Jeremia 12:11 - MUMA MALER 2015

¹¹ Gisekethe, ma oriere e nyima kanyo ma onge tich. Piny duto oselokore thim, to onge ng’ama dewo.

Motingʼo Loko Manyien

¹¹ Enobed puodho mojwangʼ, motwo, kendo machalo gunda e nyima; pinyno duto noyugno nikech onge ngʼama dewe.

Jeremia 12:11 ပူးပေါင်းရင်းမြစ်များ

Eklesiastes 7:2

Ber dhi e dala ma iywagoe ng’at motho, moloyo dhiyo kama itimoe mor, nikech pile joma ngima nyaka par ni tho ema ochikowa waduto.

Isaya 42:25

Mano ema omiyo noolo mirimbe mager kuom jo-Israel, kokelonigi lweny maliet ka mach. Ne olworogi gi mach koni gi koni, to ne ok giwinjo tiend kumno. Adier, ne orewogi, to kata kamano ne ok gidewo.

Isaya 57:1

Ji makare tho, to onge ng’ama dewo. Bende joma oyie kuom Nyasaye iwito kucha, to onge ng’ama penjo. Adier, richo ema yueyo joma kare oko,

Jeremia 10:22

Winjuru! Wach osebiro! Koko maduong’ timore e piny moro yo nyandwat. Gin jolweny mabiro ketho miech Juda, mi lokre thim ma ondiegi ema dakie.

Jeremia 10:25

Ol mirimbi kuom ogendini ma ok oyie kuomi. Ee, kech kod jogo ma ok lami! Gisenegowa, wan nyikwa Jakobo, mi gitiekowa duto, kendo giketho pinywa.”

Jeremia 14:2

“Jo-Juda ywak kendo miechgi kethore. Jogi oriere piny kokuyo, kendo jo-Jerusalem ywak mondo okonygi.

Jeremia 19:8

Anaketh dalani gi keth malich, mi ng’ato ang’ata makadho machiegni nobwogi, kawuoro gima osetimore ni dalani.

Jeremia 23:10

Joma oseweyo Ruoth Nyasaye opong’o piny. Timbegi richo, kendo gikonyore gi tekogi e yo marach. Piny ywak kendo lege otwo nikech osekuong’gi.

Jeremia 25:11

Pinyni duto biro dong’ nono, kendo nobed gima lich mabwogo ji. Ogendini duto nobed ka tiyo ni ruodh Babulon kuom higni piero abiriyo.

Jeremia 4:20

Masira achiel luwo machielo, kendo piny duto okethi, piyopiyo nono hembena omuki, kendo rageng’ni maggi oyiech matindo tindo.

Jeremia 4:27

Ruoth Nyasaye osewacho ni piny ngima biro dong’ nono, to ok nokethe chuth.

Jeremia 4:28

Ji duto modak e piny noywagi, kendo polo nolokre mudho. Ruoth Nyasaye osewacho, kendo ok nolok parone! Oseparo mogik, kendo ok nodog chien.

Jeremia 6:8

Puonjreuru kuom mano, un jo-Jerusalem, nono to aweyou, mi aloko dalau thim, ma onge ng’ama dakie.”

Jeremia 9:10

Jeremia nowacho niya, “Abiro ywago gode gi lege, nikech gisetwo, kendo onge ng’ama wuothoe. Ywak mar jamni tinde ok winji, kendo winy gi le duto mae thim oseringo.”

Jeremia 9:11

Ruoth Nyasaye owacho niya, “Abiro loko miech Jerusalem gundni kama ondiegi ema odakie, kendo miech Juda abiro loko thim.”

Jeremia 9:9

Koro donge abiro kumogi kuom timbe ma kamago? Adier, abiro chulo kuor ni oganda machal kamano! An Ruoth Nyasaye ema awacho kamano!”

Joel 1:10

Puothe ni nono, kendo piny ywak, nimar cham okethore, kendo yiend mzabibu gi yiend zeituni otwo.

Tim jo-Lawi 26:32

Anaketh pinyu, mi wasiku mobiro dakie nohum nono.

Zekaria 7:5

“Nyis ane ji duto kod jodolo niya, ‘Bende ne umiya duong’ adier, kuom riyo kech mane uriyogo e due mar abich gi mar abiriyo, kuom higni piero abiriyogo?

Malaki 2:2

“Nyaka umi nyinga duong’ kuom gik mutimo. To ka ok uwinjo wachna, kendo ok utimo kaka awacho, to abiro kuong’ou, kendo anakuong’ gik moko duto mabeyo ma uyudo e tich dolo. Ee, abiro kuong’o gigo nikech udagi rito chikna.

Jo-Rumi 8:22

Wang’eyo ni nyaka chil kawuono gik mochue duto chur, kendo neno rem mana ka dhako ma muoch kayo.