Jeremia 14:19 - MUMA MALER 2015

¹⁹ “A Ruoth Nyasaye iseweyo jo-Juda chuth koso? Adier, ichayo jo-Sayun? Ere gimomiyo isehinyowa malit kamano, ma ok wanyal chango? Ne wageno ni wabiro yudo gik mabeyo, to onge gima ber mane wayudo. Ne waparo ni ibiro changowa, to masira malit ema nopoyowa.

Motingʼo Loko Manyien

¹⁹ Bende isekwedo Juda chuth? Dibed ni ichayo Sayun? Angʼo momiyo isehinyowa ma ok wanyal chango? Ne wageno kwe to onge ber mosebiro, kinde mar chang to nitie mana thagruok.

Jeremia 14:19 ပူးပေါင်းရင်းမြစ်များ

2 Weche mag Ndalo 36:16

To ne gimedo charo joote Nyasaye, ka gichayo wachne, kendo ginyiero jonabi mage, nyaka Ruoth Nyasaye nokecho kodgi, ma koro ne ok ginyal konyo.

Ayub 30:26

Ne ageno yudo mor kod ler, to thagruok kod mudho ema ne obirona.

Zaburi 78:59

Kane Nyasaye oneno kamano, nokecho, mi odagi jo-Israel chuth.

Zaburi 89:38

To eka in Nyasaye pod isiko ikecho akecha gi ruoth mane iyiero, mowir gi mo! Isejwang’e, mi iweye!

Ngeche 29:1

Ng’at ma wiye medo bedo matek, kata ka osekwere, nopo mana ka otur ma ok chomre.

Jeremia 12:7

An Ruoth Nyasaye awacho niya, “Aseweyo ogandana mane ayiero, mi adagigi. Aseketo joga ma ahero e lwet wasikgi.

Jeremia 12:8

Joga awuon oselokore wasika. Giserutona ka sibuor manie bungu, mi koro amon kodgi.

Jeremia 15:1

Ruoth Nyasaye nowachona niya, “Kata da bed ni Musa gi Samuel ema jochung’ e nyima ka, to ok anyal weyo ni jogi richogi. Wachnigi mondo gia e wang’a.

Jeremia 15:18

Ere gima omiyo asiko ka an gi rem malit? Ang’o momiyo adhondena ok nyal chango? Koso idwaro bedona ka aora ma duono ndalo oro?”

Jeremia 30:12

Ruoth Nyasaye wacho ni joge niya, “Adhondeu ok nyal chango, nikech nuhinyoru marach,

Jeremia 30:13

onge ng’ama nyalo ritou, kendo adhondeu ok thiedhre, omiyo ok unyal chango.

Jeremia 51:5

An Ruoth Nyasaye Manyalo Gik Moko Duto pok ajwang’o jo-Israel gi jo-Juda, kata obedo ni gisetimo timbe maricho e nyima kamano, an Ng’ama Ler mar Israel.

Jeremia 6:30

Emomiyo ibiro luongo joga ni fedha mowe, nikech an Ruoth Nyasaye aseweyogi.”

Jeremia 7:29

“Yaye, jo-Jerusalem, ma yie wiu maboyo en ranyisi ni un joma owalna, dhiuru uliego oko, kendo udhi uywagi ewi gode, nimar an Ruoth Nyasaye asedagi joma akechogogi kendo aseweyogi.

Jeremia 8:15

Ne wageno kue, to mana kayiem nono. Bende ne wageno ni wabiro yudo resruok, to masira ema obwogowa.

Jeremia 8:22

Yath tinde orumo e piny Gilead koso? Jathieth onge kuno adier? Ere gima omiyo pok othiedh joga?

Ywagruok 2:13

Yaye Jerusalem, ere kaka daho chunyi? Ere chandruok ma dapim gi marino? Koso ang’o ma dapimgo, mondo aho chunyi, yaye Sayun? Adhondi duong’ ka nam! Ere ng’ama dithiedhi?

Ywagruok 2:22

Ne iorona wasigu moa kuonde duto, mana ka ji machokore e nyasi moro maduong’. Onge kata ng’at achiel mane otony. Ooyo, onge ng’ato mane odong’ ka ngima, chieng’ mane inie gi mirima, A Ruoth Nyasaye. Ji duto mane anywolo maber kendo apidho, wasika osetieko pep.

Ywagruok 4:17

Wengewa ojony ka warango gima dikonywa, to kara mana kayiem. Oganda mane warito kwageno ni biro konyowa, to kara ne ok nyal gimoro.

Ywagruok 5:22

Koso isedagiwa chuth ka in gi mirima mager?

Mika 1:12

Jo-Maroth twenyore malit ka rem ramo, kendo gidwaro resruok, nikech Ruoth Nyasaye osekelo masira machiegni gi dhoranga Jerusalem.

1 Jo-Thesalonika 5:3

ji nobed kawacho ni kue nitie, kendo weche ni kare, to ka diemo wang’ nono masira nopogi, mana kaka muoch poyo dhako man gi ich, kendo ok ginitony kata matin.