Jeremia 13:20 - MUMA MALER 2015

²⁰ Un jo-Jerusalem, neyeuru! Wasiku biro, koa malo yo nyandwat. Ere oganda mane chalonu gi kweth maber, mane omiu mondo uriti?

Motingʼo Loko Manyien

²⁰ Tingʼuru wangʼu malo kendo une joma aa yo nyandwat. Ere kweth mane oket e lwetu, rombe mane usungorugo?

Jeremia 13:20 ပူးပေါင်းရင်းမြစ်များ

Ngeche 14:28

Ruoth ma joge ng’eny ema nigi huma. Ruoth ma joge nok to podho.

Jeremia 1:14

Ruoth Nyasaye nowachona niya, “Masira biro yienyo koa yo nyandwat, mi chop kuom ji duto modak e pinyni.

Jeremia 1:15

Aluongo ogendini duto man yo nyandwat mondo obi. Ruodhi maggi bende nobi, kendo norenj kombegi mag loch e dhorangeye Jerusalem, kendo e alwora mar ohinga Jerusalem, kendo e alwora mag mier moko duto mag Juda.

Jeremia 10:22

Winjuru! Wach osebiro! Koko maduong’ timore e piny moro yo nyandwat. Gin jolweny mabiro ketho miech Juda, mi lokre thim ma ondiegi ema dakie.

Jeremia 13:17

Ka utamoru winjo siemni, to anaywagu gi chunya nikech sungau. Anaywagu malit, mi pi wang’a nochuer nyaka wang’a owre, nikech odar jo-Ruoth Nyasaye, kitero e tuech.”

Jeremia 23:2

An Ruoth Nyasaye ma Nyasach Israel awuoyo kuom jotelo mane onego rit joga niya, ‘Usekeyo joga, mi uriembo, bende ok useritogi maber. Koro abiro kumou nikech gik maricho ma usetimo.

Jeremia 25:37

kendo miechgi mane nigi kue osedoko gundni nikech mirimbe mager.

Jeremia 6:22

An Ruoth Nyasaye awacho niya, “Oganda moro biro, moa e piny man yo nyandwat. Ee, oganda marang’ongo man kuma bor ikore ni lweny.

Habakuk 1:6

Abiro kelo jo-Babulon, ma oganda mager kendo ma jomrima! Giwuotho e piny ngima ka gimayo jomoko nono miechgi.