Jeremia 12:13 - MUMA MALER 2015

¹³ Joga pidho ngano, to kuthe ema gikayo. Gisetiyo matek, to ok giyud gimoro. Pinygi otho nikech mirimba mager.”

Motingʼo Loko Manyien

¹³ Ginipidh ngano makmana ginikaa kuthe; gini nyagre gi tich to onge ohala ma giniyudi. Omiyo yuduru wichkuot mar keyo maru nikech mirimb Jehova Nyasaye mager.”

Jeremia 12:13 ပူးပေါင်းရင်းမြစ်များ

Zaburi 78:62

Ne okecho gi joge owuon, mi oweyo wasikgi onegogi.

Isaya 55:2

Ere gima omiyo ung’iewo chiemo ma ok konyu, kuketho mwandu kuom gima ok nyal yieng’ou? Ka uchiko itu, mi uwinjo gima awacho, to ubiro chamo chiemo mabeyo, mi uwinj ndhath gima uchamo.

Jeremia 17:10

An Ruoth Nyasaye amanyo paro mar dhano, kendo apimo rieko mag ji. Atimo ni ng’ato ka ng’ato mana kaka ochalo, kendo mana ka luwore gi timbene.

Jeremia 4:26

Piny momew noselokore thim, kendo mier man kuno noselokore gundni, nikech mirima mager mar Ruoth Nyasaye.

Jeremia 9:5

Giduto giwuondo osiepegi, kendo onge ng’ama wacho adiera. Gisepuonjo lewgi wacho miriambo, kendo gisedonjo matut e richo ma ok ginyal wuokie.

Hosea 8:7

“Jo-Israel chwoyo yamo, to gikayo mana kalausi. Gin gi cham ma ok wuodhi, omiyo gionge gi mogo. To kapo ni onyago cham, to jopinje mamoko dichame, mi tieke.

Tim jo-Lawi 26:16

to ng’euru malong’o ni anatimnu kama: Anapou gi masira kendo gi tho marach kod tuo mayuyo wang’, kendo mamiyo del dhi. Chambu muchwoyo ok nokonyu, nimar wasiku ema nochamgi.

Tim jo-Lawi 26:20

Unuketh tekreu nono kuchwoyo, nimar chambu ok nochiegi, kata mana yiendu bende ok nonyag olembe.

Mika 6:15

Ubiro chuoyo, to ok unuka cham, kendo ubiro biyo zeituni, mi uyud mo, to ok unukonyru gi morno. Bende unulos divai, to ok unumadhi.

Habakuk 2:13

Donge Ruoth Nyasaye Manyalo Gik Moko Duto osewacho ni gik ma ogendini mamoko oseyudo gi luchgi nowang’, mi lal nono?

Hagai 1:6

Usechuoyo mathoth, to ukayo matin, bende uchiemo to ok uyieng’. Umetho to ok romu, kendo urwakoru to koyo pod chamou achama. Jatich tiyo kendo chamo msara, to oketo pesane mana e mifuko motuch.

Hagai 1:9

Ugeno yudo gik mathoth, to uyudo mana manok. Ka ukelo cham dala, to akudhogi kucha. An Ruoth Nyasaye apenjo ni, ‘Uparo ni atimo kamano nikech ang’o?’ To adwokou kama: ‘Atimo kamano nikech Hekaluna odong’ gunda, ka un to, ng’ato ka ng’ato nigi ode owuon motimoe gige.

Jo-Rumi 6:21

To ere ohala mane uyudo kuom timo gik ma koro miyou wichkuotgi? Giko mar gigo en mana tho.

Rapar mar Chik 28:38

“Ubiro chwoyo kodhi mang’eny e puotheu, to unuka matin, nimar bonyo biro chamogi.