Jeremia 14:10 - MUMA MALER 2015

¹⁰ Ruoth Nyasaye wuoyo kuom jogi niya, “Gihero ringo weya kamano, kendo gibayo kamoro amora ma gihero. Kuom mano, ok amor kodgi, to aparo richo ma gisetimo, kendo abiro kumogi nikech richogigo.”

Motingʼo Loko Manyien

¹⁰ Ma e gima Jehova Nyasaye wacho kuom jogi: “Gihero bayo alanda kendo tiendegi ok ywe. Kuom mano, Jehova Nyasaye ok orwakogi; omiyo koro obiro paro timbegi mamono, kendo okumgi kuom richogi.”

Jeremia 14:10 ပူးပေါင်းရင်းမြစ်များ

1 Ruodhi 17:18

Dhakono nopenjo Elija niya, “Yaye ng’at Nyasaye, in gang’o koda? Bironi osefwenyo richona koso, ma omiyo wuoda otho?”

Zaburi 119:101

Asetang’ ni timbe maricho duto, nikech adwaro rito chikeni.

Zaburi 95:10

Ne asin kodgi kuom higni piero ang’wen, mi awacho niya, ‘Gitamore winjo chikena, kendo ok ging’eyo yorena.’

Wuok 32:34

Koro dhiyo mondo itel ni ji nyaka kuma nasenyisi. Malaikana notel nyimi, to kinde biro chopo ma anakumgie kuom richogi.”

Jeremia 2:36

Ere gima omiyo uloko parou ka ok udewo? Jo-Misri mugeno kuomgi ok nokonyu, mana kaka jo-Asuria bende ne ok okonyou.

Jeremia 3:13

Mak mana ni nyaka uyie ni useketho, kendo nyaka uyie ni usepiem gi Ruoth Nyasaye ma Nyasachu. Bende yieuru ni usedwanyoru gi nyiseche mamoko e tiend yien duto motimo otiep, kendo ne ok uwinjo wachna.’ An Ruoth Nyasaye ema awacho kamano.

Jeremia 31:34

Onge ng’ama nopuonj wadgi kata ma nopuonj omin mare, kawachone ni, ‘Ng’e Ruoth Nyasaye,’ nikechh giduto gining’eya, chakre ng’at matinie moloyo nyaka ng’at maduong’ie moloyo. Anawenigi richogi, kendo ok nachak apar timbe maricho mane gisetimo. An Ruoth Nyasaye ema awacho kamano.”

Jeremia 6:20

Ere tiende kelona ubani moa Sheba, kata gik mang’ue ng’ar moa e pinje maboyo? Ok anayie misengni miwang’o pep, kendo ok anabed mamor gi misengni mamoko ma gitimona.”

Jeremia 8:5

Ka kamano, to ere gima omiyo gibaro giweya ma ok ginyal duogo ira ngang’? Gituere kuom nyisechegi manono, kendo gidagi duogo ira.

Ezekiel 29:16

Kamano jo-Israel ok nochak oket genogi kuomgi. Masira momako Misrino nonyis jo-Israel kaka ne giketho ka giketo genogi kuom jo-Misri. Bang’e jo-Israel nong’e ni an e Ruoth Nyasaye.”

Hosea 11:7

Giseweya, omiyo ok ginyal tony, kendo gibiro ywak nikech jok motuenigi, to onge ng’ama nogonynigigo.

Hosea 11:9

Ok nakumu gi mirimba mager, bende ok nachak aketh Israel, nimar an Nyasaye, to ok dhano. An Ng’ama Ler, an kodu, kendo ok nabi iru gi mirima.

Hosea 7:13

“Gidiwo, nimar giseweya mi gipiem koda, omiyo ibiro tiekgi. Ne adwaro resogi, to giwacho miriambo kuoma.

Hosea 7:2

Ok gipar ni wiya ok nyal wil gi richo duto ma gitimo. Richogi olworogi, kendo ok nyal tama neno.”

Hosea 8:13

Gihero timo misengni, kendo gihero chamo ring misengnigo. To an Ruoth Nyasaye ok amor kodgi, kendo abiro paro richogi mi akumgi, ka adwokogi e piny Misri.

Hosea 9:9

Usedonjo matut e richo mana kaka notimore Gibea. Nyasaye nopar richou, mi nokumu.

Amos 3:2

kendo un ema aseng’eyou kendo ritou kuom ogendini duto manie piny. Kuom mano abiro kumou kuom richou duto.

Amos 5:22

Ka utimona misengni miwang’o pep, kod misengni mag cham, to ok nayiego, bende ok narang jambu mutimogo misengni mag sawo.

Jo-Hibrania 8:12

Anang’wonnigi giduto kuom timbegi maricho, kendo ok nachak apar richogi ngang’.’ ”

1 Samuel 15:2

Ruoth Nyasaye Manyalo Gik Moko Duto owacho kama: ‘Anakum jo-Amalek kuom geng’o ni jo-Israel yo, kane gia Misri.