kata mana lum bende ok notwiye. Nokethre mana ka Sodom gi Gomora, kod Adma gi Zeboim, mane Ruoth Nyasaye otieko gi mirimbe mager.