Jeremia 14:16 - MUMA MALER 2015

¹⁶ Joma ne giwachonigi gigo bende lweny gi kech biro nego. Ringregi kaachiel gi mag mondgi kod nyithindgi nowiti e yore mag Jerusalem, ma onge ng’ama noyiki, nikech abiro kumogi kuom timbegi maricho.

Motingʼo Loko Manyien

¹⁶ Kendo jogo ma gikorone nowit oko e yore mag Jerusalem nikech kech kod ligangla. Onge ngʼama noikgi kata mondegi, yawuotgi kata nyigi. Anaol kuomgi masiche mowinjore kodgi.

Jeremia 14:16 ပူးပေါင်းရင်းမြစ်များ

Ngeche 1:31

Kuom mano, unuyud gima owinjore kodu, kendo timbeu uwegi noromu!

Isaya 51:20

Ruoth Nyasaye okumo yawuoti gi kum mager. Ginindo e yore duto mana ka gima gimer, kendo mana ka le ma obadho omako.

Isaya 9:16

Jotend jogi osewitogi. Omiyo joma onego telnigi ok ong’eyo gima onego gitim.

Jeremia 16:4

Tuoche maricho biro negogi, to onge ng’ama noywaggi, bende ok noyikgi. Ginidhurre pidhe pidhe mana ka owuoyo miolo e puothe. Moko notho e lweny to moko kech nonegi, kendo winy gi ondiegi nocham ringrergi.

Jeremia 18:21

To koro Ruoth Nyasaye, we kech oneg nyithindgi, kendo we githo e lweny. Joma chwo gi nyithindo mondo otho, kendo mon mondo odong’ mond liete, kendo maonge nyithindo. Tuoche mondo oneg jodongo, to yawuowi mondo otho e lweny.

Jeremia 20:6

To in Pashur, nomaki kaachiel gi joodi, mi teri Babulon kuma inithoe kendo yikie but osiepeni ma isebedo ka ihulonigi weche mag miriambo!”

Jeremia 27:15

Ruoth Nyasaye owuon osewacho ni ne ok oorogi, to giwuondou awuonda e nyinge. Mano emomiyo noriembu, mi negu duto, kaachiel gi jonabi ma wachonu miriambogo.”

Jeremia 4:18

“Un jo-Juda, un ema usekelo masira kuomu uwegi, nikech yoreu gi timbeu maricho. Ee, richou ema okelonu masira kum malitni.”

Jeremia 5:31

Jonabi koro weche mag miriambo, jodolo bende chwakogi, to kendo mano e gima joga ohero! To gibiro timo ang’o, chieng’ ma gigo orumo?

Jeremia 7:33

Winy gi le mae thim ema nocham ringre joma otho, kendo ng’ato ok nobedie ma diriembgi.

Jeremia 8:1

“E ndalono ji nogol choke ruodhi gi choke jodongo mag Juda e lietegi, kaachiel gi choke jodolo gi mag jonabi kod mag ji mamoko duto mane odak Jerusalem.

Jeremia 8:2

Chokego nowit oko mondo chieng’ gi due kod sulue, mane gihero kendo gilamo, orieny kuomgi. Kar chokogi mondo oyikgi, to nowegi aweya gitow ewi lowo.

Jeremia 9:20

Jeremia nowacho niya, “Un mon, chikuru itu ni gima Ruoth Nyasaye owacho, mondo uwinj wachne. Puonjuru nyiu gi osiepeu wende ywak.

Jeremia 9:22

Ruoth Nyasaye wacho niya, “Ringre joma otho biro dhurore pidhe mana ka owuoyo mool e puothe. Ginichal gi cham ma jokeyo osebeto, to pok ochoki.

Ezekiel 39:14

“Ka dueche abiriyogo oserumo, to noyier ji ma nosiki ka wuotho e piny mondo oyik ringre joma otho ma giyudo ka pod oriere ewi lowo. Kamano mondo gipuodh piny obed maler.

Amos 7:17

To Ruoth Nyasaye wachoni kama: ‘Chiegi biro doko jachode e dala Samaria, kendo yawuoti gi nyigi noneg e lweny. Lopi nopog gipimo gi rapim, to in iwuon initho e piny moro nono, kendo jo-Israel nodar, mi ter e tuech.’ ”

Mathayo 15:14

Omiyo wegiuru aweya! Gin jotelo mamuofni. Ka muofu otelo ni muofu wadgi, to donge giduto ginyumore e bur?”

Fweny 16:1

Bang’e ne awinjo dwol maduong’ moa e Hekalu kawacho ni malaika abiriyogo niya, “Dhiuru uol tewni abiriyo mag mirimb Nyasaye e piny.”