Jeremia 13:26 - MUMA MALER 2015

²⁶ Ruoth Nyasaye owuon ema noyiech lepu kuomu, mi dugu nonen.

Motingʼo Loko Manyien

²⁶ Anaelu duge mi aum wengeu mondo omi wichkuot mau onere,

Jeremia 13:26 ပူးပေါင်းရင်းမြစ်များ

Isaya 47:3

Dugi nonen, kendo wichkuot ma in go nonere e lela.

Jeremia 13:22

To eka upenjo gimomiyo gima kama osetimorenu, kendo gimomiyo oseyiech lepu kuomu, mi odwanyu, to ubiro yudo ni mano otimore nikech richou lich.

Jeremia 49:10

Un to aseyweyou oko gi yuech, kendo asefwenyo kuonde ma upondoe, mi koro onge kama unyalo resorue. Jo-Edom gi wedegi kod joma odak machiegni kodgi osetieki, kendo onge kata ng’at achiel modong’.

Ywagruok 1:8

Jerusalem ne timo richo mang’eny malich, mi olokore mana ka nanga mochido mowiti, kendo ji duto mane miye duong’ tinde ochaye, nikech giseneno duge. Koro ere gima dotim, mak mana omo chunye, kendo loko wang’e kucha?

Ezekiel 16:37

Mano omiyo abiro choko osiepeni duto, mane ihero kod mane ok ihero, kanyakla. Abiro kelogi duto iri mondo gilwori ka giketi diere, mi olony lepi mondo gine dugi.

Ezekiel 23:29

kendo kaka gin bende gimon kodi, gibiro kawo gimoro amora ma ingo, mi gilonyi duk. Inidong’ e lela, mi nong’ere ratiro ni in dhako ma jachode. Mago e gik ma gombo ma in go kod timbe chode

Hosea 2:10

Bang’e anagonye duk mana ka chodene neno, kendo onge ng’ama norese e lweta.

Hosea 2:12

Anaketh yiende mag mzabibu gi ng’opene, ma owacho ni gin chudo mane chodene omiye. Anami yiende mag mzabibu kod yiende mamoko lokre bungu, kendo le ma e thim nokethgi.

Nahum 3:5

Ruoth Nyasaye Manyalo Gik Moko Duto wacho niya, “Amon kodi, kendo abiro elo lepi nyaka malo e ng’uti mondo ogendini duto one dugi, mi wiyi kuodi.