Jeremia 13:17 - MUMA MALER 2015

¹⁷ Ka utamoru winjo siemni, to anaywagu gi chunya nikech sungau. Anaywagu malit, mi pi wang’a nochuer nyaka wang’a owre, nikech odar jo-Ruoth Nyasaye, kitero e tuech.”

Motingʼo Loko Manyien

¹⁷ To ka ok uchiko itu, anaywagi apanda nikech sunga magu; wengena noywagi malit, ka gipongʼ gi pi wangʼ, nikech rombe mag Jehova Nyasaye noter e twech.

Jeremia 13:17 ပူးပေါင်းရင်းမြစ်များ

Zaburi 119:136

Pi wang’a mol ka aora, nikech ji ok dew rito chikni.

Zaburi 80:1

A Jakwadh Israel, winjwa, in ma itelo ni nyikwa Josef ka ng’ama telo ni jambe! Rienynwa in mibet e kerubi kaka ruoth mabet e kom duong’ne.

Isaya 63:11

Bang’e ne giparo ndalo machon mi gipenjore niya, “Ere Nyasaye mane ogolo joge e aora Nael, ka Musa otelonigi? Adier, ere Jal mane oketo Roho mare kuomgi,

Jeremia 14:17

“In Jeremia, wach ni ji kama: ‘Pi wang’a mondo omol odiechieng’ gotieno! Onego kik awe ywak nimar joga osego matek, mi ohinyore malit.

Jeremia 15:17

Ne ok abet e kanyakla mar joma mor, bende ne ok aneno ber, to ne an mana kenda, ka apong’ gi siwuori, nikech tich mane imiya.

Jeremia 17:16

To Ruoth Nyasaye, bende ne akwayi mondo ikelnigi masira? In Ruoth Nyasaye ing’eyo ni ne ok agomb mondo giyud thagruok, kendo in ing’eyo gima asewacho.

Jeremia 22:5

To ka ok urito wechego, to akuong’oranu ni od ruodhuni biro lokore gunda. An Ruoth Nyasaye ema awacho kamano.

Jeremia 23:1

“Enobed malich manade kuom jotelo ma weyo joga inego kendo ikeyo.

Jeremia 23:2

An Ruoth Nyasaye ma Nyasach Israel awuoyo kuom jotelo mane onego rit joga niya, ‘Usekeyo joga, mi uriembo, bende ok useritogi maber. Koro abiro kumou nikech gik maricho ma usetimo.

Jeremia 9:1

“Mad wiya lokre soko mar pi, kendo pi wang’a lokre aora, mondo aywagi odiechieng’ gotieno nikech joga mosenegi.

Ywagruok 1:16

Mano emomiyo aywak ka pi wang’a ridore e lemba, nimar ng’at ma dikue chunya mi konya, ni kuma bor. Yawuota odhier nono, nikech wasika oselocho.”

Ywagruok 1:2

Oywak malit otieno duto, ka pi wang’e ridore e lembe. Kuom joherane duto, onge ng’ama nyalo kueyo chunye. Osiepene duto osendhoge, mi odoko wasike.

Ywagruok 1:9

Chilo ma en go omienore e lepe, to ne ok odewo gima biro timore achien. Mano emomiyo podho mosepodhogo lich miwuoro, kendo onge ng’ama nyalo hoyo chunye. Oywagore niya, “A Ruoth Nyasaye, neye chandruok ma an-go, nimar wasika oselocho!”

Ywagruok 2:18

A Sayun, dala mochiel gi ohinga, ywag ni Ruoth Nyasaye gi chunyi duto. Pi wang’i mondo omol ka aora odiechieng gotieno. Kik iyue kata matin, kendo pi wang’i ki chogi.

Ywagruok 3:48

Pi wang’a mol ka aora nikech joga inego.

Ezekiel 24:16

“Wuod dhano, abiro mayi ng’at ma ihero moloyo, apoya. To kik ing’ur, kata kik iywagi, kendo pi wang’i kik chuer.

Ezekiel 34:31

“Un joga, un e kueth jamba makwayo, kendo an e Nyasachu. An Ruoth Nyasaye ema awacho kamano.”

Ezekiel 36:38

Mier ma tinde omukoregi ji nopong’ mana kaka rombe mitimogo misengni chieng’ sawo ne pong’o Jerusalem. Kamano gining’e ni an e Ruoth Nyasaye.’ ”

Ezekiel 9:4

mowachone niya, “Dhiyo, iwuothi e Jerusalem duto, iket kido e lela wang’ ng’ato ka ng’ato ma chunye lit kendo maywagore nikech gik moko duto makuero matimore e dalani.”

Malaki 2:2

“Nyaka umi nyinga duong’ kuom gik mutimo. To ka ok uwinjo wachna, kendo ok utimo kaka awacho, to abiro kuong’ou, kendo anakuong’ gik moko duto mabeyo ma uyudo e tich dolo. Ee, abiro kuong’o gigo nikech udagi rito chikna.

1 Samuel 15:11

“Chunya olokore kuom keto Saulo ruoth, nimar osedok chien ma ok oluwa, kendo ok osetimo gima nachike.” Mirima nomako Samuel, moywak ni Ruoth Nyasaye otienono duto.

1 Samuel 15:35

Samuel nokuyo nikech Ruoth Nyasaye ne oneno ni kara ne ok ber mondo oket Saulo ruodh Israel. Nyaka chop tho Samuel ne ok ochako oneno Saulo kendo.