Jeremia 12:9 - MUMA MALER 2015

⁹ Joga awuon chalo gi olith ma kite okikokiko, ma olidhe mamoko gueyo koni gi koni. Un ogendini, biuru mondo ugoru kuom joga, mi uyaki mana kaka ondiegi gore kuom gima gimako, mi gikidhi.

Motingʼo Loko Manyien

⁹ Donge girkeni maga osebedona ka kweth mag achudhe, ma achudhe mamoko lworo mondo okedgo? Dhi kendo ichok le mag bungu duto; kelgi mondo gikidh joga.

Jeremia 12:9 ပူးပေါင်းရင်းမြစ်များ

2 Ruodhi 24:2

Eka Ruoth Nyasaye nooro mony mag jo-Babulon gi mag jo-Aram, gi mag jo-Moab kod mag jo-Amon, mondo oked gi jo-Juda, kendo ne giketho pinygi chuth, kaka Ruoth Nyasaye nosemiyo jatichne ma janabi owacho.

Isaya 2:11

nimar ndalo biro ma sunga ma dhano sungorego nodwok piny, to Ruoth Nyasaye kende ema noting’ malo.

Isaya 2:12

Adier, Ruoth Nyasaye Manyalo Gik Moko Duto oseketo chieng, ma noyalie josunga ma kawore, mi oruch e buru.

Isaya 56:9

Biuru mondo uchiem un le mae pap kod mae thim,

Jeremia 15:3

“An Ruoth Nyasaye asechano ni masiche ang’wen biro makogi. Ibiro neggi mi guogi biro kidho ringregi. Winy nochamgi kendo ondiegi nocham ringregi modong’.

Jeremia 2:15

Wasikgigo rutonigi matek, mana ka sibuoche. Giseketho pinygi, molokore thim. Miechgi bende okethore, maonge ng’ama dagie.

Jeremia 34:20

Abiro chiwogi e lwet wasikgi ma dwaro negogi, kendo ringregi winy gi le ema biro chamo.

Jeremia 7:33

Winy gi le mae thim ema nocham ringre joma otho, kendo ng’ato ok nobedie ma diriembgi.

Ywagruok 1:17

Sayun ting’o bedene malo ka ywak, to onge ng’ama nyalo kueyo chunye. Ruoth Nyasaye osechiko ni mondo joma odak mokiewo gi joka Jakobo odok mamon kodgi. Jerusalem oselokorenigi ka nanga mochido mowiti.

Ezekiel 34:5

Koro kaka rombe onge gi jokwath, giseke mi ondiegi osenegogi kendo ochamogi.

Fweny 17:16

To tunge apar mane ineno, kaachiel gi ondiegno, nobed mamon gi dhako ma jachodeno. Ginikeye nono mi giweye duk. Ginicham ringre, kendo giniwang’e pep gi mach,