Jeremia 13:27 - MUMA MALER 2015

²⁷ Ruoth Nyasaye oseneno kaka utimo gik ma omon-go. Ulawo nyiseche manono e gode kendo e pewe, mana ka ng’at ma gombo chi wadgi, kendo ka faras ma dichwo ma lawo madhako! Un jo-Jerusalem urumo! Unuben maler karang’o?

Motingʼo Loko Manyien

²⁷ kaka terruok mau kod gombo mau mandhaga, kod chode mau maonge wichkuot! Aseneno timbeu mamono ewi gode matindo kod e pewe. Mano kaka nine malit, yaye Jerusalem! Nyaka karangʼo mibiro bedo mochido?”

Jeremia 13:27 ပူးပေါင်းရင်းမြစ်များ

Zaburi 94:4

Joma timbegi mono biro sungore kendo kawore kuom kinde marom nade?

Zaburi 94:8

Un joga, ere kaka unyalo bedo joma ofuwo momemore kamano? Unupuonjru karang’o?

Ngeche 1:22

Owacho niya, “Koro un joma ofuwogi, udwaro chalo kama nyaka karang’o? Koso nyaka karang’o ma ubiro tugoe gi rieko? Un ok unyal puonjoru ngang’?

Isaya 57:7

Bende ewi got moro marabora e kama isedwanyorie. Kuno bende iseidhoe mitimoe misengni,

Isaya 65:7

Ne uwang’o ubani e gode duto madongo gi matindo, kukweda, omiyo abiro kwongo pimo pok monego uyudi, eka achulu kaka owinjore!”

Jeremia 11:15

Ruoth Nyasaye wacho niya, “Joma ahero, timo timbe maricho. Ere gimomiyo oyienigi biro e oda? Koso giparo ni ginyalo geng’o masira kuom timo kuong’ruok kendo kuom wang’o boche ma gitimogo misengni? Bende giparo ni ginitony adier?

Jeremia 3:6

E ndalo loch ruoth Josia, Ruoth Nyasaye nopenja niya, “Iseneno gima jo-Israel otimo ka giweya? Giseidho gode duto, kendo gisedhi e tiend yien duto motimo otiep, mi gilamoe nyiseche manono mana kaka dhako ma jachode ringo koni gi koni kadwaro chwo.

Ezekiel 16:23

To Ruoth Nyasaye ne omedo wacho ni Jerusalem niya, “Inine malit nikech kane isetimo timbe mamonogo duto,

Ezekiel 2:10

Ne oyaro kalatasno, mi aneno ka weche mag ywak gi kuyo kod masiche ondik e iye kendo e dieng’eye.

Ezekiel 20:28

Kane akelogi e piny mane asingora ni namigi, to kamoro amora mane ginenoe got mabor kata yath motimo otiep ne gitimoe misengni. Misengni miwang’o kod mago miolo piny mane gitimo, ne omiya mirima.

Ezekiel 24:12

Nimar kata da ichwake machal nade, to nyal mopoto kuome ok nyal rumo.

Ezekiel 24:13

In Jerusalem bende, timbeni mag chode osemiyo ibet modwanyore. Kata obedo ni ne atemo pwodhi kamano, to pod ne isiko asika ka idwanyori. Kuom mano, ok nichak ibed maler kendo, nyaka chop ka akumi gi mirimba duto mager.

Ezekiel 24:6

“Koro an Ruoth Nyasaye awacho kama: Mano kaka dala jonek none malit! Ochalo gi agulu ma nyal ochamo, ma ok nyal lwokore. Goluru ring’o duto e iye, achiel ka achiel, ma ok uweyo moro kata achiel.

Ezekiel 36:25

Anakir kuomu pi maliw, mi apuodhu kuom nyisecheu mamono, kod gimoro amora mane odwanyou.

Ezekiel 36:37

“An Ruoth Nyasaye amedo wacho niya, ‘Abiro timo gik moko madongo kata moloyo mago. Abiroo yie jo-Israel okwaya mondo akonygi, mi ami ginya mathoth mana ka kueth rombe.

Ezekiel 6:13

Bang’e ringre joma otho noriere e kind nyisechegi manono, but kendegi mag misango, ewi gode matindo gi madongo, kendo e bwo yien duto motimo otiep, ma tiende ni kuonde duto mane giwang’oe ubani mang’ue ng’ar ni nyisechegi. Eka ng’ato ka ng’ato nong’e ni an e Ruoth Nyasaye.

Hosea 1:2

Kane Ruoth Nyasaye okwongo miyo Hosea owuoyo ni jo-Israel, ne owachone niya, “Jopinyni oseweya, molamo nyiseche mamoko, mana ka dhako moweyo chwore mondo odwanyre gi chwo mamoko.

Hosea 4:2

Ji ketho singruok ma gisetimo, bende giriambo, gineko, gikuelo, kendo giterore. Timbegi maricho medore ameda, kendo gichuero remo kinde duto.

Hosea 8:5

Asedagi nyaroya mar dhahabu ma jo-Samaria lamo, kendo mirimba ng’ang’ni kuomgi. Koro pod gidwaro ni mondo akumgi nyaka karang’o?

Zefania 3:1

Mano wach malit manade kuom dala Jerusalem, ma jasand ji, kendo monyorore ma japiem!

Mathayo 11:21

Nowachonigi niya, “Yaye, un jo-Korazin! Mano kaka unune malit! Yaye, un jo-Bethsaida! Mano kaka un bende unune malit! Dine bed ni honni mane otimnu ne otim mana ne jo-Turo gi jo-Sidon, to dikoro ne giseloko chunygi, mi girwako piende gugru, kendo gibukore gi buru!

2 Jo-Korintho 12:21

Bende aluor ni ka abiro to Nyasacha dipo ka omiya bedo gi wichkuot e nyimu, mi dabed gi kuyo nikech joma thoth mane oketho, to otamore lokore kuom tim ma ok ler mane gisebedo ka gitimo, kaka terruok kod anjawo.

2 Jo-Korintho 7:1

Osiepewa, mago e singruok ma osemiwa. Kuom mano, nyaka wapuodhre kuom gik moko duto mamiyo ringruok kod chuny doko mochido, mondo wadok joma ler chuth, kwabedo joma oluoro Nyasaye.

Jakobo 4:4

Un joma ok rit singruok mana ka mon moweyo chwogi! Donge ung’eyo ni ka uhero piny, to un wasik Nyasaye?

Fweny 8:13

Eka nang’icho mi awinjo ongo ka huyo e kor polo kaywak matek niya, “Lit! Lit! Mano kaka unune malit, un joma odak e piny, nikech tunge modong’ ma malaika adek biro goyo!”