Jeremia 12:15 - MUMA MALER 2015

¹⁵ To ka asepudhogi oko kamano, eka anakechgi, mi aduog oganda ka oganda e lope, kendo e pinye owuon.

Motingʼo Loko Manyien

¹⁵ To bangʼ ka asegologi, anakechgi kendo, bende anaduog moro ka moro ir girkeni mare owuon kod pinye owuon.

Jeremia 12:15 ပူးပေါင်းရင်းမြစ်များ

Jeremia 16:15

To ginikuong’re gi nyinga mana ka Nyasaye mangima mane ogolo jo-israel e piny man yo nyandwat gi pinje mamoko duto mane osekeyogie. Anaduoggi e pinygi giwegi mane amiyo kweregi. An Ruoth Nyasaye ema awacho kamano.

Jeremia 24:6

Abiro ritogi maber, kendo anaduoggi e pinyni. Abiro gerogi, kendo ok namukgi. Abiro pidhogi, kendo ok napudhgi.

Jeremia 29:14

Adier, awacho ni un uyuda, mi anadwoku e pinyu. Anagolu e pinje duto kuonde ma asekeyoue, mi anadwoku e piny mane agoloue, kane amiyo oteru e tuech. An Ruoth Nyasaye ema awacho kamano.

Jeremia 3:12

Omiyo dhiyo e piny man yo nyandwat mondo iwach ni jo-Israel kama: ‘Duoguru ira un jo-Israel ma andhokegi. Aherou gi hera mosiko, omiyo ok nasik ka akecho kodu nyaka chieng’.

Jeremia 3:17

E ndalogo noluong Jerusalem ni komduong’ mar Ruoth Nyasaye, kendo ogendini duto nochokre kuno mondo omi nyinga duong’. Ok ginichak gitim tim wich teko, bende ok ginibed gi chuny mar timo richo.

Jeremia 4:2

Ka ukuong’oru gi nying Ruoth Nyasaye gi adiera gi bura makare kendo gi tim malong’o, to ogendini biro kwaya mondo gin bende aguedhgi kaka aseguedhou, kendo gibiro miya duong’.

Jeremia 48:47

To e ndalo ma biro anami jo-Moab dhi nyime maber kendo.” Mano e bura ma Ruoth Nyasaye oseng’ado ni jo-Moab.

Jeremia 49:39

To bang’e achien, anami jo-Elam chak dhi nyime maber. An Ruoth Nyasaye ema awacho kamano.”

Jeremia 49:6

To bang’e achien anami jo-Amon chak dhi nyime maber kendo.”

Daniel 11:4

To ka lochne osegurore, pinye nopogre tieng’ ang’wen, kendo yawuote gi nyikwaye ok nobed ruodhi bang’e. Jomoko nono ema nokaw lochne gi thwon, to ok ginibed gi teko marom gi mane en go.

Amos 9:14

Abiro chako amiyo joga Israel dag e ngima maber. Gibiro gero miechgi mane olokore gundni, mi gidagie, kendo gibiro pidho yiend mzabibu, mi gimadh divai. Gibiro puro puothegi, mi gicham gik manyakie.

Kwan 32:18

Ok wanaduogi ka pok ja-Israel ka ja-Israel oyudo lowo mopogne.

Tich Joote 15:16

‘Ruoth Nyasaye wacho ni, “Bang’ wechego anaduogi, kendo anachung od Daudi mosepodho. Anachak ager kuonde momukore, mi achunge kendo.

Rapar mar Chik 3:20

To ka Ruoth Nyasaye osekonyo oweteu kaka osekonyou, mi gikawo piny man loka Jordan ma Ruoth Nyasaye ma Nyasachu miyogi, mi gidakie, eka unyalo dok e piny ma asemiyouni, ng’ato ka ng’ato e dalane.’

Rapar mar Chik 30:3

to Ruoth Nyasaye ma Nyasachu nong’wonnu, mi nochak omi udhi nyime maber kendo. Enochak ochoku kendo kanyakla, kogolou e pinje duto mane okeyoue.