Jeremia 13:23 - MUMA MALER 2015

²³ Bende ja-Nubi nyalo loko kit dende? Koso kwach dilok kite marabok dok kido moro nono? Kapo ni gigo nyalo timore, to kara un bende mutimo gik maricho unyalo timo gik mabeyo!

Motingʼo Loko Manyien

²³ Bende ja-Kush nyalo loko kit piene kata kwach nyalo loko kido man kuome? Kamano bende ok inyal timo maber, in ngʼatno mongʼiyo gi timbe maricho.

Jeremia 13:23 ပူးပေါင်းရင်းမြစ်များ

2 Ruodhi 17:40

Kata kamano ne ok gidewo, to ne gisiko gi timbegi machon.

Ngeche 27:22

Kata ka igoyo ng’at mofuwo mi both inego, to pod ofuwo afuwa.

Eklesiastes 1:15

Gima obam ok inyal rieyo, bende ok inyal kwano gik maonge.

Isaya 1:5

Ka pod usiko upiem apiema koda kamano, to ere dendu kama pod anyalo goyo, ka adhonde opong’o wiu, kendo ringreu duto odholore kama?

Jeremia 17:9

“Ere ng’ama nyalo ng’eyo gima chuny dhano paro? Onge gima jamriambo kaka chuny dhano. En gi tuoche mang’eny ma ok nyal chango.

Jeremia 2:22

Kata da bed ni ulwokoru gi pi kendo kod sabun mang’eny, to pod anyalo neno kuonde ma richou otonie. An Ruoth Nyasaye ema awacho kamano.

Jeremia 2:30

Ne anego yawuotu, to mano ne ok opuonjou, bende ne ok unyal yie kethou, to ne unego jonabi mau mana kaka sibuor mager neko.

Jeremia 4:22

Ruoth Nyasaye wacho niya, “Joga ofuwo, kendo ok ging’eya. Gichalo gi nyithindo momemore, kendo maonge rieko. Richo ema ging’eyo timo, to timo gima ber otamogi.”

Jeremia 5:3

Donge adiera ema Ruoth Nyasaye dwaro? Ne ogoyou piny, to ne ok udewo. Ne osandou malit, to ne utamoru winjo puonjne. Wiu tek ka lwanda, kendo udagi duogo ire,

Jeremia 9:5

Giduto giwuondo osiepegi, kendo onge ng’ama wacho adiera. Gisepuonjo lewgi wacho miriambo, kendo gisedonjo matut e richo ma ok ginyal wuokie.

1 Samuel 19:21

Kane onyis Saulo wachno, nochako ooro joote moko, to gin bende ne gidhumore. Eka Saulo nooro joote kendo mar adek, mi kata jogo bende nodhumore.