Jeremia 13:14 - MUMA MALER 2015

¹⁴ Bang’e anarwadgi duto, wuone gi nyithindo machalre. Ok nakechgi kendo ok nawegi, bende ok nang’wonnigi ngang’, to naneggi duto.”

Motingʼo Loko Manyien

¹⁴ Jehova Nyasaye owacho niya, Anami ji duto tuomre ngʼato gi ngʼato, wuone kod yawuotgi machalre. Kechna gi herana kod ngʼwonona ok nomona tiekogi.’ ”

Jeremia 13:14 ပူးပေါင်းရင်းမြစ်များ

2 Weche mag Ndalo 20:23

Noyudo ka jo-Amon kod jo-Moab onywako ni jo-got Seir, motieko chuth, kendo kane gisetiekogi kamano, ne gichako negore kendgi giwegi.

Ayub 27:22

Enokudh kuomgi matek, ma ok oweyonigi thuolo, kendo kata obedo ni ginitem kaka ginyalo mondo gitony,

Zaburi 2:9

Iniritgi gi ludh nyinyo, kendo initogi matindo tindo ka mbalatago.’ ”

Isaya 27:11

Bende mon mamoto nojak bede yien motwo, ochwakgo mach. Mano notimre nikech ogandano onge gi rieko. Omiyo, Jachuechgi ok nokechgi. Adier, Ng’ama nochueyogi ok nong’wonnigi.

Jeremia 15:5

“Ere ng’ama biro kechou, un jo-Jerusalem? Koso ng’ama biro ywagou? En ng’a ma biro chung’ mondo omosu?

Jeremia 15:6

Ne uweya, kendo udagi wachna, omiyo ne abiro, mi atiekou, nikech ne ok anyal geng’o mirimba kendo.

Jeremia 16:5

“Kik idonj e ot miywagoe ng’at motho, to bende kik iywag ng’ato, nimar asegolo kue mara gi herana kod ng’wonona kuomgi. An Ruoth Nyasaye ema awacho kamano.

Jeremia 21:7

To Zedekia ruodh Juda gi jodonge kod jodalani duto ma otony e lweny, kendo otony e kech gi tuo, abiro keto e lwet ruoth Nebukadnezar, kendo e lwet wasikgi ma dwaro negogi. Nebukadnezar biro negogi, kendo ok obi weyogi kata kechogi kata timonigi ng’wono. An Ruoth Nyasaye awacho kamano!”

Jeremia 25:16

Ka gisemadhe, to gibiro kwang’ kendo neko biro makogi nikech lweny ma abiro kelonigi.”

Jeremia 47:3

Giniwinj tiend farese ka diko, gi geche maringo, kod tiend geche ka mutni. Wuone nyithindo ok nodog chien mondo oom nyithindgi, to ginibed maluor maonge gi teko,

Jeremia 48:12

Kuom mano ndalo biro ma naorie ji mondo ool jo-Moab oko, kendo okethgi, ka ng’ama puko divai oko, kendo toyo aguch divaino matindo tindo.

Jeremia 6:21

Kuom mano, Ruoth Nyasaye owacho kama: “Anami jogi chwanyre, mi podhi. Wuone gi yawuowi biro tho, kaachiel gi osiepegi kod joma odak machiegni kodgi.”

Ywagruok 2:21

Joma dongo gi joma tindo duto nindo piny e wang’ yore. Nyiga gi yawuota lweny gi kech osenego. Isenegogi ka in gi mirima. Adier, isetiekogi ka ok ikechogi ngang’.

Ezekiel 24:14

An Ruoth Nyasaye ema awacho kamano, kendo gima asewacho biro timore mak orem! Ok nakech ng’ato, kendo ok nang’won ni ng’ato, bende ok nalokra. Anakumi mana maromre gi timbeni duto. An Ruoth Nyasaye ema awacho kamano.”

Ezekiel 7:3

Un jo-Israel, giko osechopo, mabiro kumoue gi mirimba mager kuom gik ma usetimo. Abiro chulou maromre gi timbeu makuero,

Ezekiel 7:4

ka ok akechou kata ka ok ang’wononu. To anakumu kuom timbe modwanyore musetimo, eka unung’e ni kara an e Ruoth Nyasaye.

Ezekiel 7:9

Ok anakechu kata ok anang’uonnu, to anakumu kuom timbe makuero musetimo. Eka unung’e ni an e Ruoth Nyasaye ma jakum ji.

Ezekiel 8:18

Abiro kumogi gi mirimba mager, ka ok ang’wononigi, kata ka ok akechogi. Kata da bed ni gilama matek manade, to ok anadewgi.”

Ezekiel 9:10

Omiyo koro ok anawe ng’ato kata achiel, bende ok anakechgi.”

Ezekiel 9:5

To bende ne awinjo ka Nyasaye wacho ni ji auchiel ka niya, “Luwuru bang’ ng’atno kamoro amora modhiye e dala duto, kendo neguru ji, kik uwe kata ng’at achiel, bende kik ukechgi.

Hosea 2:4

Kata mana nyithinde bende ok naher, dhako ma jachode

Zekaria 11:6

Ruoth Nyasaye nomedo wacho niya, “Ok anakech joma odak e pinyni, to abiro keto ng’ato ka ng’ato e lwet jatende kendo e lwet ruodhe, mi jotelogo noketh piny, to ok anares ji e lwetgi.”

Mathayo 10:21

“Ng’ato nondhog owadgi mondo onegi, kendo wuone nondhog nyithindgi. Nyithindo bende nolokre gi jonywolgi mi chiwgi mondo oneggi.

Mariko 13:12

Ng’ato nondhog owadgi mondo onegi, kendo wuone nondhog nyithindgi. Nyithindo bende nolokre gi jonywolgi mi chiwgi mondo oneggi.

Rapar mar Chik 29:20

Ruoth Nyasaye ok nowe ni ng’atno richone, kendo mirimbe mager noliel kuome, mi kuong’ duto mondiki e kitabuni nomake kendo Ruoth Nyasaye noruch nyinge oko.

1 Samuel 14:16

Jorito mag Saulo mane ni Gibea noneno ka oganda lweny mag jo-Filistia ke, karingo koni gi koni.