Jeremia 13:9 - MUMA MALER 2015

⁹ “Mano e kaka abiro ketho sunga mar jo-Juda kaachiel gi sunga marach mar jo-Jerusalem.

Motingʼo Loko Manyien

⁹ “Ma e gima Jehova Nyasaye wacho: ‘Anatiek sunga mar Juda kod sunga malich mar Jerusalem mana e yo machalre kamano.

Jeremia 13:9 ပူးပေါင်းရင်းမြစ်များ

Ngeche 16:18

Sunga kelo masira, kendo ng’ayi miyo ng’ato chwanyore.

Isaya 16:6

Wasewinjo humb jo-Moab, kaka gin josunga. Adier, wasewinjo kaka ging’are malich, kendo kaka wechegi opong’ gi miriambo lilo.

Isaya 23:9

Ruoth Nyasaye manyalo Gik Moko Duto ema osechano kelo masirano mondo otiek sunga mar joma ogen, kendo okel achaya kuom ji duto moluor ahinya e piny.

Jeremia 13:8

Ruoth Nyasaye nochako owuoyo koda, ka wachona niya,

Jeremia 25:18

Ogendini mane omi omadhego ne gin jo-Jerusalem kaachiel gi joma odak e miech Juda, kod ruodhigi gi jotendgi. Ne omi gimadhe mondo gin gi pinygi gilokre gima owe ma ji chayo, kendo gima lich mabwogogi. Bang’e nyinggi nobed gima ikuong’ogo ji. Kamano e kaka pod ochal nyaka chil kawuono.

Jeremia 48:29

Jo-Moab gin josunga! Asewinjo kaka gisungore kendo gipakore ka gijaro ji, kendo giparo ni gin kende ema giloyo ji moko duto.

Ezekiel 16:50

Ne gin josunga ma wigi tek, kendo ne gitimo gik ma amon-go, omiyo ne atiekogi, kaka inenono.

Ezekiel 16:56

Donge ne inyiero Sodom kisungori,

Tim jo-Lawi 26:19

Anaketh sunga mar wich teko, ma un go. Anami polo malo rieny ka chuma, kendo piny mwalo dok matek ka mula.

Zefania 3:11

Chieng’no, in Jerusalem ok niyud wichkuot kuom timbeni mamono mane ipiemgo koda, nimar e kindeno anagol jogi ma josunga kendo ma jong’ayi, mi ok nichak isungri kendo e goda maler.

Luka 18:14

Eka Yesu, notieko kawacho niya, “Akonu ni ng’atni nodok dala ka ni kare e nyim Nyasaye moloyo ng’at machielo cha, nimar ng’at ma ting’ore malo nodwok piny, to ng’at ma dwokore piny noting’ malo.”

Jakobo 4:6

To ng’wono ma Nyasaye ochiwo ni dhano duong’ moloyo nyiego. En mana kaka Muma owacho niya, “Nyasaye miyo joma muol ng’wono, to odagi josunga.”

1 Petro 5:5

Kamano bende un joma tindo, nyaka uwinj jodongu, kendo un duto nyaka urwak muolo ka law, kukonyoru e kindu uwegi, nimar Muma wacho niya, “Nyasaye dagi josunga, to joma muol ema omiyo ng’wono.”